تجربتي مع ريجيم اتكنز ونصيحه من قلبي .............

سلام بنات

حبيت اذكر لكم تجربتي اللي تكلمت عنها سابقا مع ريجيم اتكنز

وانصحكم نصيحه حتى لا تعانون عقب منها لاني ماحد نبهني للمشكله هذي :(

المهم من حوالي سنتين سويت ريجيم اتكنز اللي يسمونه لو كارب او ريجيم دشتي اللي يشبهه تقريبا

ونزلت عليه خلال 3 شهور 22 كيلو كان وزني قبله 86 كيلو وبعده 64 كيلو

ياكثر مافرحت ايامها كنت البس مقاس 18 وبعد الريجيم لبست 12 تخيلوا الفرق

الجسم كان مانيكان خاصه اني طويله 170 بس الوجه اللي انا ايامها مااهتميت فيه ولا انتبهت له مع ان اي احد كان يشوفني يقولي وجهج تبهدل

النتيجه وجهي ذااااااااااااب خدودي راحت وصار شكل وجهي اكبر من عمري عشر سنين :(

الحين عقب سنتين طبعا رجعت اكل عادي وانا اكلي متوسط ومااكل حلويات الا بالمناسبات رجعت من وزني 10 كيلو تقريبا بس للاسف الوجه مارجع ابدا للحين ذابل :(

نصييييييييييييييييييحه لوجه الله اللي تسوي ريجيم والا ناويه تسوي لا تتمادى وتنزل اكثر عن اللازم وتنتبه لوجهها ولا تنزل وزنها بسرعه وايد وخاصه لو عمرها فوق الثلاثين

لان المرونه بالوجه تكون قليله والوجه مايرد ويشد بعد ماينزل

انتبهوا للسالفه هذي وادعولي

الحين ادور شي ينفخ وجهي ويرد خدودي وبصراحه ياليت يرد وجهي مثل قبل حتى لو متنت :(

المتن انزله بالرياضه ممكن وماينزل الوجه معاه بس ريجيم بهالقوه وبهالسرعه لا والف لا بعد اليووووووووووووووووووووووووووووووووم

وسلامتكم

حدوته قبل النوم :(