رواية1995

رواية1995 @roay1995

عضوة جديدة

تجربتي مع رجيم الصيام العكسي

علاج السمنة والنحافة

السلام عليكم
حبيت اشارككم موضوع روعه بحد ذاته
الي ابي منكم شي واحد انكم تدعولي
انا قبل كان وزني99وتعبت وضاق خلقي كاي بنت متينه يعني جزمة مره ع روحي وقدرني الله ونحفت الي 86
طبعا وقفت رجيم يايزود كيلو او ينقص كيلو
ومشكلتي الاساسيه انا بالبطن و الفخوذ متن مو طبيعي قسم تعبت وانا اسوي رجيمات وانتو تعرفون هالسوالف
جزمة ع روحي مره ثانيه ونحفت الي 84 قسم استانست
انا امتن وحده بين خواتي طبعا وهن كلهن ضعاف
المهم سافرت وزاد وزني الي 86وانقهرت صراحه
كنت ادور عن حبوب تخسيس و سد الشهيه بس قلت ليش اجيب المضره لروحي
قمت ابحث وانا كنت مستسلمه وضايق خلقي ابعد شي
يعني ماعرف كيف اشرح لكم معاناتي
بحثت قبل فتره عن رجيم الصوم العكسي بنات فضيعي انصحكم تجربونه وعن تجربتي انا شخصيا
قسم بديت فيه يوم الاحد الي راح كان وزني 86ونص
وزنت اليوم طلع وزني 83ونص قسم اني تنحت ع الميزان موب مصدقه ان وزني كذا ( ماشاء الله لا انحت روحي😂)
قسم يابنات مافيه تعب وترا نحفت فيه وانا ماسويت رياضه لان كانت فترة الدوره علي وهم النظام موب لازم تتبعينه نفس الي بالمواقع انتي سوي لك نظام امشي فيه
فكرة النظام اكلي من الصباح الين الساعه 5 وخلاص قفلي اثمك ولاتاكلين شي كان تاكلي خفايف سلطه كذا
بس انا فترة العشا اسوي عصير طازج ييمدك بالفوايد كلها وماتسمرين ولاتحسين بالجوع والعصير مكون من
( اناناس كيوي فراوله كرز توت بري برتقال ) اخلطيهم جميع بدون مويا بعصارت الفواكه طعمهم خيال
ومشروبي الي دايمن اشربه ثلاث مرات مكون من
(كركم زنجبيل مطحون كمون) طعمه مقبول بس رائع مفعوله
وجبت الفطور توست ساده وكوب حليب طازج
فترت الغداء شريحة توست محمص ولبنه وكاس ماءاو حليب
او شريحت توست محمص وفول سوداني وعسل تطعيمه
العصر ثلاث تمرات فقط وقهوه عربيه
وعادي تدخلين اكل بس خففي انا ابتعدت عن الزيوت والسكريات وملاحظه الفرق خاصه بمنطقة الخصر
وبنات هالرجيم يقولون بالشهر ينحف من 10الي 15كيلو بالشهر وهو رجيم صحي وانتي تعرفين الاكل الي يناسبك وتفعلينه اهم شي ارادتك
قسم بنات كنت ماودي انزل الموضوع وكذا بس يوم شفت فايدتها قلت انقلها لكم تستفيدون
وانا مابي غير شي واحد
ادعولي انحف والله يحقق مبتغاي
ودعواتكم واسفه ع الاطاله
7
63K

يلزم عليك تسجيل الدخول أولًا لكتابة تعليق.

تسجيل دخول

قهوة وداع
قهوة وداع
عجبني نظامك مررة
بجربة باذن الله
يعطيك العافية
أثــيــر
أثــيــر
يعطيك العافية على الموضوع الجميل
الله ينحفنا من غير شر 💜
بنت نجد33
بنت نجد33
يعطيك العافيه
الله ينحفنا واياك من غير شر
chayma oran
chayma oran
شكرا عل. طرح تجربتك الله ينحفك من غير شر
ملكة غرفتي
ملكة غرفتي
فعلا روعه هالنظام انا اجربه كل فترة اذا حسيت بتعب في معدتي خصوصا من اكل الليل والسهر هههههه
تنامين خفيفه والغازات والانتفاخ لاحظته خف
اساساً الاكل بالليل هو سبب زيادة الوزن لان الايض يخف بالليل سبحان الله وشوفو الاجانب كيف اجسامهم اخر وجبة لهم الساعه 6