لياليا

لياليا @lyalya

عضوة جديدة

تجربتي مع تكميم المعدة ..

علاج السمنة والنحافة

السلام عليكم ورحمة الله وبركاته ~
هذه تجربتي مع التكميم اطرحها رداً على احد الاخوات اللي ارسلت لي رسالة خاصة لكن لم اتمكن من الرد عليها بسبب قلة مشاركاتي ..
انا سويت التكميم في 25 فبراير 2012 ..
يعني بعد عشرين يوم ان شاء الله اكمل سنتين ..
والحمد لله ما مر يوم ندمت فيه اني سويت هالعملية بالعكس الحمدلله احمد ربي كل يوم ثم اشكر والديني اللي اجبروني اسويها مع اني كنت رافضة رفضاً باتاً ..
كان وزني قبل العملية 115 كيلو ومن انولدت لين وقت العملية وانا اعاني من السمنة وربي يشهد اني ما اذكر انه وزني نزل تحت التسعين مع انه طولي 157..
وبعد ما سويت العملية قعدت اسبوع بس تعبانه وبعدها رجعت عادي امشي واتمرن ولا عاد فيه تعب الحمدلله ..
مراحل الاكل بعد التكميم: مرحلة السوائل ثم السوائل الثقيلة ثم الطعام المهروس واللين ثم الطعام العادي ..
الآن رجعت آكل عادي بس اقل بكثير من الناس الآخرين وهذا الشيء مفرحني يعني آكل نص ساندويتش بدل واحده كامله ولا ثنين وتوسته واحده بس وصحن الرز الصغير مره اقدر آكله حتى انه اخوي اول ما رجع من امريكا كان يضحك علي لانه كان ينتظرني على الغداء وفي الاخير ما اكلت كثير ..
سويت دايت في رمضان لاني كنت اتعب بعد التمر فما اشتهي آكل شيء بعدين كنت آكل شيء خفيف كل ثلاث ساعات والحمدلله صار وزني 75..
ما راح اكذب عليكم فيه اشياء معدتي ما تتحملها مع اني احبها مثل التمر والحليب فما اشرب الا نص كاس والتمر آكله على اوقات والماء اشرب نص 0,33 لتر وبعد ربع ساعه النص الثاني والدكتور يقول هذا الشيء طبيعي لان الماء قلويات بس راح ارجع اتعود عليه شوي شوي وهو قال انه فيه اشياء ما راح تتحملها معدتي لانه تغيرت بعد العملية وهذا الشيء يختلف من شخص لشخص يعني اللي ما ناسبني ممكن يناسب غيري..
وفيه شيء بعد ما تتحمله معدتي وهو الغازيات وبيني وبينكم انا ما احب البيبسي ابد من عمري فما اشربه بس من بعد العملية ما شربت ميراندا اللي اعشقها كثير الا مره او مرتين فقط ولا شربته غيرهم لاني ما عاد اشتهيتها ومن النادر الحين اشرب سفن آب مع انه معدتي تتحمله..
والجوع ما راح تحسين فيه زي الناس العاديين يعني لو جعتي مره واكلتي ما راح ينتفخ بطن ويصير فيه غازيات والشيء الثاني انا اعرف اني جايعه مره اذا حسيت بنفاضة..
ولازم تبدأين رياضة مناسبة لك بعد ما ينزل من الوزن عشر كيلو عشان ما يترهل الجسم وهذا الشيء اعاني منه الحين فاللي يعرف رياضة مناسبة تشد الجسم يبلغني الله يحفظكم جميع ..
الحين رجع شوي وزني زاد من الشكولاته لاني آكلها بكميات في الليل وخصوصاً قبل النوم تنفتح شهيتي لها مع اني النهار ما آكل شيء ابد وهذا غلطي ودي ارجع لنظامي القديم الزين..
صار وزني 81 يعني ممكن يرجع الوزن يزيد لو ما التزمتي بنظام صحي ومتوازن ..
مع اني ما وقفت الشكولاته بس صرت اتعقل في اكلها واحاول ارجع اسوي رياضة لاني من وقفت عنها ووزني زايد..
اتمنى تدعون لي الله يوصلني للوزن اللي نفسي فيه ولا يضيع تعب العملية علي ويرزقني الجسم المتناسق اللي احلم فيه طول عمري ويزوجني الزوج الصالح حسن الخلق والخلقه ويرزقني الذريه صالحه ويشفي والداي وجدتي وبنت عمي ومرضى الملسمين ويفرج عن كل مكروب ومهموم اللهم آمين ..
واي استفسار انا بالشوفه وحاضره ~

13
139K

يلزم عليك تسجيل الدخول أولًا لكتابة تعليق.

