السلام عليكم يا حوائيات
بصراحه انا حبيت انقل لكم تجربتي للاستفاده لاني والله ياما استفدت منكم
خاصه قسم البشره فحبيت اطرح تجربتي واللي ما ابي منها الا دعوه بظهر الغيب
ان ربي يوفقني ويسخر لي زوجي ويولف بينه وبين اهلي ويشفي مرضى المسلمين
اولا انا شعري كان اول ناعم منذ نعومة اظافري لكن في سن المراهقه خشن وصار منفوش
يعني لازم استشور لاي زياره او مناسبه
سمعت عن الكيراتين البرازيلي ودخل مزاجي فلما اختي شجعتني وسالنا لقيناه لبنات الرياض
في صيدليه ابتسامة الربيع في العليا وهالصيدليه حللللللوه فيها كل شي يختص بالشعر والبشره
حتى دايم نلقى فيها كوافيرات
المهم مالكم بالطويله شرينا الكيراتين المعالج لاني ما ابي الفرد شعري فيه امل شوي
و وفيه نكهات فانيلا وشوكولا انا اخذت الفانيلا مع شامبو قبل الكيراتين وواحد بعده
وبلسم سعر المجموعه كلها ب 450 ريال ويجي معه سي دي يعلم كيف تسوينه
طيب وشرينا من محلات ابو ريالين عده حقت الصبغات من الوعاء نفسه والفرشه لتوزيع
المعالج على الشعر و مشابك وفرش للشعر اللي تفرق
وتحتاجين استشوار حق الكوافيرات وجهاز الليس السيراميك + كمامات + قفاز بللاستيكي
طيب انا حطيته الساعه 2 بالليل طبعا كنت متروشه وشعري رطب وفرقته اختي
وجلست تحط المعالج على كل خصله وتبعد عن الجذور مسافه انش لانه لو وصل للجذر تحترق الشعره
وبعدها تمشطها وهكذا لكل الشعر بصراحه تعبت ربي يوفقها ويرزقها
بعدها سوت سشوار بالهواء لين ينشف الشعر بنسبة 80%
بعدها بدت تليس الشعر بكل امانه واخلاص ومره طولت لكن لما نمت وصحيت العصر
كان منفوش فرحت للصالون وطلبت ليس من اول واستشوار وكلفني 200
وكانت الكوافيره تقولي اصلا هذا مو اصلي وشعرك راح يطيح خوفتني مره
وتخيلوا جلست من فجر الاحد الى صبح الاربعاء اللي هو اليوم وتوني متحممه
وطبعا ما طلعت الا مشاوير خفافيه عشان ما يعرق شعري ولا اربطه فاكته كاني رايحه عرس:icon28:
بس حمدلله النتيجه مرضيه ما اقولكم ان شعري صاير مره ناعم حرير
لا بس تحسين فيه لمعه ولما تروشت لففته وصار متموج وحمدلله (ماشاء الله تبارك الله)
سجدت سجود شكر وحمدت ربي
يعني الناس ماراح تلاحظ اني فارده وهذا كان مرادي لان ابي شعري يتحسن واصير اتحمم والففه
ويصير ملفف ومتموج بدون اسشتوار
ونسيت انتبهوا تسوونه وفيه جنبكم احد فيه ربو ترى انا لما حطته اختي وبدت الليس طلع بخار
لدرجه حقلبت كبدي ورجعت تكرمون فلازم الكمامه وتهويه جيده
يالله عاد ابي منكم دعوه حلوه
وموفقين يا اخوات :)
Bnt Sudeer @bnt_sudeer
محررة برونزية
يلزم عليك تسجيل الدخول أولًا لكتابة تعليق.
hebalani :
ماشاء الله تبارك الرحمان بالعافية حبيبتي الله يهنيك فيه المجموعة كلها 450 طييب وراهم بالمشغل على 1500 و 2000 وزيادة؟ماشاء الله تبارك الرحمان بالعافية حبيبتي الله يهنيك فيه المجموعة كلها 450 طييب وراهم بالمشغل على...
ما ادري بس المشغل اللي سوت لي الليس بصراحه تعبت وتستاهل الميتين
بس تقولي ان المنتج حقهم اصلي وان حقي تقليد
بصراحه انا كنت خايفه بس حمدلله النتيجه حلوه ربي يبارك لي فيها
ومشكوره على الدعوه
بس تقولي ان المنتج حقهم اصلي وان حقي تقليد
بصراحه انا كنت خايفه بس حمدلله النتيجه حلوه ربي يبارك لي فيها
ومشكوره على الدعوه
وشو الليس ؟؟ والله مافهمت .. يعني لازم اروح المشغل يسوونه بعد ماحطه بشعري والا ؟؟
الله يوفقك ويحفظك لعين ترجيك ..
الله يوفقك ويحفظك لعين ترجيك ..
الصفحة الأخيرة
المجموعة كلها 450 طييب وراهم بالمشغل على 1500 و 2000 وزيادة؟