صبآح الخير جميعآ ..
من فترٍه بنزل الموٍضوٍع بس كسلآنه ومشغوله وٍكل شي ..
حبيت آشآرٍككم تجرٍبتي في تسآقط الشعر
أول شي أعرفكم على مشكلتي بالتحديد :
من فتره بدأ شعري يتسآقط بشكل مو طبيعي
.. والله يابنآت بشكل يخوف تخيلو لمآ آمشط شعري القآ تحت رجولي كومة شعر .. انا شعري نآعم وطويل الحمد لله ومن كثر التسآقط خاصة وانا اخذ دوش ينزل بيدي بشكل فظيع القاه على ظهري ويدي وفي البانيو حتى مره انسد البانيو .. وزوجي جآب سبآك وكل اللي طلع من شعري
بنآت بدون مبالغه حتى زوجي
اللي مآعمره لآحظ اي شي في حيآته مالآحظ الا انه شعري صآر خفيف وعلى طول قال لي بوديك لشيخ شكله عين هذي
انا بما اني لا اروح ولا اجي ولآ أشوف احد ابدا الا امي واخوآتي قلت مآعتقد عين .؟! اكيد من تاثير التخدير لآني تعرضت للتخدير 3 مرات بنفس السنه واقل فترة تخدير قضيتها 3 ساعات واطول عمليه كانت من 11 ص الى 8 م عآد احسبو كم ساعه انتو
مآأطول عليكم كنت بكشف على اسناني مره وكتب لي الدكتور اشياء ورحت صيدليىة النهدي اخذها وسالت الدكتور اللي هنآك
عندك شي لتسآقط الشعر .؟
قلتله مآبغآ بخاخ كل البخاخات مفعولها وقتي بمجرد ماتتركها يطيح كل الشعر اللي طلع قال لي شوفي انا بعطيك هذا الكورس وهو ممتاز جدا
العلاج كان عبارة عن :
علبه مكونه من تقريبا 20 او 30 زجاجة صغيره بها مثل المادة لونها اصفر والزجاجه مثل ماراح تشوفون بالصوره مقسمه الى 3 اقسام
قال لي يوم اي ويوم لا احط منها يعني مثلا اليوم احط من اول زجاجة لين الخط بس وادلك فروة رأسي بها لازم فروة الرآس مو الشعر من تحت ماله علآقه واخليه اليوم كله او لحد مابروح اتحمم وميزت هالمادة انها ماتخلي شعره كانه في زيت ولا لها ريحة بالعكس كانه مو حاطه شي براسك حتى اللي شعرها دهني
المهم وبعد ماتخليها كل اليوم تغسليها بهذا الشامبو وهو تبع نفس الكورس قال لي شرط تستخدمينه شهرين بالضبط
وهذي صورة الانبولات طبعا الراس الطويل يجي مع العلبه انتي تحطيه بكل زجاجه لما تجي تستخدميها
وهنا لاحظو انه مقسم 3 اقسام
طبعا الكرتون فيه 20 او 30 زجاجة ماذكر بالضبط قيمته 260 ريال يكفيك لشهرين بالتماااام لازم يوم اي ويوم لا لاتهملو يابنات وبعدين تقولو مانفع معانا ملاحظه يعني الزجاجه الوحده الصغيره دي تستخدميها 3 مرات لانها مقسمه 3 اقسم فاهمين عليا :(
انا حاطاه عالتسريحه كل يوم اي ويوم لا احط > ماتعرف تعبر :(
المهم الشامبو جدااااااااااا جداااااااااا رائع ماعرف اوصف لكم ليه بس تحسين شعرك صار صحي اكثر بعد استخدامه وخالي من الدهون وهذا المهم
وكمان تدريجيا بتلاحظون انه وقت الاستحمام بطل يطيح الشعر
وهذي صورة الشامبو :
وهذا المشط اشتريته من ذا بدي شوب وهو مشط ابو اسنان واسعه عشان نساعد الشعر كمان انه مايطيح :(
بالإضافه انه الدكتور اعطاني فيتامين يقوي الشعر ويمنع التساقط ومفيد بشكل عام للجسم ونسيت اصوره وهذا هو
بنات الموضوع كله الانبولات كرتون واحد يكفيكي شهرين قيمته 260 ريال + الشامبو تغسلي فيه يوم اي ويوم لا وانا اخذت 2 منه الواحد سعره 80 ريال وحجمه 150 مل كفاني الشهرين الحمد لله والحبوب سعرها لايذكر والمشط كمان يعني كل المجموع مايجي 500 ريال بالله مو احسن من انه تروحي مستشفى ويهلكوكي كشفيه وادويه وتحاليل و و و الخ وبعدها ماتستفيدي شي ؟!
جربو يابنات لو ماكسبتو شي ماراح تخسرو حاجه
انا عن نفسي الحمد لله يارب عن جد فررررررررررررررررق بين اول والان ماقول لكم ماتطيح ولا شعره لا في تساقط بس اكثر من الطبيعي بشويه مو مثل قبل ابد اول والله ابغا ابكي على شعري وانا اشوفه يطيح ومو عارفه ليه
بنات حاولو في فترة العلاج لاتستشورو ولا مكوة سيراميك ولا فير اعطي شعرك اجازه من هالخرابيط واصلا الموضه الان الشعر كذا يكون فرش على طبيعته ترى الناس اللي تستشورو عشانتهم ماراح ينفعوكم اذا طاح شعركم
واخيرا وليس اخرا اعيد واقول لكم هذا الكورس لايطول الشعر ولا يكثف الشعر انما يمنع التساقط ويقلل منه بشكل كبير وملحوظ ويخلي الشعر صحي .. بنات مو لو مانفع معاكم تقولو ماعرف ايش ترى كل انسان ونوعية شعره ومدى تقبله للعلاج وشعري غير شعرك وشعرك غير شعري
انا تعبت ونزلت الموضوع وصورت وقصيت الصور ورفعتهم مو عشان تدخلو وتشوفو وتروحو :icon33:
كلمة شكرا تكفيني او دعوه اللي يجي منكم حلو
والسلاام عليكم ورحمة الله وبركات :26:
ويوفقك دنيا واخره
اكيد بنات كثير راح يستفيدون ويدعون لك :)