اخواتي بنات حواء
شوفت قبل قليل هذا الموضوع عن حقن اذابه الدهون
و حبيت افيدكم بان نقلتها لكم
و ارجو منكن الدعاء اني انحف و اياكم بصحه و عافيه
صاحب الموضوع شخص اسمه كروشه من احد المنتديات الاخري
و تقدرون تعملون بحث في google بأسم الموضوع عاليه
حتي تقروا التجربه بأنفسكم
يقول صاحب الموضوع
السلام عليكم !!!
أخواني وخواتي أعضاء وعضوات المنتدى الراقي أنا بسويلكم موضوع (عن تجربتي) في حقن إذابه الدهون
واظن ان الموضوع هذا بالذات المهتمين فيه كثيرررر و****لله اقدر اجيب عن كل اسألتكم
بالبداية ماتدرون شكثر كنت خايف من خوض هذه التجربة خصوصا اني ماعرف احد شخصيا سواها فقررت اسويها
اول شي لازم اعطيكم نبذه عن اذابه الدهون واقصد فيها الابر (حقن) مش الجراحه اللي تحتاج عمليه كعمليه الشفط
الابر المعروفه عند الجميع لاذابه الدهون اسمها الميزوثيرابي وهذي استخدموها من بداية سنه الالفين يعني قبل 9 سنوات ثم طوروا فيها واضافوا لها بعض الفيتامينات وصار عندنا محلول جديد اسمه PPC والفرق اللي بينهم ان محلول الميزوثرابي يحقنونه تحت الجلد بسافه قريبه جدا جدا وبكميات من السائل كبيره وعلى فترات متباعده اما ال PPC في بلا شك افضل بكثير من الميزوثيرابي لانها فيها فيتامينات وتحقن تحت الجلد على بعد 1 سم تقريبا وابرتها مشابهه تماما لابرة مرضى السكر وميزتها انها تحقن بكميات قليله وعلى ايام متقاربه يعني بين جلسه والثانيه اسبوعين
واحب ابين ان حقن ال PPC او الميزوثرابي ماتصلح حق اللي اوزانهم كبيره بل تصلح للقريبين من الوزن المثالي او اصحاب الوزن المثالي ، ويعانون من بعض الشحم في بعض الاماكن مثل الفخذ او الكرش او الارداف .. الخ
نبلش الحين بتجربتي
انا وزني مثالي بكل المقاييس الطول 166 الوزن 64 ( سباح سابق ) الا ان عندي مشكله تركت السباحه فتره فتكونت كتله من الكرش اسفل السره وصار شكلها قبيييح لان جسمي مقسم بس هذه المنطقه اللي مزعجتني والكل يعرف ان منطقه الكرش من اصعب المناطق في الجسم لان الحركه فيها قليله حتى وان عملت رياضه فتحتاج الى اكثر من 6 اشهر متواصله للتخلص من الكرش
فقررت اني اسوي ابر الحقن ال PPC ورحت للعيادة ، وهذا كان بتاريخ 16 - 3 - 2009
والحمدلله طمني الدكتور ان الحقن امرها بسيط جدا ماتحتاج الى اي خوووف منها خصوصا ان مافي مريض اشتكى من اي شي بعد عملها ، فسويتها عنده
حقنت منطقه الكرش وطلعت ، والشهاده لله مافيها ألم كلش الا كقرصه خفيفه وقالي الدكتور يمكن ينتفخ مكان الابره مده يوم الى يومين حالها كحال اي ابره وفعلا انتفخ شوي لكن اليوم ميه ميه جنه مافيني شي وللعلم نصحني اكثر من شرب الماي يعني لترين ماي باليوم تقريبا عشان تنزل الدهون مع البول ( اجلكم الله )
وفعلا حسيت ان كرشي صغر قليلا بس قالي الدكتور النتيجه بتبين بعد اسبوع بالضبط من الحقن ، اذا جابت معاي نتيجة راح ابلغكم
