تجربتي مع جراحة الفك

بسم الله الرحمن الرحيم



حبيت اشارك بتجربتي للفائدة
عمليتي سويتها في الفك العلوي كان عندي قمي سمايل
تاريخ العملية 16 فبراير
مكانها مستشفى بروكير بالخبر
عند الدكتور بدر الجندان الله يسعده دنيا وآخره انسان راقي وذوق ويهتم بمرضاه
كملت 13 يوم من العملية والحمد لله مافيه تعب، التعب بس اول يومين وبعدها عادي
بالنسبة للورم ما كان كبير مثل اللي اشوفه باليوتيوب وبدأ الحمد لله يخف
الورم حاليا موجود حولين الانف وتحته
وأهم شي ان الانف ما تغير شكله ولا توسع بس منتفخ شوي وبإذن الله مع الايام يخف أكثر
الدكتور ماقصر وعدني يسوي كل اللي يقدر عليه عشان ما يتأثر شكل الأنف والحمد لله كان قول وفعل، مقدار رفع الفك العلوي مش عارفه بالضبط بس أعتقد فوق 5 ملم.
بالنسبة لتربيط الاسنان ما احتجت
نسيت أتكلم عن التقويم كانت مدته 10 شهور تقريبا

واللي عندها أي سؤال أنا بالخدمة