صارلي Long time ما شاركت في قسم البشره ..
المهم انا داشه اليوم اخبركم عن تجربتي في حقن الميزوثيرابي لنضارة الوجه..
نبتدي بالتفاصيل الممله:
طبعا يا حلوات انا بشرتي جافه والبشره الجافه دايما شوووو؟ تكون ناشفه وباهته وما فيها رونق ولا احساس!!!!! حلوه احساس خخخخ :o
وعندي تصبغ خفيف في منطقة الذقن وهذا من كثرة استخدامي لمشقر البشره
وعندي جفاف بين شفايفي (نقص حديد وفقر دم) :06:
المهم نويت بعد ما اطلع من الدوام الممل واللي يلوع بالجبد اني اسير عيادة التجميل واجرب الميزوثيرابي..
دخلت عند خبيرة التجميل كانت بريطانيه المهم تمت تشرح لي عن الميزو واستخداماته وسعر الجلسه وشو الفايده والخ الخ الخ.. وانا اقتنعت اني اجربه قلت علي وعلى اعدائي :D
المهم دخلوني غرفة الحقن اول شي الغرفه كانت مريحه من حيث الاناره والميوزيك والسرير
لبسوني كاب اخضر نفس اللي يستخدمونه في عمليات التجميل ،،
1 - واول شي بدت الممرضه الفلبينيه بالمساج،،بصراحه المساج كان مريح بس اللوشن ريحته ريحت خل التفاح واظن هم خالطين ويا اللوشن خل التفاح يمكن حق التعقيم لاني يوم سألتها قفط ويها وضحكت.
2 - راحت الفلبينيه ويت اخصائية التجميل قالتلي راح اسويلج علاج هايدروليك عشان الجفاف اللي بين شفايفج والله ما فهمت شو تقصد بس اللي فهمته انها طريقه تحفز الكولاجين وادخل نسبه من الاكسجين للجلد،حطتلي ماده مثل الفازلين حول شفايفي وحطتلي حديده بارده تحت ظهري والحديده موصله بجهاز دائري والجهاز الدائري مثل كره صغيره تمررها عالبشره ويكون ساخن، تمت تمررها يمكن ربع ساعه والحديده كانت بهالشكل
قد مانقدر فلترنا الصوره عشان ماتكون مخالفه
3 - سوتلي تقشير، حطتلي تونك ريحته نفس ريحت الاسيتون والله اختنقت منه ونظفته على طول بس كان يحرق طبعا هي سوتلي تقشير عشان تشيل الطبقه الميته عن الجلد ويتحضر الجلد للميزو لان مايصير يطبق الميزو على بشرة ميته وباهته.
4- الميـــــــــــــزوثيرابي: عبارة عن مجموعة فيتامينات واحماض تحقن تحت الجلد في طبقة الادمه فالجلد عشان تغذي الجلد وتعطيه رونق وحيويه وسنحه من الضوء والصفاء
هذي صور الفيتامينات:
تمزج الفيتامينات بمسدس خاص للحقن:
ويحقن الوجه بالكامل يعني ما تمت بقعه ما احقنتها لي ركزت على بعض المناطق فالوجه مثل الذقن حوالين الشفايف وحوالين العين والخدود.
بعد الحقن حطتلي ماسك خاص للميزو وهو عباره عن فيتامين B عشان يخفف آثار الاحمرار والورم وشلته بعد بعشر دقايق.
النتائج المباشره بعد الحقن: بعد ماطلعت من العياده حسيت بويهي يحرقني حسيت بتورم واحمرار وآثار قليله وصغيييييييره للحقن يعني كم نقطه حمره يا دوب يتلاحظون..
هذا كل شي صار وياي اليوم وعندي موعد بعد اسبوعين وان شاء بكتبلكم النتايج سواء استفدت منهم ولا ما ستفدت.
عشان تكون عندكم درايه بخبرة غيركم ،،، تماااااام يا حلوات ،،،
آسفه عالإطاله ...
غرشوبة ..
وكنت ابي معلومات من مجربه.... وطلعتيلي
................ تسلمين ع الشرح
والله ينورك كمان وكمان وتصير وجهه لماركه
وانتظرك بعد الجلسه 2
و***** الله تسعدي..................