تجربتي مع خلطة القرفة لإنبات الشعر

السلام عليكم ورحمة الله وبركاته
بنات ذي اول مشاركه لي بهالمنتدى الجميل ، الصراحه استفدت منه كثثير وحبيت افيدكم مثل ما استفدت ، بقول لكم حدث صارلي وانا صغيره ، السالفه شوي طويله تحملوني 😁
من انا بأول وانا وبنت خالي كأننا اخوات ما نفترق حتى للحمام الله يكرمكم يدي بيدها تدخل هي وانا اجلس ماسكه لها الباب او العكس المهم ؛ وصلنا لسادس ابتدائي ونقلوا لأبها واحنا ظلينا بالدمام الين صرت بأول ثانوي طبعا كان عندي صديقات بس كنت متعوده عليها كثثير بصيفية سادس جاتني حاله كذا حبيت اني انتف شعري 😔 مدري كيف كذا ، اصلا ما جا ببالي انه حزن عليها لأنه ماكان واضح علي ولا كنت مررره حزينه كان الوضع نص نص تخيلوا كانت امي تمنعني انتفه بس ما اقدر ابعد يدي من راسي كلما تروح امي ارجع انتف شعره شعره الين يتعبا المكان الي انا فيه المشكله كنت ارتاحح واطالع لجذور الشعره واوري خواتي < لا احساس ولا ضمير 😂💔
ومع الوقت بانت فروتي بشكل ككككككبير وصاروا كل ما تزاعلت انا ووحده من خواتي يسبوني بالصلعه المهم ما علينا لأني الحمدلله تعالجت منه بنسبه ٨٠ بالميه تقريبا ، وبمره من المرات وانا كنت بغفله ما قد تبت من حركتي ذي رحت للحمام وشفت مرايتي وانصدمت من الصلع راسي من ورا كله صلعااء ومن قدام اسوا واسوا وبكككيت من قلب اناظر لنفسي وابكي ما توقعت ان شعري يصير كذا كنت قبل لمن امي تقول لا تنتفين شعرك اقول ما بيخلص وووووين مستحيل اصلا 😢 طلع صدددق يربي كنت بزر ؛ الحمدلله قدرت اتعالج من حالتي ذي ومن نتف شعري بنفسي ، امي الله يطول بعمرها كانت تدرس بمحو الأميه وكنت قد تعبتها بمشكلتي وبصلعي ووبكائي كل يوم على حالة شعري فجت يوم من الأيام للبيت وهي مبسوطه وتقول لقيت لك الحل لشعرك انا استانست مرررره وما صدقت قلت وش وش قالت اليوم جت معلمه عندنا وكلنا انصدمنا ان شعرها طالع وكانت قبل مصلعه من قدام كثثثير وشعرها نتفه ولمن شفنا شعرها من قدام تعبت الفراغات ووواضح مسويه شي تقول امي كل الأمهات سألوا المعلمه وهي ضحكت وقالت لهم انها بالفعل استخدمت شي وهو : ملعقتين قرفه مطحححون + ملعقة عسل ( انا استخدمت عسل سدر اتوقع عادي اي عسل بس اهم شي اصلي مدري عن الي بالسوبر ماركت ما ظنتي ينفع ) +فنجان قهوه صغير زيت زيتون تحمسينه ع النار مجرد تدفئه وتخلطينهم مع بعض يصيروا زي العجينه بس بقوام ثقيل خذي منه ووزعيه ع الفراغات وخليه المده الي تبغينها الصراحه ما اتذكر كم بالضبط لأن اصلا طبيعي فما يضر كنت احطه احيانا من العصر الين المغرب ؛ الوقت الي تبغون بس لمن تجين تتسبحين تنظفي شوي شوي لأن العسل بيكون عالق بالشعر وبيتساقط حاولي تغرقين شعرك كله وتنزلين منه حبيبات القرفه وبس ، بعد الإستحمام وبعد ما يجف شعرك بتلقينه صار ناعم من عند القصه ومن ورى هاااادي .