في البداية اسال الله العظين رب العرش العظيم ان يشافيني وبنات تجمعي الغالي ( تجمع المجهضات ) من الاجهاض وان يخلفنا خيرا مما فقدنا .وان يرزقنا عاجلا غير اجل بذرية صالحة سليمة سوية معافاة .
وان يرزق كل من حرمة بالذرية بالحمل السليم المعافى ياحي ياقيوم .
انا اعاني من اجهاض متكرر جربت الكورتيزون والهيبارين ومانفع معاي وسويت جميع التحاليل اللازمة للاجهاض وجميعها سليمة ولله الحمد . بالاخير نصحتني دكتورة اخذ تحويل لمستشفى الملك فيصل التخصصي . واخذت تحويل ورحت ودخلت على الدكتور مازن بشارة واعاد لي جميع التحاليل وبالفعل كلها سليمة ولله الحمد , واللي مرت بنفس حالتي تعرف شعور المجهضة لما تكون امورها سليمة ومع كذا يسقط الحمل . مع كل تحليل يزيد حزني . طبعا سوى التحاليل اللازمة وكلها سليمة . اخر شي قالي دكتور مازن راح نجرب ونتابع معاك التبويض وباليوم ال15 من الدورة راح نبدا نعطيك ابر كلكسان و كورتيزون انا هنا انهرت عنده وقلت له يادكتور انا ما اقدر اتحمل صدمة جديده وما اقدر اخاطر بتجربة انا عاررفه نهايتها ورفضت وطلبت اغيره لاني متاكده ان فيه شي بس ربي ما كتب الى الان اني اعرفه . وحولوني لدكتور خالد عطايا برفيسور جديد له 6 شهور جاي من امريكا . وبدا معاي نفس الشي اعادت التحاليل وطلب مني اسوي اشعة صبغة وقلت له يادكتور انا عندي ولدين قال حتى ولو لازم تسوي اشعة صبغة واستخرت وتوكلت على الله وسويتها . بعد ماشافها قال قبل ما اقول شي لازم انا اسوي لك اشعة صوتية بالبالون طبعا المها زي الم اشعة الصبغة . وطلعت نتيجتها تاكد نتيجة اشعة الصبغة وهي وجود التصاقات داخل تجويف الرحم . طبعا سببها عندي جاتني بولدي الثاني حمى النفاس وهذي الالتصاقات بسبب الارتفاع الشديد بدرجة الحرارة . وقال لازم نسوي منظار لفك هذي الالتصاقات وافضل وقت للمنظار اليوم العاشر من الدورة . في اليوم الخامس من الدورة ( انا رحت بهذا الوقت لاني دورتي تاخرت ) بالليل الساعه 10 كتبوا لي دخول وتاكدت مو وجود السرير ( ترى السرير مهم عندي لان سبق وتاجل موعد المنظار لعدم توفر سرير علشان كذا فرحت لما لقيته موجود ههههههههههههههههههههههه) اخذوا مني تحاليل ووقعوني على اوراق وحطوا لي الساعه على يدي ههههههههههههههههههه ( اسوراة الاسم )
انا طلبت اني اطلع وارجع الصباح وبالفعل طلعت ولما جات الساعه 7 وانا موجوده وكان رقمي 1 اخذوني لغرفة التحضير وركبوا لي المحلول واعطوني الاكسجين وما صحيتا لا والممرضة تصحيني لان التخدير كامل وطلعت نتيجة المنظار ان عندي التصاقات متمركزه بمكان انغراس الجنين وفكها الدكتور لي واخذ عينات عشوائية من الرحم علشان يتاكد انه مافيه اجسام مضاده يفرزها الرحم .( هذا كلام الدكتور )
بعد ما صحيت وانا معاي مغص اشد من مغص الدورة والم برجولي وحاسة بدوخه وخمول وطبعا دم بس خفيف يزيد لما اروح الحمام وطلعت نفس اليوم . ما قالي شي الدكتور بخصوص الحمل بس انا افكر اني استمر على الموانع الين ما احس ان جسمي استرد عافيته .
من خوفي من الحمل والاسقاط لي تقريبا 7 اشهر استخدم موانع . احس صار عندي فوبيا الحمل .لان اجهضت 8 مرات . طبعا اللي جربت الاجهاض مره وحده واثر فيها تتاكد ان حالتي اشد منها 8 مرات . يااااااااااااااااارب اسالك العوض .
ياااااااااااااااااااااااارب يكون المنظار هذا اخر احزاني وبداية افراحي .
طبعا كثير بالمنتدى نفس حالتي اجهاضات بدون سبب قلت اكتب لكم تجربتي يمكن ربي يجعلني سبب بفرحة احد من اللي يعانون مثلي .
وانا كنت خايفة من المنظار لاني ما ادري عن طريقته بس بعد ماسويته اقول لكل وحده مقررين لها تسويه سويه وانتي مرتاحه وشيلي الخوف لانك ماتحسن بشي ابدا ولا تدرين ايش يسون فيك . من جد التخدير نعمة من ربي.
قبل ما اسوي ما خليت ولا بقيت ومع كذا مالقيت معلومات تخفف من خوفي وتوتري . كنت اسوي بحث وما طلع لي اللي يبرد خوفي . علشان كذا قلت يمكن تجربتي تفيدكم .
دعواتكم لي بالحمل السليم التام الثابت المعافى عاجلا غير اجل .
همســ حب ــة @hms_hb_1
محررة ذهبية
يلزم عليك تسجيل الدخول أولًا لكتابة تعليق.
الحمدلله على كل حال اولا واخيرا والله يجعل ماكتبتيه في ميزان حسناتك وينفع به ويرزقك بالذرية الصالحة الطيبة ويقر عينك بها عاجل غير آجلالحمدلله على كل حال اولا واخيرا والله يجعل ماكتبتيه في ميزان حسناتك وينفع به ويرزقك بالذرية...
اللهم امين. ويرزقك ياحي ياقيوم ويفرح قلبك عاجلا غير اجل .
الحمدلله على كل حال اولا واخيرا
والله يجعل ماكتبتيه في ميزان حسناتك وينفع به
ويرزقك بالذرية الصالحة الطيبة ويقر عينك بها عاجل غير آجل
والله يجعل ماكتبتيه في ميزان حسناتك وينفع به
ويرزقك بالذرية الصالحة الطيبة ويقر عينك بها عاجل غير آجل
أسأل الله العظيم رب العرش العظيم ان يمن عليينا بالحمل السليم والذريه الصالحه المعافاه اللهم آمين
لاحول ولا قوة الابالله
لاحول ولا قوة الابالله
الصفحة الأخيرة
والله يجعل ماكتبتيه في ميزان حسناتك وينفع به
ويرزقك بالذرية الصالحة الطيبة ويقر عينك بها عاجل غير آجل