شحالكم خواتي الحوائيات..
اليوم بشارككمـ تجربتي مع جهاز الديرماسيتا..
شفت اعلانه على قناة الثريا الاعلانية..
وبما اني من النوع اللي مايتحمل الدعايات.. >>> ولافخر
على طول اتصلت بهم وطلبته..
ووصلني امس..
سعر الجهاز مثل ماهو دراج بالاعلان..
135 درهم..
وطلبت شاحن كهربائي -اختياري- وكلفني 30 درهم
تحصلون الجهاز عند اي مندوب لشركه ثين دايركت Thane Direct
وهنا ارقامهم اللي دايما تظهر ع التلفزيون:
http://www.thanetv.com/service.php
الصراحه اللي جذبني لـ ديرما سيتا هو راس ازاله الشعر..
اما الرؤوس الباقية عندي اجهزة اخرى تفي بالغرض..
وكانت لي تجربه مع اداه مشابهه لـ هالراس اسمها فيلفت تتش..هنا:
http://forum.hawaaworld.com/showthread.php?t=3023588
هذي صور الجهاز بالتفصيل.. كالعاده ^.^ :
تراراراااا:
صورة للجهاز مع الرؤوس المرفقة:
توضيح لاستخدامات كل رأس:
على فكرة اسفنجه الوجه.. نااااعمه حيل مثل اسفنجه كريم الاساس..
ماعرف شفايدتها!
وهنا صورة للشاحن:
طبعا اوووول راس استخدمته كان مزيل الشعر..
وعلى فكرة استخدموه على منطقه جافه..
لوتوصله قطرة ماي.. يخترب
المناطق اللي جبته عليها هي:
الابط:
زال بعض الشعر..
اسفل البطن:
زال الشعر كله..
المنطقة الحساسه:
زال الشعر من المنطقة قدرت اوصلها بالجهاز..
لانه كبير وماينفع الا على مناطق شبه مسطحه..
((الانطباع))
الابط:
حسيت بحراق.. مثل احساسي بعد استخدام اله براون..
وعشان ماعيد غلطتي مع اداه فيلفت تتش.. ماغسلت بـ ماي ولاشي..
وزال الالم بروحه.. بعد ساعتين تقريبا..
وبكل تأكيد..مارح اعيدها!
البطن:
تماام وماحسيت بأي الم الحمدلله..
وكل الشعر نزع من الجذور..
المنطقه الحساسه:
حمرررت المنطقه.. بس مافيه الم..
امممم شفت نقطه دم صغيييييره:/
هنا صورة للجهاز بعد استخدامي:
لاحظوا الشعر <<< تغطي وجهها ككك
والقطعه كانت سوداء.. بس ابيضت من تقشيرها للبشره..
هنا صورة توضيح لكم:
مااسامح ولااحلل اللي بتنقل الصورة لموقع غير او تحفظها..صدقا
عند النجمه البيضاء المنطقه اللي ازلتها
والنجمه السوداء.. المنطقة الاصلية لول
ملاحظاتي:
1:
بعض الشعر زال من الجذور..
بس الاغلب.. انقطع..
2:
الجهاز فعال ويزيل من الجذور على الشعر النآآآآعم.. مثل البطن..
اما الشعر القاسي او اللي متعود ع الموس.. ماينفع
3:
مكتوب ان الجهاز فعال ع الشعر القصير..
وانا احسه فعال ع الشعر الطويل..
لاني جربت فيلفت تتش وهو مشابه لهالجهاز على خدي..ونفع.. لان الشعر كان نااعم وطويل شوي..
اما الابط كان الشعر قصير حيل.. ويمكن هالسبب انه مانفعني..
الاداة الثانية اللي استخدمتها:
اداه نزع الشعر من الوجه
بمجرد اللمس.. لاحظت انها اخشن بواااااايد من اداة فيلفت تتش..
ف خفت اجربها..
اذا فيلفت تتش الناعمه جرحت خدي..
شلون هذي؟
الاداة الثالثة كانت:
جحر القدم..
فعال.. لاباس به..
والرؤوس الباقيه الى الان ماجربتها..
كلمتي الاخيرة:
مااخفيكم اني حسيت باحباط..
لانه ماازال الشعر من الجذور بالنسبه للابط والمنطقة الحساسه..
وبعد لاني حسيته يجرح البشرة..
يمكن استخدمه لتقشير البشرة من الاماكن الخشنة..
واللي بتشتريها.. لاتستخدم اداة الوجه ابدددا..
اما اذا تبون الجهاز عشان الرؤوس الاخرى..
حجر القدم والفرشاة..
فيه جهاز مشابه اسمه SpinSpa
ويشتغل تحت الماي.. عكس ديرماسيتا
انتهت تجربتي الصريحه..
واي سؤال.. انا حاضرة
دعواتكم,
ألميرا
الله العالم اني مااسوي دعايه لشركه ثين دايركت ومالي اي مصلحه منها..
ولكن يحق للبنات يعرفون تجارب بعض..
عشان مايتحسفون على الفلوس اللي يدفعونها..
وهاي الشركه مشهورة ومعروفة..
ولنا الحق نعرف المفيد من المزيف..