عروس الله يطمن قلبك ويفرحك بالحمل التامً بس بقولك شيء حنا نسبنا غير الحمل الطبيعي حنا المفروض من اليوم العاشر ماتقل عن25 هذا بالنسبه للي مرجعه باليوم الثالث اما الحمل الطبيعي هم الي تبدأ من خمسه ويعتبر خمسه قليل بس إنه بداية حمل لانهم مايدرون متى تلقحت بس حنا عارفين إن البويضه ملقحه ومنقسمه ومرجعه باليوم هذا فلذلك يوم التحليل يعتبر لنا حمل شهر اذا حللنا باليوم ال14 يزيدوًعليها اسبوعين ويصير لنا حمل شهر
وبالعكس اشوف الدكتور مره تفائلك وماحطمك ، قرأت حالات كانت النسبه 15و17ويعتبر حمل ضعيف وزاد لهم بعد فتره بس حالات نادره بالنسبه للحقن المجهري وما على ربك شيء كايد إن شاء الله تفرحين والحمل الي بدايته ضعيف متعب ومقلق كان فيه وحده معانا بهذا الملف نسبتها قليله بس ماكان يتضاعف يعني كانت باليوم ال 11اعتقد 27وبعد 48ساعه عادته صار36 وبعدها ب48 ساعه صار60 وجلست ثلاثة شهور ابر تثبيت واشعات وحبوب وتنويم وآخر شيء قالها الدكتور بندر وقفي كل شيء سوالها اشعه ومافيه نبض والجنين مرره صغيرمتوقف نموه والحمد لله إنتي صار حمل إن تضاعف فالحمد لله وإن ماتضاعف فالحمد لله إنه بس صار حمل ماشاء الله هذي نعمه ، انا سويت ثلاث عمليات كان ودي لو حمل كيميائي عشان لو عدت يصير فيه امل وان ماعندي مشكله بالحقن بس الحمد لله على كل حال

عروس تراي كنت متردده اكتب لك بس قويت نفسي إن شاء الله ما تتضايقين بس ماودي اتشاوفين ولا تتحطمين عشت الشعور هذا الفرحه الناقصه يوم كنت احلل منزلي ويطلع خطين واحلل رقمي ومافيه حمل والبنات يقولون لي مبروك واكيد حمل وبدام طلع لك خطين حمل وشاوفت وبالاخير مافيه حمل الحمد لله

سمعته جزاك الله الف خير الله يعوضك بالحمل ويفرحك مرره مؤثر وفعلاً من اسباب الرحمه الصلاة على النبي اذكر يوم كنت اراجع ببنون قالت لي الي تسوي الاشعه وكانت فلسطينيه قالت تبين الحمل او عندك حاجه انصحك تكثري من الصلاة على النبي صلى الله عليه وسلم و
والمقطع هذا ذكر قصة الشيخ الي نصحته العامله تراي سامعته واعتقد يقصد الشيخ المغامسي اذكر بنفسه قص قصته يوم يسوي عملية القلب وقالو بيعيدون يسوون له العمليه نفس القصه

غيمه ياقلبي مشكوره ع هالكلام بالعكس والله ليش اتضايق انت اخت عزيزه وغاليه واحنا هنا مع بعض عشان نتكلم بصراحه ومحد يزعل لان همنا واااحد وانا والله العظيم راضية بقسمة ربي واسأل الله ان يكتبلي اللي فيه خير لي سواء حمل او لا لانه سبحانه هو المطلع والعالم بكل شي مستقبلنا وماضينا وربي يرزقنا جميعا بالذريه الصالحه

حلو ماشاء الله عليك عسى ربي يفرحك ويقر عينك بالحمل التام