تجربتي مع حمض الفوليك وفيتامين بي المركب مع عنايتي بشعري...

بسم الله الرحمن الرحيم..

حياكم الله جميعا...

انا اعاني من تساقط بشكل مو طبيعي ورحت عملت فحوصات وكشوفات وكان عندي نقص فيتامينات...وصرف لي الدكتور حبوب سينتروم واستمريت عليها قرابة ال5شهور وماشفت منها فايده بالعكس كنت اسوي رجيم وحسيت وزني ماينزل ثبتت وزني ...وتعبت منها ...
فبعد ماقريت عن تجارب بعض الاخوات مع حمض الفوليك وفيتامين بي المركب.
قلت لازم اجربه ...وقلت للدكتور قال سينتروم افضل فيه كل الفيتامينات بس اصريت يصرف لي اللي ابيهم...حسيته زعل :boom: حتى بالعاده يصرف لي كريم مرطب هالمره سحب علي:dozey:

المهم لي شهر الحين استخدمهم...
والله حسيت فرق في اظافري احسها قويت وهي كانت تتكسر بسرعه...
انا شريت مقويات ومطول اظافر من سوبر ناتشورال 3انواع مطول ومقوي ومكثف المطول استمريت عليه اسبوعين احطه مايمنع الوضوء بس المقوي والمكثف وقت الدوره لانها تمنع الوضوء لكن الفرق حسيته مع الحبوب من جد روعه فرقت معاي...
نرجع للشعر احس التساقط قل بنسبة 40% وبالنسبه لي نسبه حلوه...
وفرق كبير....
وسويت خلطة زيوت من الافوكادو وزيت جوز الهند وفرتهم من امازون طبيعيه وعضويه ..
وصرت ازيت شعري فيها 3مرات بالاسبوع انا شعري مجعد وكيرلي ..شعري صار ملمسه ناعم والشعره راكده ...

هذي تجربتي وحبيت اعرضها لكم...
واي استفسار انا تحت امركم...
وان شاء الله راح انزل مواضيع عن تجاربي في مشترياتي من امازون..:icon35: