تجربتي مع حبوب ناتشورال ماكس سليمنج الزرقاء

علاج السمنة والنحافة

السلام عليكم ورحمة الله وبركاته
كيفكم حبايبي
بما اني وانا ادور عن تجارب لهالحبوب ناتشورال ماكس سليمنج ومالقيت قلت بحط تجربتي للي يبي يستفيد منها
كنت اخذها من تاجره تبيعها بسعر 300 والتوصيل ب30 واحيان تأخذ 50 حق توصيل
قبل تقريبا ال8 اشهر
ابي انحف مره وبالذات بطني كنت ابيه يختفي وبما اني مقبله على زواج فكنت مستعجله ابي نتايج سريعه ولاني ماني راعيه دايت واذا سويت لازم اخبص
فقلت خليني الجىء للحبوب كحل
ولقيت وحده من قريباتي استخدمتها بس ماكملت وقالت لي انها تسد الشهية
وهذا اكثر شيء حمسني
ولقيت وحدة تبيع الاصلية وطلبتها من اول اسبوع حسيت بصداع مو طبيعي وكان لازم اشرب موية بحدود 8 اكواب
انسدت شهيتي مررره وصرت يا دوب اكل فطبعا من اول اسبوعين نحفت 10 كيلو كنت مبسوطه جدا مقاسي اختلف بشكل فضيع بس كانت نفسيتي زفت للاخر
واستمريت حتى خلصت ال50 يوم وكانت نازله بحدود 12 كيلو ووقف عيى ينزل زياده فخلصت الحبوب الي هي 50 حبة بالعلبة ووواخذت فتره 10 ايام ورجعت طلبت واستخدمتها
وضليت عليها حتى خلصت العلبة الثانية وبرضوا وزني مثل ماهو بس نزول 12 كيلو

تزوجت بعد ما تركت الحبوب ولافكرت اخذها لاني خفت احمل ويصير لها مضاعفات

وغير كذا شفت برنامج على احد القنوات يحذر من حبوب التخسيس وكانت هالحبوب من ضمنها
وقريت انه يخفف المويات الي بالجسم مما يضر بالكبد
صح بقولكم اني قد جربت حبوب AB slim تعبتني مرره وجتني الالام بجنوبي وجاتني التهابات بالمسالك البولية ( كرمتوا ) فوقفتها

بالنسبة لي اشوف ان
النتيجة كانت سريعة وحلوة من حيث الشكل
النفسية كانت مش ولا بد
كنت احس بتعب شديد بالذات اول اسبوع
ما اتوقع اني بعيد التجربة بالايام الجاية لاني اتمنى اني احمل

ودعواتكم لي بالذرية الصالحة يارب

اي اسئلة انا عالخاصة لاني ما ارجع للمواضيع عادة
14
153K

يلزم عليك تسجيل الدخول أولًا لكتابة تعليق.

تسجيل دخول

Lailasaad
Lailasaad
الجميع لا يدرك مخاطر استخدام هذه الادوية والعقاقير عند اللجوء اليها فهناك عدد كبير من الأنواع المختلفة لحبوب إنقاص الوزن في الأسواق والصيدليات تعمل على تخسيس الوزن وحرق الدهون لكن أكثرها يمنع امتصاص الدهون من الأكل في الأمعاء ويسبب لك مشاكل صحية تؤثر على جسدك .
عبروش
عبروش
الكيلوات الي نزلت كلها سوائل عشان كذا بسرعه نزلت
أما الدهون باقي
مافي حبوب بالعالم تنحف كلها كذب
ماراح ينحف غير الاكل الصحي المتوازن وشرب الماء والرياضه فقط
الله يعطيك العافيه علي ذكر تجربتك
وربي يرزقك بالذريه الصالحه المعافاه الباره
نوف الريم
نوف الريم
صادقين اخواتي اقتنعت بانه جد مايفيد الا الرجيم والا الحبوب عالفاضي
(المهاااا)
(المهاااا)
طيب رجع وزنك اللي فقدتيه ؟؟
نوف الريم
نوف الريم
ايه رجع لاني ما حافظت عليه وشفتي بعد الزواج عزايم وطلعت لازم تاكلين