تجربتي مع الكيراتين..

السلام عليكم ورحمة الله وبركاته

حابه اقلكم عن تجربتي مع الكيراتين واني ندمانه اني ما سويته من زماااااااان

كنت ابحث وادور وأسأل وكل وحده تمدح المنتج اللي عندها ولا اعرف مين التاجرة ومين اللي جربت

وقلت بروح مشغل منال نجد وسألتهم قالولي ان يكلف 2800 وشعري تحت الكتف بشوي وبصراحه غالي مرة ومشغل كان كمان غالي وبصراحة ما اقدر ادفع كل ست شهور هذا المبلغ واكثر

في الاخير وحده تقربلي سوت جلوبال كيراتين وشفت شعرها ناعم وطبيعي وما في سؤال ما سألتها واستخرت وسويته.. قالت لي عن وحدة تجي للبيت اسمها ام محمد

والله يجزاها خيييييييير
سويت اللي فيه نسبة 4٪ فورمالهيد لان اللي اقل ما يبين كثير في الشعر..
شعري تقريبا لنص الظهر سويته ب ١٢٥٠

كنت متحمسة وخايفة من النتيجه.. لازم تتركينه 3 ايام وتسوين سيراميك كل يوم مرة وحده
اول ما تروشت خفت لان شعري تشابك ولما نشفته وسرحته تسرح بسرعه

والنتيجه يا سلااااااااااااااااااااااااااااام




شعري تعبان من الصبغات والهاي لايت لدرجه اني لما اتروش واحط بلسم يكون متماسك وصعب التسريح وكأنه كشه ما تسرحت من شهر...والله اني ما ابالغ بالوصف

وبالنسبة لطبيعة شعري كيرلي كثير مثل الصورة وأسوء من كذا




لان اطرافه مقصفة وميته



وصار ولله الحمد ناعم وكأنه طبيعي وأطرافه مب واقفه والتقصف ولله الحمد مب مبين



تراني والله ما ابالغ بالصورة صار ما شاء الله تبارك الله حيوي

وعلى فكرة هي تغسل شعرك بعدين تحط المادة لمدة ثلث ساعه وبعدين تبدأ في اسشوار فتطلع ريحه فنصيحة مني تمسكين منشفه مبلوله بحيث ما تتنفسين الابخرة وتخلين الباب الخارجي مفتوح والشباك،،، وبعدين تسويه بالسيراميك
وتقريبا خلصت بعد ٤ ساعات من يوم ما غسلت شعري لأنها تطول في السيراميك تاخذ خصل نحيييييييفة عشان يظبط

ومن النصايح اللي قالتها لي اني اذا ابي اقص شعري لازم قبل الكيراتين او بعده بثلاث أسابيع لاني اذا قصيته بينفش من الاطراف المقصوصة والصبغه اصبغ قبله بيوم والهاي لايت قبل عشر أيام
واقدر اصبغ بعد ثلاث اسابيع بصبغة خاليه من الامونيا

واهم شي ما استخدم غير الشامبو والبلسم الخاص بالكيراتين
واخواتي بعد سو بعد ما شافوا النتيجة

وحده شعرها ملفف مثل ميريام فارس ومنفووووووووش والثانيه ملفف واذا عرقت الله لا يوريكم
يعني مثل هالصورة



ولله الحمد ظبطت شعورهم وصارت ناعمه

ادري اني قلت قصة حياتي

بس حبيت افيدكم لاني دائما استفيد من تجاربكم

اتمنى ان استفدتوا من الموضوع انكم تدعون لي ولوالديني

واي استفسار انا جاهزة