تجربتي مع جراحة ترميم وتضييق المهبل

السلام عليكم ورحمة الله وبركاته
مرحبا بنوتات
ابغى انقل لكم تجربتي مع عملية تضييق وترميم المهبل
في البدايه كنت اعاني من كثرة الالتهابات وفي مره رحت لدكتوره بالشبلان ونصحتني اني اسوي عملية تضييق عشان افتك من الالتهابات حطيت الموضوع براسي ولكن ماسويت اي شي
بعد فتره قررت اني اروح لدكتوره واشوف الموضوع وفعلا بحثت بالنت ورحت لدكتوره مشهوره مره بهذا المجال وفعلا رحت لها بسرعه بسرعه كشفت وقالت اي انتي تحتاجين وراح اسوي لك تضييق وترميم
لما جيت ابغى استفسر مااعطتني وجه ابد بصراحه تعاملها مااعجبني ابد
المهم اعطتني الفاتوره للعمليه ١٦٢٠٠ ريال بعد الخصم
والرسبشن يالله تبين ادفعي لانها مزحومه ويمكن ماتحصلين موعد المهم ماحجزت قلت بفكر وطلعت منها
ورحت للمستشفى السعودي البريطاني ودخلت عند دكتوره سمر للامانه رائعه قعدت تتكلم معي وتستقبل وتجاوب على الاستفسارت بصدر رحب
حجزت عندهم العمليه وسويتهاوقعدت يوم بالمستشفى الان لي يومين الالم مررره قوي الله يسهلها
طبعا السعر اقل بكثير كلفتني تقريبا ٧٠٠٠ ريال
كتبت الموضوع للفائده وانتظر استفساراتكم🌺