تجربتي مع الميراميه والبردقوش و..........

سبق وقلت عن سبب تأخر حملي بعد انجابي 4 سنوات وهو ضعف تبويض وعدم انتظام الدوره الشهريه
المهم ......في رمضان اخذت كلوميد ولما راجعت الدكتوره عشان متابعة التبويض بان على وجهها علامة الاحباط
قالت مافيه استجابه ابدا يعني البويضات صغييييييييره
الشهر اللي بعده اللي هو شوال ماسويت شي عشان الدوره تأخرت علي مررررره نزلت في شهر ذي القعده ومن اول يوم نزلت قررت اني اجرب الاشياء الطبيعيه اللي دايم اسمع واقرا عنها في البدايه شربت القشعه بس ماتحملت طعمها بصراحه مرررررررررره شين وبعدين كنت شاريه عسل من وادي النحل مخلوط معه حبوب اللقاح وطلع النخيل وغذاء ملكات النحل والجنسنغ صرت آكل منه ملعقتين صغيره قبل النوم وفي الصباح على الريق مع كوب مخلوط بالميراميه والبردقوش مره صباح ومره مساء استمريت عليها لين جا موعد الكشف رحت للدكتوره ولي 14 يوم من الدوره فالصراحه انبهرت الدكتوره قالت وش سويتي صار التبويض عندي ممتاز فصار حجم البويضه 16 قالت لي استمري على نفس المنشطات وتعالي بعد يومين وسويت اللي قالت لي ورجعت بس لقت نفس الحجم 16
فأخذت مني طريقتي بشرب الميراميه تقول عشان اقولها لمريضاتي اللي عندهم نفس مشكلتك
المهم في الاخير قالت ان شاء الله الشهر الثاني تاخذين كلوميد مع ميراميه عشان تتنشط اكثر
معليش طولت عليكم بس حبيت افيدكم مثل ماستفدت منكم واللي تعبت من الحبوب والابر تستخدم هالأشياء عل وعسى ينفع بها

الله يرزقني وياكم الذريه الصالحه