تجربتي مع ختم القران

بنات قبل كل شي اتمنى محد يعلق ع عنوان موضوعي لانه مجرد عنوان ولا لقيت غيره ، وانا لو م اعتبركم خواتي م نزلت هالموضوع علشان تستفيدون
حبايبي انا من فضل ربي من رمضان الماضي وانا ملتزمه بالقران والحمد لله وبعد الشهر الفضيل صرت اقراء سورة البقره كل يوم وبجلسه وحده ماتاخذ وقت كلها ساعه وكم دقيقه وانا مخلصتها ي الله ي بناتها بهالحظه وانا اكتب لكم احس احساس جميل وماقدر اوصفه لكم سعاده ع راحه نفسيه . كنت كل يوم وقت الظهر اقراها احينن ابدا الساعه 2 واخلص 3 واحينن يكون عندي شغل ف اقراها ع اجزاء مثل بعد العصر وبعد العشاء بس سبحان الله لما اقراها بجلسه وحده احس باثرها من ناحيتي النفسيه وصرت خلاص دائما اقراها بجلسه وحده واستمريت شهور من فضل ربي وانا عليها
والحمد لله وقتها ربي شفاني من علتين كنت اعاني منهم ،قبل شهرين حبايبي قريت موضوع عن فضل ختم القران اتوقع هنا بالمنتدى وقلت لنفسي ليش م اختم القران خاصة اني اقرى البقره وهي 3 اجزاء تقريبا م راح يكون صعب علي اني ازيد جزئين والحمد لله صرت اقراء باليوم 5 أجزاء الظهر 3 أجراء واكمل عليهم الجزئين الباقين وغالبا اخلي الجزئين بعد المغرب وماخلص منهم يكون قرب صلاه العشاء اجلس شويات واذا أذن صليت وطلعت من غرفتي وصرت ع هالحال كل يوم 5 أجزاء وصرت اختم القران ي حبايبي 6 او 7 ايام
قبل م احافظ ع قراءة القران حالي كثل كثير من البنات افكر بالزواج وحالي والوظيفه خاصة كانت شاغله بالي بس سبحان الله بعد التزامي بالقراءة حالتي النفسيه انقلبت 180 درجه وصدقوني النفسيه اهم شي
تخيلو وحده من صديقاتي اعرضت علي وظيفه براتب حلو م فرحت فيها وانا الى كان همي وظيفه بس هالمره غير الوظيفه جت لين عندي وانا الى م تحمست لها لاني بيني وبين نفسي اقول الشغل راح يحرمني من القران