السلام عليكم ورحمة الله وبركاته
انا يابنات سويت الحقن المجهري 3 مرات وكلها فشلت رغم ان الاجنة من الدرجة الاولى وكل شي تمام وهادي ارادة الله
قرأت عن تحفيز بطانة الرحم وانها تزيد نسبة انغراس الاجنة ومايسويها بالطريقة الحديثه الا الدكتور بندر العبد الكريم في مركز بنون بالرياض وماشاء الله تبارك الله كم وحده سوتها ونجحت محاولتها
فاستخرت واتواصلت معاه وقالي اجيه من اليوم 8 في الدورة الى اليوم 11 لعمل تحفيز بطانة الرحم
ورحت اليوم العاشر من الدورة وقلي باذن الله نسوي التحفيز حاليا وهوا يجدد بطانة الرحم وينشط الدورة الدموية ويزيد نسبة ثبوت الاجنة وسعره معقول ومقدور عليه ب300 ريال للجلسة الواحده والتحفيز مايسويه الدكتور الا للي فشلت عندها محاولتين او اكتر وكانت الاجنة كويسة
المهم سويت التحفيز عنده في العيادة اعطوني تحميلة فولترين وبعدين سوا لي التحفيز بدون تخدير طبعا ومدته مايتجاوز دقيقتين تقريبا يعني قريب من الترجيع بس في آلام زي الام الدورة
والحمدلله بعد ماخلصت وراني علبه فيها لونين غامق وفاتح وقالي الغامق هادي البطانة اللي مو كويسه وقالي اخد حبه اسبرين يوميا والفوليك الين بعد السحب والترجيع واعطاني مضاد لمدة 3 ايام عشان الدم اللي ينزل بعد التحفيز يبقى 3 ايام
والتحفيز التاني بيكون من يوم 21 الى 24 من الدورة ان شاء الله وبعدها نبدا البرنامج الطويل لاني استخدمت البرنامج القصير قي محاولاتي الفاشلة ومافاد
وطبعا اهم شي تحليل الغدة وهرمون الحليب يكون كويس والحمدلله
دعواتكم ربي ييسر لي ويرزقني من واسع فضله ومايضيع لي تعب

رقي! @rky_8
عضوة مميزة
هذا الموضوع مغلق.


قلب دوحة
•
انا بانتظارك :
حبيبتي رقي الله يوفقك و لا يضيع لك تعب وأنا متفائله بأنك بتبشرينا بحملك بإذن اللهحبيبتي رقي الله يوفقك و لا يضيع لك تعب وأنا متفائله بأنك بتبشرينا بحملك بإذن الله
مشكوره على نقل تجربتك والله يرزقك ياااااااااااااااااااااااااااااارب


انا بانتظارك كيف ياحلوه ان شاالله تمام تدرين عن وضاحه ايش اخباره انابصراحه قلقانه علي من زمان ماسمعنا عنه شي يارب تكون بخير
الصفحة الأخيرة
موضوع التحفيز جديد على اغلب المريضات
لو عندك معلومات عنه زياده اختي اتحفينا فيها مشكوره