تسجيل دخول

الفراشه الحلوه 99
مشكوره ليان على ذكر تجربتك والله يجزاك كل خيررر حبيبتى ويحفظ لك اهلك ويوصلك للوزن الى تبين يارب يعنى تنصحينى اسويهاا انا وزنى 118وطولى 160 وكثير ناس قالو سويهااا وناس قالو لى انتى مجنونه اذ سويتيهااا واحترت طيب عندى سؤؤال ماحسيتى بالحرمان ماحسيتى باالم عند الاكل والبلع والشرب والله ييسر امرك وتوصلين لللوزن المثالى على خير
لياليا
لياليا
مشكوره ليان على ذكر تجربتك والله يجزاك كل خيررر حبيبتى ويحفظ لك اهلك ويوصلك للوزن الى تبين يارب يعنى تنصحينى اسويهاا انا وزنى 118وطولى 160 وكثير ناس قالو سويهااا وناس قالو لى انتى مجنونه اذ سويتيهااا واحترت طيب عندى سؤؤال ماحسيتى بالحرمان ماحسيتى باالم عند الاكل والبلع والشرب والله ييسر امرك وتوصلين لللوزن المثالى على خير
مشكوره ليان على ذكر تجربتك والله يجزاك كل خيررر حبيبتى ويحفظ لك اهلك ويوصلك للوزن الى تبين يارب ...
تسلمين حبيبتي والله يسعدك ويرزقك الصحة والعافية ..
نصيحتي سويها لكن قبل اختاري دكتور صح والاهم الاستخاره واذا ارتحتي سويها..
حرمان احياناً كنت احس فيه بس نادر والله لاني ماعدت اهتميت بالاكل مثل اول ..
الحين بعد احب الاكل بس مو مثل اول ابد ابد ..
لا والله ما قد حسيت بالم ابد لاني آكل على قد معدتي واشرب على راحتي وحتى الم الشبع زي الناس الطبيعين لما يكونون شبعانين..
بس العملية ما تضر ابد ان شاء الله ولا فيها مضاعفات والحمد بس مثل ما قلت لك اهم شيء بعد التوفيق من الله ثم الاستخاره الدكتور الشاطر وانا سويتها عند دكتور ممتاز والحمدلله والله اني ادعي له لليوم الله يجزاه خير..
واكيد الدكتور راح يشرح لك كل شيء وان التزمتي بالتعليمات ان شاء الله ما راح يحصل لك اي مضاعفات..
وبالنسبة للحمل والولادة اعرف وحده حملت من بعد ثلاث شهور من العملية والثانيه بعد سنه والحمدلله مشت امورهم عاديه فهي ما تأثر لا على حمل ولا ولادة ..
من زمان كنت قد سويت شد وشفط قبل عشر سنوات تقريباً وحصلت لي مضاعفات لعدة اسباب بس التكميم الحمدلله الحين لي سنتين ما حصل لي شيء وبصحة وعافية وانسانه طبيعيه الحمدلله..
غيناااء
غيناااء
..لا إله إلا أنت سبحانك إني كنت من الظالمين..
ام سدديم
ام سدديم
شكرا على ذكر تجربتك يليت تذكرين وين سوتيها واسم الدكتور والسعر
وسن الغامدي
وسن الغامدي
بنات نصيحه اللي اوزانهم فوق 90 لازم تكميم
انا وزني 73 وابي اسوي بس الدمتور مارضي

افضل عمليه هي خالتي كان وزنها 150 ماشاء الله الحين وزنها 59 طبعا خلال سنه

نصيحه مني سووووها ولاتسمعون كلام احد هاذا ادا مو خوف حسد
حرام تضيع الملامح والجمال بالسمنه

سووها عند عبدالحميد سفر الغامدي بمستشفى المستقبل بجده اظن ب27000
بس بشهاده الكل يده مثل الريشه ماشاء الله