Competion @competion

عضوة نشيطة

تجربتي مع دكتوره ناديه الزرقي في مستشفى الحبيب - التخصصي

السلام عليكم ورحمه الله ..

الحمدلله ولدت في رمضان في مستشفى الحبيب - التخصصي..

باقولكم تجربتي مع المستشفى لانه جديد ويوم كنت حامل كنت ابحث عنه ولا لقيت موضوع عنه سواء مدح او ذم..

ببدايه حملي كنت اراجع في دله ومواعديهم زحمه وانتظارهم ممل وطويل .. كتا ننتظر يفتح حبيب التخصصي عشان ابدأ اراجع عندهم ..

من اول مافتح رحت وفتحت عندهم ملف ..

خبرتني موظفه الاستقبال بالدكتورات اللي عندهم واخترت د. علا الطيب..

الدكتوره سعوديه وحبوبه تاخذ وتعطي معك بس ما قررت اني اولد عندها ..

لما دخلت الشهر الثامن..

بديت افكر بشكل جدي بالدكتوره اللي باولد عندها ..

بديت ابحث من جديد عن دكتوره كويسه بشهاده الجميع ..

اخذت اسماء الدكتورات اللي في الحبيب وابحثت عنهم في النت ..

كنت محتاره بين داليا النوري وناديه الزرقي وسناء ..

لما شاورت اختي قالت الدكتوره ناديه الزرقي شاطره وكثير يمدحونها وانها كانت في دله وطلعت من عندهم ..

استخرت وحجزت موعد عندها في اول التاسع..

كنت متحمسه مرررره للموعد، ودخلت بدون زوجي عشان اخذ راحتي في الكلام ..

دخلت عندهاوماشاء الله مرررره بشوشه وحبوبه ومحترمه ..

طبعا نفس الاجراءات في كل مراجعه ..

بعدها قلت لها انا جيت لك خصيصا وابغاك تكونين معي وقت الولاده.. قالت لي ولا يهمك ماراح يولدك غيري ..

قلت لها انا طفلي اللي قبل ولدته والحمدلله ما احتجت توسيع ولا خياطه ..

قالت لي هذا المفروض اللي يصير بس انتم تهمكم الخياطه ..

قلت لها انا ابغى خياطه تجميليه ومضبوطه لاني ماراح احمل الا بعد فتره ..

قالت لي ولا يهمك ولا تخافين كل شي بيصير تمام ..وطلعت على طول ..

طبعا في التاسع المراجعه اسبوعيه .. في المراجعات اللي بعدها لاحظت انها مستعجله وتبي تخلصك على طول لدرجه اني ما اكمل خمس دقائق عندها،،حتى كنت اتحسف بوقت الانتظار ، اجي قبل الموعد بعشر دقائق ولا ادخل الا بعد ساعه او ساعه الا ربع يمكن من كثر الزحمه اللي عندها..

المهم ..لما جا وقت الولاده ورحت المستشفى دخلت الطوارئ والمستشفى فاااااااااااضي ..

جت الدكتوره المناوبه وكانت هنديه او باكستانيه ومعها ممرضتين سوو لي تخطيط..

وطلعوني لغرفه الولاده ..

القابله اللي كانت عندي سعوديه تجنننننن، قمه في الاخلاق .. وحتى الممرضات ..

مرت فصول الولاده بسلام اواضرت الدكتوره توسع المكان لان النبض بدا يضعف ..

وبعد كذا المشيمه ما طلعت على طول والدكتوره سوت كل اللي تقدر عليه عشان ما احتاج تنظيف والحمدلله ما احتجت ..

الدكتوره كانت رائعه معي في الولاده ..

طلبت منهم يطلعوني الغرفه ورفضت تقول خليك عندهم 6 ساعات عشان يتاكدون ان مافيه نزيف ..

بعد الست ساعات ودوني للغرفه وطبعا الاقامه يومين..

في كل اليومين زارتني الدكتوره في الغرفه وكان معها دكتورتين ووصتهم يجون يشيكون علي قبل لا ينتهي دوامهم ..

بعد مارجعت من المستشفى ، كانت الخياطه متعبتني مرررررررررره ..

ما كنت اقدر امشي او اجلس كويس ..

والغريب ان الالم طول وماراح وخاصه اني مكمله اسبوع والده !!

في طفلي الاول كنت كل يوم احسن من الثاني والم الخياطه يخف بعكس هذي المره ..

مع اني استخدمت المضاد لحد ما انتهى..

وكنت استخدم الغسول والكريم اللي عطتني الدكتوره !!

في اليوم الثامن حسيت ان الخياطه مفتوحه ..

مررررره ضاق صدري ، مع اني ماكنت اتحرك كثير ولا عانيت من الامساك الحمدلله..

على طول كلمت المستشفى وحجزت موعد ومكان فسه الا بعد يومين..

في اليوم العاشر رحت للدكتوره وكان عندها زحممممممه مرررررررررره << مواعيد رمضان

دخلتني الممرضه اول وحده عندها .. لما كشفت قالت لي الخياطه كويسه ونظيفه الحمدلله ، استمري عالغسول والكريم !!

وراحت لمكتبها ..

قالت لي يالله استعجلي عندي زحمه ..

قلت لها احس ان فيه غرزه مفتوحه !! قالت ايه في وحده بس لاتخافين تلتئم من نفسها .،

قلت لها خيطيها احسن قالت لا ما يحتاج ماعندك التهاب والخياطه نظيفه بتلتئم بسرعه بس انتظري عليها..

المستشفى كان معطيني موعد مجاني بعد الولاده باسبوعين ، يعني بعد 5 ايام من هذي المراجعه ..

