تجربتي مع حبوب رائحة الفم ومعلومة جديدة بتريحكم باذن الله \ استوفى الرد

السلاااااااااام عليكم ورحمة الله وبركاته


حبايبي مثل ماهو موضح بالعنوان انا قريت موضوع لوحدة ربي يجزاها الف خير والله نسيت اسمها لكن وربي تستاهل الشكر والدعاء لها بكل خير

كانت كاتبة موضوع عن حبوب زيت الزيتون قيمتهم تقريبا دينا ونص كويتي و16 ريال سعودي اسمهم air -lift

والله يا بنات اني مهتمة كثير بالتفريش والمسواك ومضمة الملح ومضمة عادية وتفريش اللسان واشياء كثيرة لكن اعاني من البخر او رائحة الفم:44: واختي نصحتني اني ادور علاج وقريت الموضوع من كم شهر وقبل اسبوع رحت السوق وسالت اختي عنهم ومدحتهم وطلعت مجربتهم وفعلا اشتريتهم وكلت اليوم كبسولة بعد الفطور والعشا كان ببيت اختي فكلت وحدة بعد العشا مباشرة وبما انه ببيت اختي يعني فرشتي مو معي اكتفيت بالكبسولة ولما رجعت البيت سالت اختي الثانية تحسين للكبسولات مفعول ريحتني كثير وقالت الريحة اختفت تماما والله ما تدرون شكثر فرحت وحسيت براحة كنت شايلة هم هالموضوع لانه بجد مهم بتواصلنا الاجتماعي مع الناس ويسبب الحرج كثير


واليوم بعد اكتشفت شي ثاني قررت اشتريه مع الكبسولات دايم ويكون روتين يومي بس ماظنه ينباع بالسعودية :44:

الشي هذا عبارة عن اقراص اسمها اقراص العويد يعرفونها الكويتيات لانه عندهم محل للعسل ومنتاجاته اسمه العويد وعندهم منتج اسمه اقراص العويد عبارة عن اقراص مثل الحلاو نكهات نعناع ، عسل ، هيل ، برتقال ، ليمون وهالاقراص مفعولها قوي خاصة للاحتقان والانفلونزا لانها تعالج الاحتقان وتشيل ريحة اللوز :)


وانتبهوا يكون الوضوء صحي وكامل يعني لما تتوضين للصلاة بعد المضممة لازم يكون اشتنشاقك جيد عشان تزول كل المواد المخاطية المليئة بالجراثيم واللي تسبب الرائحة



يارب اكون افدتكم ودعواتكم لي ولخواتي


وربي لو مافرحت بالنتيجة ما كتبت هالموضوع :icon28: