كملي والله يكون في عونك ويرزق كل ما تتمنين

شوفوا بنات انا جديدةفي امور النت يدوب اعرف اشارك حتى مااعرف اعمل توقيع بس راح اكمل واسمحولي على التاخير لاني بطيئةجدا في الطباعة لسه ماتعودت بس ابشركم بديت اتحسن واحفظ مكان الاحرف بكمل يابنات على راي الاخت اللي قالت الدنيا حقيرة فعلا ماتسوى انا على حالتي هذي كنت صابرة يقولون الصبر مر لكن انا جربته الصبر احلى من العسل كان ملجئي الوحيد تعرفون انا كنت ولازلت استحي حتى من الاطفال والخدم في بيتنا مالي لاحس ولامشاكل وتعرفون اني اقل مستوى في السكن من سلفاتي اللي قبلي الكبار واللي بعدي الصغيرة لكن الكل يغار مني ما عرف على ئيش المهم ركزت طاقتي على بيتي وزوجي وامي الله يرحمها كانت مريضة وطريحة الفراش وتتنوم بالمستشفى بسبب جلطات متعددة امي لوحدها قصتها ماساة من طفولتها الى ان ترملت مرتين وجربت الضرة مع ازواجها الاتنين ممكن يوم ما اقول لكم قصتها المهم في هذيك الايام كان زوجي يحلم في كوابيس ويتكلم وهو نايم وشكله غير مرتاح حاولت اعرف شنو فيه وعرفت وتضايقت وحسيت بالذنب وانا لم افعل شي اتاري العيلة المحترمة تكلمه وتضغط عليه بموضوع الانجاب ويقولون له اني عقيم مافيني عيال لان المرة يا اما تحمل من ليلتها يا اما تكون عقيمة وانا طلعت كذلك في نظرهم نسيت اقول لكم اني بنت عمهم وقالوا له الحل اذا تبي عيال طلقها او تزوج عليها وهو رحمني لاني يتيمة ومايبي يطلع نذل ولانه كان يحب ابوي الله يرحمه تقريبا هو كان مربيه عشان كذا كان متضايق ومحتار طبعا انتوا تتخيلون ان صار لنا عشرين سنة متزوجين واني صكيت الاربعين لا طبعا لما صارت هذي المشاكل كان لنا سنتين متزوجين وعمري19 سنة وماعمرنا فحصنا عند اي دكتور اشرايكم فيهم بدل مايقولو افحصها عالجها اذا كان فيها شي قاموا يولعوا النار ويزيدوها حطب بالتعليقات اللي تحطم وبرض كنت صابرة قابلت كلامه بابتسامة وانزل الله على قلبي السكينة وانشغلت بمرض امي وكنت لاافكر بموضوع الانجاب لكن كنت اعرف انفكرة اني عقيمة دخلت براس زوجي من كثر مايسمعها من امه وخواته صراحة انا صدقت هالشي مع ان كلامهم مايهمني لكن زوجي اي كلمة منه في هالموضوع تجرحني عشان كذا عمره مافتح معاي الموضوع بنات اشرايكم في موقف اهل زوجي علما ان تحطيم المعنويات اقسى من ضرب الجسد فهو ضرب للروح اسالوني

بنات مادري شلون تكتبون قصصكم خلاص شكلي ماراح اكمل لاني تذكرت كل شي كانه صار امس عموما ابيكم تستفيدون من تجربتي انا كل شي حلو بحياتي راح امي وابوي وشهادتي كنت بالجامعة وكنت راح يكون لي شان لان تخصصي نادر لكن راحت الشهادة بعد التعب رفض زوجي اكمل وتركتها لم اندم يوما لاني عرفت ان مالي نصيب في الشهادة ضحيت وضحيت ويارب تعوضني في الجنة بس احب اقول لكم بنا ان ربي عوضني واعطاني البنت والولد الله يصلحهم يارب ويعوضني فيهم بنات انا غيرمسموح لي باكتر من 3 مشاركات عشان كذا عدلت هالمشاركة لفتت نظري وحدة قالت شلون جاكي عيال انتي عالجتي ولا وشو فقلت اقولكم انا طلع سبب العقم ان زوجي عنده ضعف شديد في الحيوانات المنوية وتعالج طبيا مانفع معاه فقرر انه يترك العلاج حزنت عليه لانه ماديا علاج العقم مكلف واكثر من طاقته فقمت بالسؤال والبحث واستفدت كثير من قسم تاخر الانجاب في عالم حواء وعالجته نظام اعشاب متكامل حتى يشهد الله ان الدكتور اللي شاف نتيجته بعد العلاج استغرب وتعجب بعد ان نصحه بالحقن المجهري سابقا قال له ان هناك تحسن كبير في العينة وبعدها حملت بمشيئة الله وقد اعطيت هذه الخلطة لصديقة زوجها يعاني من ضعف الحيوانات المنوية واخبرتني انه تحسن بعد ان كان عدد الحيوانات المنوية 2 مليون اصبح 14 مليون وان شاء الله يرزقها قريبا ودي انشر هالخلطة تشجعوني يابنات على فكرة هي سهلة واغراضها متوفرة عند العطارين اسال الله انينفع بها كما انتفعت بها وبكرة ان شاء الله راح اسوي فيها موضوع في قسم تاخر الحمل هذي تجربتي باختصار والسلام عليكم

الحمد لله اللي عوضك والماضي بكل حزنه اتركيه وراك التفتي لاطفالك وانتبهي لهم واحرصي ع تربيتهم لان نفسيتك لها تاثير عليهم

كملي الله يكون بالعون