كل الفتره اللي راحت وانا ابحث في النت عن الغرز المفتوحه وانا مو مرتاحه ابد وضايق صدري مرررره من السالفه ..

في هذي الفتره كنت احس ان المكان متغير مررره واحس الخياطه مفتوحه ..

الموعد الثاني كان الساعه 2 الاربع ، والعياده كانت فاضييييه << رمضان والناس مداومه

وهالمره كنت ناويه ما اطلع من عندها الا اذا عادت الخياطه .

كشفت وقالت لي ماشاء الله الخياطه اللي داخل التئمت واللي برا بعد ..

قلت لها لا مستحيييل انا احس الخياطه مفتوحه مرررره ..

قالت لي الخياطه اللي جوا التئمت لكن اللي برا مفتوحه .. انتي جربي نفسك بعد الاربعين واذا ماعجبك الوصع تعالي اخيطك مرررره ثانيه !!!!

انصدمت صدمه عنيفه ،قلت لها كيف اجرب نفسي !! قالت اذا اشتكى زوجك تعالي اخيطك !!!!

قلت لها لا ابغاك تخيطيني الحين ، مستحيل اخليك تعيدينها بعد الاربعين .. سوي الخياطه الحين دام اني تعبانه ولا خفيت ..

قالت لي الخياطه الخارجيه مفتوحه المنطقه شكلها بشع مرررره ويبغالك خياطه تجميليه وتراها متعبه مرررررره !!!

حسبي الله عليها تبيني اجرب نفسي والخياطه مفتوحه والمنطقه شكلها بشع !!!!

قلت لها عادي باتحمل الوجع الحين ولا انحمله بعد الاربعين بس اخلص ..

قالت لي اممممم كان عندك التهاب خذي هذا المضاد و احجزي موعد السبت وخذيه الساعه وحده لان دوامي الاول من 12 الى 2 الظهر

كان يوم الثلاثاء ، طلعت من عندهاواخذت المضاد وحجزت موعد السبت ..

وطول الطريق وانا افكر بكلانها وما استوعبت انها تصرفني للمره الثانيه ..

ليش ما قالت لي انا الحين انتهى دوامي تعالي بكره عشان اخيطك وانا مرتاحه وما اكون مستعجله ..

ليش تماطل وتخليني اتاخر اكثر !!!

ليش تقول عندي التهاب !!!

طبعا كرهتهااااا وكرهت المستشفى بكبره وحلفت اني ما اروح لها ..

طول هذاك اليوم وانا اتحيسب عليها ..

كلمت مستوصف الشبلان وحجزت موعد عن دكتوره منى الريس ..

قلت باخليها تكشف وتقرر وش احتاج ..

لما كشفت قالت انتي والده بمستشفى حكومي !!!!

ليش ماخيطوك !!!!!

قلت لها انا والده بالحبيب .. استغربت وسالتني من دكتورتك ..

قلت ناديه الزرقي ..

استغربت وقالت الخياطه مفتوحه مرررره من برا وجوا لازم اعيدها لك باقرب فرصه ..

قلت لها اني رحت لها امس وقالت لي الخياطه كويسه ولما اشتكيت قالت جربي نفسك ويوم رفضت عطتني موعد السبت .

انصدمت الدكتوره وقالت الدكتوه شاطره و انا اشوف خياطتها كويسه مره .. اكيد انتي ما طلبتي خياطه وانتي تراجعين عندها .. قلت لها الا ومحرصه عليها ..
ومكتوب في ملفي ..

قالت لي خلاص ادفعي وانتظري شوي ..

عادت لي الدكتوره الخياطه وكانت تسب خياطتها وتقول للممرضات يبيلنا شغل .. وقالت لي تحمليني باعيد لك الخياطه من اول وجديد ..

وقالت لي يمكن د.ناديه غيرت سياستها عشان تستفيد من الخياطه التجميليه ..

طبعا الالم بعد ماراح البنج كان قوي مرررره اشد من الالم بعد الولاده ..

كتبت لكم تجربتي معها لاني ما ابغى احد يمر بالماساه اللي مريت فيها ابد ..

انا ما انكر جهدها وقت الولاده لكن استغرب واحذر منها بعد اللي شفته منها وقت مراجعات مابعد الولاده واستهتارها بالجرح والخياطه ..

122K

يلزم عليك تسجيل الدخول أولًا لكتابة تعليق.

تسجيل دخول

ام لمار ومشاري • 11 سنة

اهم شي سلامتك ومبروك ماجبتي

اعشق ارضك • 11 سنة

الحمدالله على سلامتك والله يعطيك العافيه على التنبيه وأكيد ياعمري الأهلي بـ ذات الحبـيب معروف وش يبون غير هـ الفلوس والعب والاستخفافٌ بـ عقولنا حسبي الله ونعم الوكيل .

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..

زينة الغيد • 11 سنة

الحمدالله ع السلامه
اصلآ الحبيب غاسله يدي منه من زمان
الله يعينك

~ * رفيف * ~ • 11 سنة

الحممد لله ع السلامة
تصدقين انا اراجع معهم عند دكتورة سناء قاسم اردنية مرة حبيتها
من بداية حملي معها بس اضطريت مرة يوم سافرت دخلت عند دكتورة نادية صراحة خفت منها عصبية وتنافخ ولا تعطي وجه ولا تاخذ وتعطي الله يذكرها بالخير كانت متهاوشة مع المراجعة اللي قبلي وحطت حرتها فيني 
طلعت منها وقلت بإذن الله ماأرجع لها ابد
افكر اكمل مع سناء الى الولادة الله ييسرلي اللي فيه الخير
والله خاااايفه 

Competion • 11 سنة