السلام عليكم
حبيت انقل لكم تجربتي مع الدكتوره جيهان
بداية مراجعاتي الدكتوره مررره حبيبه وطيبه وحبيتها مرررره بس كل موعد مشكله مره جيت والدكتوره عندها ولاده وما كلموا علي ومره رحت الرسبشن وحطوا اسمي بالخطا عند دكتوره ثانيه......
وكانت بس تكتب علاجات مره قلت بسافر لجده وكتبت لي 7 كراتين مثبت حمل وهي قايله لا تستخدميه بس عند الضروره حبتين لمده 3 ايام طيب ليه 7 كراتين وقلت يابنت الحلال عادي مستشفى اهلي
لما دخلت السابع تعبت وبدتني طلووق مبكره كان موعدي الساعه 8 وما دخلت الا الساعه عشر الا ربع وسكت قالوا عندها زحمه وش فايدة الموعد
ما اطول عليكم دخلت والدكتوره مرررره قرفانه يالله تكلمني واقولها تعبانه وفيني طلوق وكتبت لي علاج وطلبت منها اجازه لاني معلمه الله وكيلكم مدري وش صار لها صارت تتكلم كلام كأني اتعالج ببلاش ماراح اعطي اجازات طيب ليه اذا انا تعبانه وانتي كاتبه لي علاج ليه ما اقتنعتي بتعبي ؟؟؟؟
وكلام كثير ما احب اتذكره
خلاص بعدها مارحت لها بس زعلانه عشان ملفي وحالتي من اول الحمل وانا عندها
اخواتي لا تغلطون غلطتي
والله لا يحللها ولا يبيحها كاني استحق وماعطتني
فتونا @ftona_1
عضوة جديدة
يلزم عليك تسجيل الدخول أولًا لكتابة تعليق.
-- أمووون --
•
الله يسهل علينا جميعا .... ويرزقنا اللي تخاف الله ...
يووووووه انا توهقت ورحتلها الى الان مره واحده وانا طمعانه بالاجازات لاني معلمه وخارج الرياض
الله يسهل اقدر احول ملفي الى دكتوره ثانيه
الله يسهل اقدر احول ملفي الى دكتوره ثانيه
فتونا
•
اشكر تشريفك الموضوع موضي ابشرك رحت الحبيب والله الفرق تعامل راقي وذوق والله الدكتوره راحت معي للاشعه عشان تطمن علي
الصفحة الأخيرة