غادة انا @ghad_ana

عضوة نشيطة

تجربتي مع الميزوثيرابي للشعر في كذا مركز + تجاربي مع الزيوت

السلام عليكم كيفكم صبايا:27:

انا شعري ناعم بس جاف وخفيف زي الاطفال و يتساقط خلقه اظن من سوء التغذية وكانت الخادمة تقول لي مدام انتي ليش شعر كذا؟ لا وتلم الشعر من البانيو وترتاع وانا متعوده:22: عشان كذا ما كلفت نفسي اروح لدكتور كنت استخد حبوب هير دال من نفسي وخلطات و زيوت استخدمت
تونك فازلين ما يغذي الشعر بس يطريه
زيت جدايل من عبدالصمد قرشي يطول الشعر ويصدع
زيت كيشور حااار ومركز لازم تخففينه بزيت ثاني وفيه كثير مغشوش
زيت انوب حلو و رخيص بس انه جمد في علبته ولا قدرت استخدمه ايه ويصدع بعد
زيت تراشوب عشقي :luvkiss: رخيص يطول ريحته لك عليها بس نتايجه مضمونه:11:
زيت السمسم ينعمممم وانا شعري خلقه ناعم يعني لصق في راسي :08: ويطول حاجه بسيطه
زيت الخروع ثقيل ويدبق:05: حطيه عالجذور فقط وصعب غسله ما ينفع للي عنده دوام بصراحة ما لاحظت انه فادني بشي
كامينو موتو حبيب الكل :biggthumpفيه منه ذهبي وفضي واحد مسرع واحد مقوي استخدمت الاثنين مع حبوب هير دال طاااال شعري وصار فيه لمعه واختي سألتني وش انتي مسويه هو خفيف حطيه ولا تغسلينه يجفف شوي بس في التطويل ما عليه كلام
سورسير بصراحة ما حطيته الا مرتين او 3 وسمعت انه يشيب بالشعر وتركته
الحين ندخل عالمهم بعد ما كنت مهتمه بشعري وقفت كل شي عشان دراستي صعبه ورجع شعري يتساقط ثمن استخدمت حبوب روكتان "لحب الشباب" لمدة سبع شهور ونتايجه عالبشرة الحمدلله حلوة بس على الشعر الله لا يوريكم شعري تساقط بقوووووة تخيلوا شعري عالكرسي عالمخدة على اكتافي في البانيو على الارض :44: حتى صديقاتي لاحظوا صرت الم شعري ولا افكه المهم رحت الدكتور عماد مكاوي و سويت تحاليل اعطاني شامبو و بخاخ كستاليا عشر بخات في اليوم وعملت جلسة ميزوثيرابي وهنا مربط الفرس
اول شي جلسوني تحت جهاز بخار الشعر يمكن 20 دقيقة لين عرقت الفروة بعدين حطت معقم عالفروة ومخدر و خلتني انتظر 20 دقيقة ثانيه بعدين جابت ابر صغيره وقالت الممرضة شوفي انا ببدا بمنطقة الامامية فقط والجلسه الثانية نفس الشي اللي بعدها بركز عاليمين ثمن اليسار واخر جلستين للمنطقة الخلفيه يعني ست جلسات الجلسه ب300 ريال وكل اسبوعين جلسه لمدة 3 شهور قلت طيب بدت تحقن وحسيت بألم فضيع الالم مو في الابره لا في المادة اللي تحقنها تحرق لمدة ثانيتين تقول الممرضة اللي يجي نادر ما يرجع يكمل من الالم قلت في نفسي "ولا انا برجع" :icon19: طبعا يوم خلصنا لين شعري مدبق من المخدر والبخار والمادة صاير خلطه قالت خوذي لك بندول اذا راح المخدر الممرضة كانت امينه قالت تراني جديدة في هالعلاج ما اعرف نتايجه واللي يروحون ما يجون وانا لاحظت لاني نزفت مرتين وقلت لها اغسل شعري قالت ما ادري المهم الالم انتهى بمجرد ما قمت من الكرسي الحمدلله رحت البيت دخلت النت وقعدت اتصفح لقيت البنات يقولون لا تغسلينه الا بعد يوم المهم خلصت اسبوعين لاحظت المنطقة المحقونه ربي لك الحمد افضل من غيرها صح التساقط مازال موجود بس المنطقة المحقونه اقوى ماشاء الله جيت بروح لهم لين المستوصف زحمه قلت زين جت من الله انا ابي اروح مركز ثاني عشان اقارن الحقن
رحت الزلال فرع البديعة قالت الدكتورة 3 جلسات ميزو الجلسةب350 وبنسوي تست اول شي "هي ماتدري اني حاقنه من قبل"
رحت مع الممرضه حطت مخدر بس شي بسيط ومو في كل المناطق انتظرت نص ساعه وجت الدكتورة وكسرت امبولة وسحبت المادة وقعدت تحقن الالم لا يحتمل صعب جدا :09: ما قلت على الله توقف طبعا بعكس المستوصف الاول اللي اشتغلت علي دكتورة مو ممرضة الالم كان اقوى والسعر اغلى والمنطقة المحقونه اوسع وحسيتها فاهمه وين تحقن تقول انا اقدر احقن تحت الجلد وبيكون اقل الم لكن اقل فايدة انا بحقن في الجلد اكثر الم واكثر فايدة تحملي عشان كذا بعض البنات ما يجيب نتيجة معهم
الشي الثاني اذا عندك لخبطه هرمونات او نقص حديد ما اظن العلاج يجيب نتيجه انا الحمدلله سويت تحاليل وكل شي سليم والدكتورين قالوا من الروكتان على الاغلب خليه يطلع من جسمك

وهذاني لسه ماغسلت شعري اقولكم النتايج لما اغسله ان شاء الله على فكرة كنت ناوية انزل صور لكن جوالي سوا تحديث ولازم اطف الجهاز عشان يشتغل قلت انزله وان كتبه الله نزلت صور

اللهم انفع به

153K

يلزم عليك تسجيل الدخول أولًا لكتابة تعليق.

تسجيل دخول

دانا 2322 • 12 سنة

الله يسعدك على ذكر تجربتك وانا معاكي للاخر استنى النتايج لاني جدا متحمسة

سندرلآ • 12 سنة

وربي قلبي مره عورني وانتي توصفين في الالم انا لو اصير صلوعه ماراح اسويها

كل شيء الا الالم

اذا شوية حشوة اسنان اتعب بشكل مرعب لدرجة اني اتشنج عندي تخوف رهيب من الالم

عاد اطالع يغرزون براسي ابر

يارب انك تستفيدي منه والله يكون بعونك

*انفاس الصباح* • 12 سنة

متاابعة معاااك

مخي فآصل • 12 سنة

أختي اقري موضوعي عن الابر تراها اكبر كذبة وانا سويتها الجلسة ب 600 ريال حسبي الله وكفى

وكمان في جريدة الرياض كتبوا هاليومين انه خرررررررررررررررررطي

وفي موضوعي اخذت اقتباس من دكتور معروف قال انه طريقة لشفط فلوس الناس وهي خرطي ومالها دليل علمي

الشرق البعيد • 12 سنة

انا وأختي سويناها سوى انا استفدت الحمدلله وهي تقول يعني تحس بتحسن بس مو ذاك الزود
والالم اللي تكلمون عنه ماااشوفه صراحه مادري الخلل وين؟؟
في اللي تظرب الابره؟؟واللا في الماده نفسها ؟؟؟والا انتم دلوعات:biggrinlo وانا بطله:024:

صح فيه الم بس جدا محتمل يعني مايخوفك الجلسه اللي بعدها