تجربتي مع رجيم التمر واللبن في كسر ثبات الوزن

السلام عليكم .. كيفكم يا حلوات
هذي أول مشاركة لي, رغم إني متابعة للمنتدى دائما وياما استفدت منه
قبل شهر ونص بالضبط يوم 18 مارس يأست من حياتي وسمنتي وقررت أعمل رجيم
قست وزني يومها وكان 110 كيلو :( وطبعا طولي 166

عملت رجيم وياضة خفيفة يوم إيوه وعشرة لا
بعدها في يوم 18 ابريل وزنت طلعت 104.7
للأمانة انبسطت كثير لأن رجيمي ما كان قاسي
بس خففت أكل وابتعدت تماما عن الرز والمكرونة والبيبسي
وصرت اعتمد اعتماد كامل ع الخضار والدجاج والخبز الاسمر والقوليات
وطبعا استمريت ع وضعي عادي جدًا بعدها بـ 10 أيام جاتني لقافة أوزن
طلعت الميزان لقيت وزني ما تغير أبدا بالعكس زاد 300 غرام صرت 105
جاني اكتئاب فظيييييع مو طبيعي لدرجة أكلت أكلت يومها لين حسيت بطني بتنفجر
في اليوم اللي بعده عقدت العزم وقررت أعمل رجيم التمر واللبن لكسر هالثبات لمدة أسبوع
أول يوم سويته تمام بس خربته بصحن شوربة كويكر
وبرضو ما استسلمت كملت اليوم الثاني والثالث بدون تخريب
في اليوم الرابع خربتها أكلت ساندويش فلافل وصحن سلطة ..
اليوم اللي هو اليوم الخامس طلعت الميزان لقيت وزني ولله الحمد صار 103.1
يعني تحرّك ومرررة انبسطت, بكمّل هالرجيم لين أطلع من وزن المية إن شاء الله
وإن شاء الله ما أحتاج أكثر من أسبوعين فيه
علمًا إني باليوم يا دوب آكل 15 حبة تمر و كاستين لبن أو حليب أو زبادي

ما أقدر آكل 21 حبة أبدًا

بعد ما أكسر وزن المية إن شاء الله بدور رجيم فيه كل شيء وبسعرات حرارية قليلة
وكل ما ثبت الوزن بكسره برجيم التمر واللبن إن شاء الله



حبيت أنقل لكم تجربتي
ودعواتكم لي إن الله يوفقني بزواجي ويقلل وزني قبل الزواج :(