تجربتي مع السدر .....لشعر كثيييف وطويييل

السلام عليكم ورحمة الله وبركاته

كيفكم بنوتات؟؟

ما احب المقدمات بدخل الموضوع ع طووول

طبعا اول شئ ابقولكم على طبيعة شعري

كاااااااااااااان يامكان

شعري معدووووم من الصبغات

واطرافه شووك مو شعر الله المستعان

استشوره وامكره لكنه مبين تعباان>>>صرت شاعره ههههه


المهم رحت وقصيته مع حد الرقبة من تحت يعني فوق الاكتااف

وقصيت الغرة قصيرة مرة ومستقيمة وطلعت حلوة مرة وبينت خدودي

وشلت كل الشعر التالف

وبدات العناية

طبعا قصيت ااخر شهر 4

وبرنامجي هو كالاتي

1- الحناء والسدر مرة بالاسبوع

الطريقة
2م سدر مطحون
2م حناء مطحون
2م زبادي
1م مايونيز
1م خل
1م محلب مطحون


تخلط وتوضع ع الشعر لمدة 3 ساعات انا احطها احيانا ساعتين احيانا ساعه ونص ع حسب رواقتي


وعادي نغسل شعرنا بشامبو اللي يناسبك

2 ترطيب الشعر

اول ما تخرجي من الحمام وشعرك مبلول تحطي نقط زيت لوز حلو للشعر وزيت فازلين وزيت سم سم

شئ بسييط مرة للترطيب فقط مو تغرقونه



3-الشامبو


الشامبو الغييييه من برنامجك وخذي شامبو امهاتنا اللي ماشاء الله شعورهم تشهد بفعاليته

خذي قارورة ماء اللي بريال وعبيها مع 3 م كبيرة سدر مطون

اعمليها في الليل وثاني يوم استعمليها مثل الشامبو

حطيه ع شعرك وافركي شعرك شوي واتركيه 5 دقايق ثم اغسليه

واللي تحب الشامبو وما تستغني عنه تحط شامبو نونو



بنااات بعد الحناء استعملوا شامبو اقوى شوي بانتين او برت بلاس او اي شئ

عشان المايونيز ينزل من شعرك والزبادي






والنتيجة الحييييين شعري والله العظيم يا بنات طال تقريبا 3 سم

وفيه لمعه خطيييرة طبعا من الخل معروف يعطي لمعه للشعر

ووالله مع الحمل تساقط شعري وطلعت لي فراغات ببدايته الحين امتلت الفراغات

واسحب شعري ما تنزل الا شعره او اثنيين

وبدات استغني عن الاستشوار





وانا جربت شامبو السدر بعد ما ولدت ولدي الاول

كنت ابكي من تساقط شعري وقالت لي امي طريقة السدر

والحمد لله من ثاني استعمال وقف التساقط:icon28:






بنوتاااااااااااااااااااات

السدر ينشف الشعر شوي :09: لاااازم تحطوا الزيوت اللي بعد الحمام الفازلين واللوز و السمسم





وهذه تجربتي بين يديكم بكل اخلاص وامانة وبدون مبالغة

وان شاء الله تستفيدوا منها يارب:26:


ع فكرة زوجي لاحظ شعري والتغيير فيه وغار مني وراح للمرواني واشترى له زيت:)

وكل يوم وهو طايح يزيت شعره بالليل ويغسله الصبح وطول اليوم مقابل المرايه ههههههههههههههههه