تجربتي مع المسح بالمناديل الله لا يعيدها ..انتبهوا اخواتي

حوائيات

اشكرالاخت قصه حزينه على طرحها الموضوع وفعلا كلامها في محله وماعتقد تعنت وكتبت هالشي الا تبغى تفيدكم
وللأسف بعض الردود كانت في غير محلها للي ماصدقوا هالشي

الاخت ذكرتني بالشي اللي مريت فيه من سنتين وحابه انقله لكم رد اعتبار لاختي قصه حزينه
وبرضه للفائده واخذ الحيطه

انا دايما انشف بالمناديل بعد الحمام واجفف زين والحمد لله ماقد صارلي شي لاني المناديل ماتلتصق بالجلد لما يكون فيه مويه
تطيح

السالفه انه بيوم مثل ماقالت الاخت مسحت بمناديل بعد النوم (.....)وللأسف حتى نوعية المنديل كانت مو كويسه وهذا اللي ساعد
نمت ومعروف من الرطوبه لصق جزء كبير من المناديل لما صحيت من النوم غسلتها ولا اهتميت
بعدها جاني التهاب مهبلي وتعالجت منه
بعدها جاني التهاب حاد بالبول ووالله ياأخواتي اني ماأنام الليل من الالم انحبس البول وصار ينزل دم وصديد
اقعد بالحمام ربع ساعه ولا شي ابداا
رحت المستشفى اسبووووووووووع وانا رايحه جايه مافيه فايده الالم خف بس البول صار ينزل نقط بس وحرقان ودم
وبيوم ضاقت بي الوسيع وقمت صليت الليل ودعيت الله ونمت
صحيت اليوم الثاني ورواح الحمام حشرانه ماطلع شي واقعد ارش بالمويه الدافيه وابكي وادعي ماحسيت الا شي زي الكتله وبدأت تنزل فتافيت من المنديل دخلت اصبعي حسيت بالكوره وسحبتها طلعت كومة مناديل قد حبة العنب وبعدها نزل البول اكرمكم الله
لاتستغربون بس انا مسحت بكميه كبيره مناديل وحطيت منديل ونمت


والله كأني ولدت من جديد رجعت لي الحياة شكرت الله وحمدته انه نجاني وماوصل للرحم



تراني يامشرفات عدلت بالموضوع وغيرت العنوان وخليته عال العال ارجوووووكم لاتحذفوه
والله للفائده لاني اعرف كثير من الناس يسويها حتى لما تكون الدوره خفيفه بعضهم يحطون مناديل

فانتبهوا



اضافه


انصحكم استخدموا مناديل رول اسمها مونتنيل قويه وماتتقطع بعد الحمام

ومره ثانيه تراني مسحت بنوعيه رديئه والمسح بعد الحمام مختلف عن المسح بعد ال.....
لان الاولي مايلصق المنديل من المويه اذا كان جيد
والثانيه المنطقه رطبه ولزجه وسهل انه يلتصق




واللي كذبوني تراني مالي مصلحه استخف بعقل احد ولا هو ذاك الموضوع الزين اللي اتميلح به عليكم
انتبهوا لملافظكم