من تاريخ 14 لحد 17 من هالشهر
فتح عندنا حصص في بوبي براون ستيديو للمكياج
في محل هارفي نيكلز في مول الامارات بدبي .. حجزت
موعد علشان حصه للمكياج واساياته
عجبتني اشياء .. واشياء لا ..
حبيت اشوف اختي شلون رح يمكيجونها علشان الاحظ كيف يكون الشغل
على ادوات هالماركة .. وبعدين طبقوا علي انا .. علشان احس بمدى
فاعليتها على بشرتي وتاثيرها علي
وحابه افيدكم ببعض الملاحظات الي شفتها
لاي بنت عندها فضول بخصوص هالماركة ...:)
اول شغله الماسكرا
وهاي صورتها
التعليق : كريه بمعنى الكلمة وسيئة لابعد الحدود
لغاية ما وصلت البيت .. كانت رموشي تتنااااااثر على شيلتي
من كثر قساوتها عليها .. فحذاري منها:)
الايلينر
وهذي صورته
التعليق: ما ادري ليش مسميينه ايلينر .. الي عند الهنود ابرك منه
لونه باهت .. ولا يدوم .. باختصار
ما ينفع لنا كخليجيات...:)
الايشدو ..
وهاي صورته
التعليق : بلا ايشدو بلا نيله ... طل:D
اتحبطوا صح ... :D
يالله نكمل
لا تردون قبل ما اخلص اوكي:)
نجي للفاونديشن
جربوا علي الفاونديشن ستيك
هذي صورته
التعليق : ناعم حلو ... وللبشرة المثالية .. يعتبر رائع
اما المبقعه او الي تعاني من حبوب وخطوط ... نوووووووو .. لا وألف لا
وهم حلو للبنات الي ما يحبون انه المكياج يبين .. او يبونه على طول ناعم
لانه فعلا طلع روعة على بشرة اختي .. كون بشرتها بالاساس حلوة (تشرب ماي بكثرة)
افضل فرشاه لاستخدامه اهي هذي
واهي فرشاه مخصصه للفاونديشن .. جيدة وممتازة للتوزيع
الكوريكتر:وهذي صورته
التعليق: قبل الكونسيلر .. ولقيته يغني عنه
هذا اروع منتج عندهم ... سعره 100 درهم
لانه كل البنات الي هناك ومن جنسيات مختلفه
كانوا يسالون عنه .. فعلا ممتاز .. تاخذين منه بالفرشاه
وتوزعينه تحت العين كانج ترسمين .. وبعديت باصابعج
تثبتينه بطريقه ناعمه ... صراحة خيال .. عجبني مرة وانا اشوفه
يخفي الهلات تحت عيون اختي .. رغم اني كنت اعتقد انه اختي ما عندها هالات
بس اول ما حطوه على عين وحده .. لاحظت فعلا مدى العيب الي في العين الثانيه
روعة .. ناعم ... سهل ... يندمج .... باختصار .. واااااااااااااااو:)
هذي الفرشاه المستخدمه معاه
اهي فرشاه الكونسيلر .. وايضا مثله .. لقيتها الاروع
كانج ترسمين فعلا
اللوز بودر :تحطينها بعد المكياج خاصه للبشرة المدهنه
كلمسه اخيره .. يطفي المكياج ويخلي طبيعي اكثر
هذي صورته
التعليق : لاباس .. حلوة
افضل فرشاه لاستخدامه هي هذي
واهي خاصه بالبودرة
لا تعلقون .. رح اكمل..:)