كيفكم ياصبايا
راح انقلكم معاناتي مع ثلاجتي عشان تستفيدوا منها
اخر مره سافرنا فيها
كانت الثلاجه مليانه ماشاء الله جاتها تخمه مسكينه وقررت انها تفصل الكهرب وتربينا عشان مره ثانيه مانسافر وهي مليانه
كان بالفريزر ذبيحه كامله وكرتون دجاج والفالحه اللي هي انا :27:مفرزنه سمبوسه ومعجنات وكل اللي يحبه قلبكم
طبعا والله السفره كانت مفاجئه فلحد يجي ويعاتبني وكانت نهايت الشهر يعني بعد ماتقضينا
المهم مالكم بالطويله
رجعنا والله لايوريكم وسفرتنا كانت اسبوع يعني تخيلو لو شهر كان انحاشو الجيران من الريحه
المهم
دخلت المطبخ والله بعبايتي بحط اغراض معي
الاوشوف شي مكبوب مثل البيبسي وانا متاكده ان الثلاجه مافيها ببسي عرفت ان الثلاجه مفصوله
وفتحتها وانا والله ابكي:(
الاوالحم ماشاء الله مقرب يستوي والريحه ياساتر وحشرات صغار ع اللحم
خذيت كل اللي بالثلاجه بحسره وعلى طول عالزباله الله يكرمك
تحسفت ع الاغراض وعلى شغلي وتفريزي
ولما خلصت جا دور البكا ع الثلاجه:icon33:
السؤال ليش لقيناها مفصوله؟؟
لقينا الفيش خربان
يعني مو تقولون سددنا الكهرب مستحيل تطفا
نرجع للثلاجه
ثلاجتي جديده وكبيره وماركة شارب فحرام ارميها خصوصا ان الاجهزه غليت هالايام
المهم على طول عالنت واسال بنات حوا طبعا بحث موضوعات سابقه
وماخليت شي ماسويته كل شي حطيته وغسلتها بكلوركس والعملاق وكل شي
اخر شي قلت لزوجي جيب هندي وطلعوها السطح خل الشمس تضربها ضرب
وفعلا طلعها يوم كامل لكن برضو الريحه موجوده فقررت اني افتح المستطيل اللي بالفريزرالي بارض الفريزر لاني متاكده ان الريحه منه وفتحته والله لايوريكم غسلته بكلوركس بفرشة اسنان واسفنج هذي الخطوه الاولى
الخطوه الثانيه قمت انا وزوجي وقلبنا الثلاجه ولاحضنا ان كل ماقلبناها على جهه يطلع منها موية اللحم
قعدنا نقلب نقلب لين اختفت المويه وخليناها لثاني يوم في الشمس ونزلتها ونظفتها زين وحطيت فيها فحم
والله يابنات الحمدلله معد فيها ريحه والفحم حاطته كذا عشان يسحب الروائح
صرت فرحانه فيها كل شوي افتحها واشمها:icon28:
واول كل مافتحتها وشميت ريحتها اتضايق ويخرب مزاجي
واللحين مرتاحه وارتاحت نفسيتي والحمد لله
نقلت لكم تجربتي الشخصيه للاستفاده
ونصيحه لاتسافرون والثلاجه مليانه خصوصا الفريزر
وسلام للجميع
وتوته توته خلصت الحتوته
كل وحده على فراشها يلا