و****لله جلستي الثانيه بعد 10 ايام
اللي عنده سؤال انا حاضررررررررررررررررر
( تحياتي للجميييييييييييييييييييييع )
بعد 3 ايام
ابشركم كرشي خفت بشكل واضح مع اني حاقن قبل 3 ايام بس
والله شي يفررررررررررح
بعد فتره
واسف على التأخير في سرد يومياتي لكن الظروف وماتسوي اما بخصوص ابر الميزوثرابي فهي بلا شك اقل من ppc لانها اقدم منها ،
وعشان اعطي الموضوع حقه لازم ابين ان عمليه شفط الدهون افضل واسرع من اغلب العلاجات بس لازم تعرفون انها ماتصلح الا للي اجسامهم كبيره جدا ومتروسه شحم ولها اثار جانبيه لمده اربع اشهر تقريبا وهذي الاثار هو شعور بألم في مكان الشفط
وعلى فكره امس كانت جلستي الثالثه تاريخ 23-4-2009 والحمدلله عدت على خير الالم كان لايذكر و****لله بعد اسبوعين اقولكم بالنتيجه لان الدوا يستمر مفعوله مده اسبوعين تقريبا
وانتظرووووني
بعد فتره 20 يوم اخري
السلام عليكم ورحمة الله وبركاته
رجعت لكم بعد فتره طوويله 20 يوم بعد الجلسه الثالثه
عندي تنبيه للجميع ..... صحيح ان كان في تأثير ايجابي في الجلسه الثانيه الا ان هناك امر توني انتبه له وهو وجود عقد دمويه تحت الجلد متصلبه مثل الصخر وانا ما انتبهت لها غلا قبل كم يوم لان الدكتور ماقالي عنها وكان يحاول يخليني اسوي الجلسات بسرعه عشان يقبض الفلوس ويفتك الا ان الامانه في النقل تحتم علي اقولكم شنو اعراضهاااااا
بعد كل ابره كنت احقنهااا يتجمع خلايا دمويه (كرويه) تحت الجلد مكان السائل وتكون كأنها حصى تحت الجلد مما تسبب الم فضيييييييييييييييييييييع وحكه وتستمر تقريبا 3 شهور على ما ترووح ولها اضرار جانبيه يمكن تسبب امراض خبيثة لا سمح الله وهذا الشي ماقاله لي الدكتور لانه يبي ياخذ اكثر مايمكن اخذه من المال وانا بصراحه ماكنت اعرف عن خبثه الا بعد الشعور بالالم في مكان الالم فقالي نسيت اقولك عن الاضرار
قالي اذا تبي اسويلك شفط قلتله لا يبا انت تجرب علي
فنصيحه للجميع جربوا الحميه الطبيعية لان الضرر غير معلوم لهذه الابر وانا الله يحفظني من الامراض الخبيثة تكفووون ادعووووووليي
رد علي احد اعضاء المنتدى الاخر
باك يا منتداي العزيز
اي والله مثل ماقلتلكم والكلام للجميع اتمنى الكل يقرا الموضوع للاخر لان النتايج كانت جيده نوعا ما بالبدايه حتى صدمتني الحكه والحصى اللي تكونت تحت الجلد
يعني نسبة الفايدة ماتجاوز 20% مقارنه مع الاضرار اللي مايعلم فيها الا الله وانا اكتب المشاركه احس بألم بعض الشي في اماكن الحقن
تحياتي للجميع وشكرا قرناسه على التفاعل
وصدقيني العياده في مستشفى من اكبر المستشفيات الخاصه بالكويت وهو دار الشفاء هذا المستشفى اللي نصب على الالاف مثلي:(:(
منقووووووووووووووووووول
هذه تجربه الشخص نقلتها لكم للافاده و التحذير
و الافضل عمل بحث عن الموضوع لمن تحب ان تتاكد
و اخيرا اتمنى منكم الدعاء لي و لصاحب التجربه