تجربتي مع الليزر

بنات اليوم حبيت اقول لكم عن تجربتي مع الليزر في تقشير حب الشباب..
اولا انا اعاني منه من يوم كنت في 5 ابتدائي في الظهر والذراع..وهو بالوراثة وهنا المشكلة..
اني ماخليت ادوية مااخذتها ورحت عند دكاترة كثييير في قطر والامارات والبحرين ومصر ومافي فايدة بالمرة...وحتى جربت تنظيف البشرة في هالمتاطق واستخدام الابر ومانفع شي..
المهم كنت من 4 شهور عند دكتور جلدية وكنت ابي علاج لوجهي لما طلعت فيه حبوب وقال لي هذي من حبوب منع الحمل غيريها وبتختفي...فخذتها فرصة وسالته اذا الليزر ينفع لمشكلة يدي..(انا تعالجت عنده من قبل وكان معطيني ادوية مركزة ومانفعت) فقال لي صعب لان هالشي بالوراثة وصعب انه يروح لان الليزر للشعر وحتى اللي للحبوب ماراح ينفع:44:
بس قال لي ايش رايك نسوي تجربة بسيطة ازيد لك قوة الليزر في منطقة من الذراع ونشوف النتيجة:13:
طبعا وافقت على طول لانها لو مانفعت ماراح تضر.....
والمفاجاءة انها نفعت والحمدلله بس هو بعد كا ن خايف ان لما يطلع الشعر ترجع الحبوب وانتظرت شهرين وبعدين قلت له ابي اسوي الذراع كامل وفعلا زاد لي القوة اكثر والحمدلله الذراع اللي كان فيه التجربة خف بنسبة 60%
اما الذراع الثاني بنسبة 30% من اول مرة
والصراحة انا راح استمر في الجلسات لحد مايصفى ويروح كله..
لان صار لي 4شهور من سويت الجلسة والحمدلله رجع الشعر خفيف والحبوب مارجعت..
اانا حبيت اخبركم لان اللي عندها مثلي مابيها تفقد الامل..وان شاء الله اكون افدتها:27: