تجربتي مع د.حسان عبد الجبار

السلام عليكم ورحمة الله وبركاته ...هلا حبيباااااااااتي واخواتي بنات حواء يشهد الله اني داااايم اقرأ في منتداكم ويعجبني منو الشي الكتير وجلست مايقارب السنه اقرا وابحث في قسم تأخر الحمل شفت تجارب الكتير وخلطات ونصايح وووو ...والحمد لله مانفع معاي شي منها انا متزوجه وام لطفله عمرها عشره سنوات وست شهور وبعدها ماكتب الله لي الحمل كشفت وحللت وكل شي الحمد لله سليم ماعندي تكيسات ولا غده ولا هرمون حليب ولا سمنه بزيااااااده ولا أي مشاكل من ناحية الحمل بعد ماخلصت كل الفحوصات وتعرفون كالعاده لازم التجارب تبدأ فينا بنات حواء قرر زوجي يكشف ومن هنا بدأنا رحلة العلااااااج وما اطولها واصعبها من رحله زي ماتعرفون الرجل الشرقي شوي حساس في الامور هادي وما يتجاوب مع العلاااااج بسهوله وما يحب يستمر يمل ويتردد كتييييييير وخوااااااااااف بنفس الوقت
المهم انا سويت تحاليل من الى حتى الصبغه الملونه سويتها عشان يتأكدون انو مافيه انسداد بقناة فالوب والله تعبت فيها وشفت الموووت مرررررررا صعبه ومؤؤؤؤؤلمه بالحيل وبعدها اخدت كلوميد اكتر من ست شهور بدون أي نتيجه واخدت الابره التفجيريه برضو ما استفدت
لمن حلل زوجي طلع عندو ضعف في العدد والحركه تعااااالج فتره في المتحدون وفتره في مستشفى الملك فهد بدون تحسن يذكر قرروا له الاطباء عملية دوالي وسواها عند الفارسي في بخش وبرضو ما استفاد منها اخد فتره طويله الزنك وسوبر الحديد وكلوميد وجنين القمح ومو ذاك التحسن اللي ممكن يصير معاه حمل
مشكلة زوجي العدد مرررررا قليل يعني خمسه في الميه والحركه ضعيفه
بعد العمليه الحركه تحسنت مو طبيعيه بس ماكانت عائق في الحمل زي العدد والعدد ارتفع صار بس تسع في الميه والدكتور اكد تحت العشرين مايصير حمل المهم بعد كلاااام الدكاتره حملت وبكييييييييينا انا واهلي واحبابي وموااااااااااقف ما انساااااها ابدا تبااشرنا جميعا ولمن دخلت التالت للاسف مافيه نبض مجرد كيس حمل فاااضي لانو الحمل ضعيف من اصلو
بعدها اكدت لي دكتورتي في المتحدون انو لازم الجأ للتلقيح الصناعي اطفال الانابيب
ومن بعدها صرت اسهر طوول الليل ع اللاب من تجربه لتجربه ومن دكتور لدكتور اسأل وابحث وأٌقرأ لين حسيت انو الموضوع مو مررا ولا صعب كتير لكن المشكله جددددا مكلف
وزي ماتعرفون انا ام لبنت مايحق لي اسويها في حكومي ولا عندي وقت لمراجعااااتهم ومماطلااااتهم المهم قررت اسويها ويالله يالله اقتنع زوجي واخترنا البروفيسور حسان عبد الجبار الله يذكرو بكل خير اولا لسمعتو تانيا لمعرفتي القديمه بالمتحدون واعجابي بتعاملهم الراقي وخدماتهم المميزه فقد انجبت طفلتي عندهم وبدأنا رحلة العلاج
اول شي توفير المبلغ تقريبا عشرين الف ريااال لانو ادا بدأنا ماعاد ينفع التراجع والانتظااااار
تانيا خلصت الدوره وكنت حاجزه عند البروف حسان سالني اساله كتير راح اجاوب مباشره
ايه دورتي منتظمه تتقدم كل شهر تلات ايام لا ماعندي هرمون الحليب ايه اخدت ابره تفجيريه وكلوميد وسويت اشعة صبغه والنتيجه كويسه وكل دي التحاليل قبل خمس سنوات ايه زوجي عندو دوالي سوا العمليه ومانجحت معاه قال اشوف تحاليله شافها قال كم عمرك قلت اربع وتلاتين قال مالكم الا اطفال الانابيب قلنا تم قال تجين قبل الدوره الجايه بيومين اسوي لك فحص سريري كامل المهم احنا من عندنا وقفنا جماع طوال الفتره هادي وجيتو ع الموعد كشف سونار مهبلي قال كل شي ممتاز والحمد لله لك ياارب طلب تحاليل دم سويتها قال لي عندك هرمون منخفض والتاني اعلى والمفروض يكون العكس بس هادا مو معناتو عندك ضعف تبويض لا معناتو شهر تبويضك كويس وشهر يكون اقل بس مو مشكله يعني وطلب مني من تاني يوم الدوره اخد مجموعة ابر كتبها لي طبعا هي ثمان وعشرين ابره كلها منشطااااات قويه وتنتين تفجيريه وقال تضربينها بعضها في العضل وبعضها أي مكان زي الانسولين تحت الجلد في أي مستوصف قريب عليكم لكن ابر اليوم التامن تجوني هنا في العياده والدكتور مو استغلالي ابد قال ادا مالقيتوها في المستشفى فيه صيدليه اعطانا كرتها قريبه من مستشفى بخش توفر لكم الابر واحنا لقيناها تقريبا سته الاف في المتحدون واقل تقريبا باربع ميه في الصيدليه اللي دلنا عليها اخدت الابر كل يوم نفس الميعاد ع المغرب هي حاره شوي لكن خلاص استجلدت منها تعورني وقتها والحمد لله مشت الامور
رحت له تامن يوم من الدوره قال فيه استجابه للتبويض خلاص كملي الابر وعاشر يوم اضربي التنتين الاخيره اللي هي التفجيريه الساعه اثنا عشر بالليل واليوم التاني نفس الوقت تبدأين الصيام وتجيني الساعه تمانيه الصبح اسويها لك ببركة الجمعه
انا لمن حسبتها تأكدت انو دكتوري مررررا ممتاز لان الجمعه هو اليوم الرابع عشر من دورتي وهو يوم الاباضه عندي كالعاااده مع دورتي المهم رحت وانا مرا خايفه بس يشهد الله الدكتور مررررررا ممتاز ومريح ومايخوف ابدا ابدا يعلق ويحسسك الوضع جدا عااااادي ومايخوف نهائيا مرا مرا ريلااااااكس ومريح المهم بنج كامل وسحبوا مني ست بويضات واعطوني تحاميل تهيئ الرحم للحمل
وقالو بعد يومين تعالينا صايمه من الساعه تسع الصبح والعمليه المغرب لانو الدكتور مايجي الا المغرب يداوم في مستشفى الجامعه صباحا المهم العمليه متعبه وبنج كااامل وبعدها يومين مغص شوي قوي وانا لزمت السرير يومين رجعت المستشفى في اليوم المحدد لترجيع الاجنه ورجعها تفاجأت مرا في غرفة العمليات طلبت بنج قالو يادلوعه سهله وبسيطه وماتحتاج انا مرررررررا خفت وصرت ارجف مررررا جهزوني كانها لحظة الولاده مرررررا احراج صراحه والمشكله دكتور جلس وعقم المنطقه وخدر تخدير موضعي بسيط ودخل شي صغير شكلو زي القمع بعدها جاب ابره مررررررررررررررا طويله دخلها وبدأ يزرع الاجنه وقال لي بعد اسبوع راجعينا خلاني تقريبا ساعه في الغرفه وحذر من الحركه وبعدها طلعوني غرفتي مرا بردت طلبت الحمام قالو ممنوعه من الحركه نجيب لك هنا ووو قلت خلاص بأصبر وبعد ست ساعاات سمحو لي بالحركه والاكل ع خفيف وطلعت تاني يوم وراجعت بعد اسبوع بس عشان يتأكد ان الابر ماسببت لي تكيسات المهم قال تعالي بعد اسبوع كاااامل يكون كملت اربعة عشر يوم قال ادا ماجاتك الدوره حللي دم واعطاني ورقة التحليل والحمد لله الله اكرمني وماشفت الدوره بفضل ربي وبفضل الاستغفار والقران والدعاء حللت قال مبروك حامل وكشف قال مو مبين أي شي بس غازات لسه بدري تعالي الاسبوع الجاي يبان معانا الحمل والحين انا انتظر موعدي بعد يومين مررررررررا خايفه ادعو لي ربي يتمم حملي ويثبته نسيت اقولكم انو زوجي سأل دكتورة الوراثه قالت البويضات الست ماتلقح منها الا ثنتين واربع ضعيفه بس كم زرع الدكتور لسه مو عارفين هو زمان قبل العمليه قال احنا نزرع تلات عادة ولو سلم لك واحد خير وبركه لان الحمل الحين نسبتو صفروبعد العمليه النسبه من خمس وعشرين الى تلاتين بالميه فقط
واعطاني تحاميل وفوليك الاسيد واسبرين وهي ككلها مثيتات وشراب للامساك لانو موزين ابدا وانا عندي امساااااك مزمن ع طول الخط والحمد لله يارب


:(:(:p