اللهم لك الحمد كما ينبغي لجلال وجهك وعظيم سلطانك

طبعاً مستحيل بترك الادويه الا بعد ما اكلم الدكتور وعندي امل بإذن الله ان ربي بيكتب لنا الحمل جميعاً ومااعتمدت على تحليل المنزلي وللحين مانزل دم صريح مجرد وصخ وانتو بكرامه وخفيف ومعه ماغص والم بظهري وانتظر يوم الخميس واحلل رقمي وعلى الله توكلنا

سلام عليكم 

متلونه ورذاذ 
ان شاءالله أنكم حوامل بدري ع التحليل المنزلي لان التحليل المنزلي مايبن الحمل الا لما نسبه هرمون الحمل تكون مرتفع انتظرو ليوم 12 وحللو رقمي ويارب تبشرونا بحملكم يااارب 
لا تتركي الادويه الا اذا حللتي رقمي لان الدكاترة ما ياخذو بنتيجه التحليل منزلي 

خايفه من التحليل احس نفسيتي مؤ متحمله اسمع اخبار مؤ زينه
صارلي كم يوم ما ارتاح الا وقت النوم كلمت شغاله بالساعة ووعدتني تجيني اليوم والحين أدق عليها ماترد
سحبت علي شمرت وقمت نظفت وعملت فطور الله يستر احس لما أتحرك تزيد الإفرازات 
وملانه من يوم الترجيع للحين ماطلت من البيت ضايق صدري ودي اطلع يمكن تتغير نفسيتي شوي 

وبخصوص الدكاترة 
كل دكتور له سلبيات وإيجابيات 
عبدالعزيز الشهراني مع أني ماتعالجت عنده بس شفت مقابلات بالتلفزيون معاه كثير احسه فاهم 
وخبره بس أنتو تقولو مادي مااعرف بس أنا أشوف مريضاته اكثررررر من د بندر بكثير 
ايام مركز بنون بانتظار الاشعه يكون 10 مريضات عند عبدالعزيز مقابل 2 عند بندر
بصراحه كنت محتاره بينه بين د بندر بالنسبة للأحسن احس كلهم مثل بعض مااحد يتفوق ع الثاني
و د بندر شاطر مافي كلام و نفسيته حلوه مشاءالله بس عيبه يستعجل على العمليه ويوم السحب لما كنت بالانتظار كانت وحده معاي وكنت اسولف معها كانت تقولي انها سليمه وزوجها سليم بس عندها تكيس و  حملت قبل 4 شهور طبيعي وأجهضت وراحت للدكتور بندر قال اطفال أنابيب 
قلت لها استعجلتي اذا قبل 4 شهور حملتي طبيعي ليه انابيب كان صبرتي او أخذتي منشطات ع الاقل 

الغريب ان د محمد بقنه ماله شهره بالمنتديات مع انه كويس يعني لو فكرت أغير الدكتور بروح له 
قريبتي عملت 4 اطفال انابيب باماكن مختلفه و بالأردن ومأكان يصير حمل والمحاوله الخامسة كانت عند البقنه
وجابت تؤم مشاءالله مع انها فوق 35 

الرازق الله سبحانه والدكاتره هم اسباب بس وكل دكتور له سلبيات وإيجابيات بس اهم شي أستخيري قبل ماتروحي لأي واحد 

جمان حبيبتي اطلعي وغيري جو وانتبهي لنفسك لاتشتغلين كثير امس اجهدت نفسي في الشغل ونزلت مني افرازات لونها بني شوي واليوم ريحت والحمدلله وقفت رجعت افرازات طبيعيه وبالنسبه للتحليل المنزلي ماسويت له اي اعتبار بس قلت اجرب حتى لما حللت وطلع خط واحد ما انتظر اساساً وقت على طول طلعة وكبيته مع اني المفروض انتظر على الاقل خمس دقايق بس ما انتظرت واليوم منسدحه ومريحه وبعد بكره التحليل وبإذن الله ابشركم بحملي وولادتي بالتؤام السليمين المعافين وياكم يارررررب

حبيباتي انا ماشعرت والله باي اعراض ابدا لا الام في الصدر ولاشي بس شي واحد حسيت بيه الم الدورة وبشدة
وحللت منزلي اليوم العاشر وكان سلبي بس حللت اليوم 11 منزلي وطلع خط ثاني خفييييف وفي نفس اليوم حللت تاني منزلي وطلع سلبي ورحت حللت رقمي والحمدلله كان في حمل ونسبة حلوة ماشاء الله
وعلى فكرة رجعت حللت منزلي اليوم 12 و13 و14 وكلها سلبي والحمدلله انا حامل فلا تهتموا بالمنزلي ابدا ولا الاعراض
يااااااااااااااارب يرزقكم وتبشرونا وحده ورى وحده

الله يرزقنا الصالح والخير يارب 
ماندري وين ابخير فيه نسأل الله الرضا بس

جمان حبيبتي لاتجهدي نفسك خطر عليك والله
انا والله اني مريحه وماطلعت من يوم سويت الترجيع الا لما تعبت للمستشفى الله لايعيدها من طلعه

اليوم زوجي يقول ننزل السوق عشان اغير جو بس رفضت 
قلت بعد يوم السبت خير باذن الله بيمديني 

الله يثبت لنا حملنا واجنتنا ويرزقك يارقي ومتلونه وجمان وكل البنات يااارب ياكريم