تجربتي مع الكلوميد والابر المنشطه رجاء افيدوني

السلام عليكم
بنات انا مابغى اقول تعبت او شي متاكده ربي حيعطيني وبصبر لين مافرح بحملي باذن الله
انا عندي تكيس مبايض ودورتي ملخبطه اخدت جلوكوفاج واللحين لي 4 شهور ونص
المشكله اني نجيفه بزياده يعني ماعندي سمنه نهائي المهم الشهر اللي فات اخدت كلوميد الدكتوره قالت نشوف استجابتك له يمكن يصير حمل
وجت ايام التبويض وصارينزل منى دم دخلت منتديات قريت الكل كان يقول تبويض ممتاز بس المشكله استمر معاي يمكن اربع ايام ويجيني مغص وينزل دم مو نقطه لاتمتلي الحفاضه على شكل افراز ثقيل واذا نزل طول اليوم ماينزل لين اليوم اللي بعده .. معقول الدم هذا كله تبويض ؟
المهم استنيت وقت الدوره ومانزلت وبديت اتفائل انو حمل خصوصا انو كان ينزل شوي لون بني مني
بس حللت وسلبي وطلع عندي كيس كبير عالمبيض سببه الكلوميد
انفجعت ودخلت في حاله نفسيه مايعلم بها الا ربنا كنت بس اتمنى ينزل وترجع صحتي تمام
والحمدلله تعالجت ونزل الحمدلله والشكر لله
والشهر هذا الدكتوره قالت لازم اتابع التبويض عندك ورحت لها بعد الدوره وتابعت معايا اكثر من مره وقالت البويضات حجمها لسا صغير تقريبا 15
عطتني ابره وقالت ابدي جماع يوم ايوه ويوم لا
ورجعت لنفسس الحاله بعد الابره بيوم جاني مغص خفيف ونزل منى افراز دم ثقيييل وحسيت باحبااااط والدم اللحين مستمر كل يوم ينزل شوي حتى الجماع مو عارفه كيف يصير بوجود الدم
والله مو عارفه ايش اقول بس الله يطعمني بالذريه عاجلا غير اجل و ويطعم كل من يتمنى
سؤالي لكم مين صار معاها زي كدا بايام التبويض وهل هذي دوره ام معناته التبويض كويس او انه بالعكس طمنوني قد حد صار معاه زيي افراز دم ايام التبويض وحملت