تجربتي مع رجيم الخضار

السلام عليكم

اول شي خلوني اقولكم المعلومات
وزني 160
طولي 182

استعمل رجيم الخضار الي هو كل اناوع الخضار يعني سلطه وشربه خضار بالشوفان
وتركت كل النشويات والاكلات الدسمه والزيوت الا الزيت الزيتون
تبون الصدق طفشت اول الايام بس بعد اسبوع حسيت فرق الي هو نشاط ولا احس بالكسل زي اول
اقولك نظامي اليومي
الفطور بيضتين بزيت الزيتون تنقلي (تشبعني اكثر من المسلوق)ملعقه جبنه فيتا كاس حليب منزوع الدسم مع ملعقه صغيره سكر بني وكوب زبادي منزوع الدسم مع موزه او تفاحه او برتقاله او بدون الي يجوزلي
فايده الفطور هذا اغلبه بروتينات الي هي مهم في التمرينات عشان تحرق الدهون ما تحرق العضلات لانه الجسم اذا ما لقى بروتينات يروح يدور على اقرب مصدر للبروتين ويحصله في العضلات عشان كذا البروتينات مهمه

الغداء صحن سطله ( الكميه الي تبغاها انا اول الاسابيع اكل كثير بعدين خفيت مره) شربه خضار وفيها كرفس( الكرفس طعمه وهو ني مهب زين لازم تسلقه قبل ما تحطها صح يروح منه قيمته بس ولو مفيد في حرق الدهون) وانا احبها بالشوفان تشبع اكثر ( خلوها قريبه للجريش اشبع )
مع فاكه اذا تبي
فايده الغداء هذا انه فيه الياف كثير الالياف مفيده للجسم عشان البنكرياس يقلل من افرازالانسلين لانه الانسلين هو الي يجيب الشحم والمعده ما تهضم الخضروات على طول عشان كذا تحس بالشبع


العشاء عصير برتقال او صح سطله بالزبادي منزع الدسم او كاس حليب منزوع الدسم بدون سكر وحبه وحده اي نوع فاكه

كل يوم اسوي تمارين ساعه وحده بس
انواع التمارين هي المشي على السير لازم تزيد معدل ضربات قلبك عشان يتم حرق الدهون 25 دقيقه
الي ما عنده سير يمشي بسرعه بعد 10 دقايق يهرول 5 دقايق بعدين يرجع يمشي عادي 10 دقايق ( مهمه الحركه هذي)
بعدين 20 دقيقه سيكل
بعدين 15 دقيقه الدرج كيف تسويها ؟
تروح عند اقرب درجه بالبيت تصير قدامها تروح رافع رجلك اليمنا عليها بعدين اليسرا وتنزل اليمنا وبعدها اليسرا
اثناء التمرين لازم تشرب مويه مو كثير شوي يعني كوب


لازم تشرب كل يوم 10-15 كوب ماء لااااازم ليه ؟ عشان الماء مهم في عمليه الايض(حرق الدهون)

كل اسبوع مره وحده تاكل يا صدر دجاجه مشوي بدون جلد او نص سمكه مشوي او لحم شوي مشوي

اذا جعت بين الوجبات اشرب مويه او شاهي او قهوه بدون سكر او خيار او خس زي كذا
اذا اشتهيت شي اكل منه ملعقه صغيره بس مره وحده

الممنوعات هي كل شي فيه نشويات رز خبز نخاله ابيض وكل مشتقاتها

طيب الحين اقولكم كم نقصت

لي 6 شهور علي الرجيم هذا امشي في السابع
اول شهر نزلت 15 كيلوا
بعدي بداء يصير صعب ينزل ثاني شهر 5 كيلوا
ثالث شهر 5 كيلوا
رابع شهر 4كيلوا
خامس شهر 8 كيلوا
سادس شهر 3 كيلوا
يعني صار وزني 120.8كيلوا
واطمح يكون 80 كيلوا

ادعولي انه الله يثبتني على الرجيم هذا

واذا فيه اي سؤال او استفسار انا حاضر