السلام عليكم خواتي ..
حبيت اعرض عليكم تجربتي في استخدام فاونديشن ريميل
وهذي صورته..
]
ياجماعة .. ما عجبنييييييييييييييييييييييييييي..
اول ما شفته في المحل قلت شكله ثقيل على البشرة .. ولما جربته على يدي شفته خفيييف مرة واندمج مع بشرتي .. انسحرت فيه .. وشريته (بس سامحوني ماتذكر السعر لاني كانت شارية اشيا ثانية معاه) .. وكنت متحمسة اجربه علي بشرتي في البيت...وياليتني ماجربت ...
اولا: التغطية خفييييفة مرة .. يمكن تناسب اللي بشرتهم صافية ..بس انا جربت فاونديشن خفيف من ماركات ثانية وكانت تغطيتهم احسن من هذا ..
ثانيا: ما استمر على بشرتي مدة طويلة .. يعني ساااااح .. يمكن بعدها بــ5 ساعات .. وجهي اندمر ...مع اني اشتغل يعني 8 ساعات قاعدة في مكتب مكيف .. يعني لاتقولون اني كانت في الشمس ..
ثالثا: لا توجد درجات ألوان كثيرة ..
رابعا: لا تناسب ذوي البشرة الجافة
بس ترا يمكن يناسب غيري .. بس انا قلت اقولكم عن تجربتي المريرة ...حرااااام كان خاطري اجرب شي جديد ويضبط معاي ...
بس انا اكتشفت شي .. اني طماعة ...تدرون ليش ..
لان عندي فاونديشن مرتاحة منه وايد ..
بس مادري ليش الطمع احب اجرب اشيا جديدة .. ودايما يخيب ظني ...
واذا عندكم فظول تعرفون الفاونديشن الي ناسبني ..
فهو فاونديشن استي لودر (دبل وير) ..
يغطي عيوب وجهي كلها .. ويستمر لمدة طويلة دون لمعان او سيحان ..قوامه يجنن ..
بس يمكن كنت ادور فاونديشن يعطيني المزيد من التألق والاضائة ..
شكلي بجرب طريقة وحدة من العضوات (انشالله تسامحني نسيت اسمها) اللي قالت للاضائة يمكن خلط الفاونديشن مع اي كريم اضائة .. وناوية استخدم كريم كلارنس اسمه ( بيوتي فلاش بالم)
واللي عندها شور ثاني ممكن يفيدني ياليت تخبرني <<<<< شفتو اني طماعة :)
حاليا انا في الشغل ومكتئبة حدي من فاونديشن ريميل..وكل مابنت تدخل علي تسلم الف ويهي مابيها تشوف المصيبة اللي صابتني اليوم ... فشلللللللللللللللللللللة ..
]
وشكراً على نشر تجربتك ..ياليت كل البنات ينشرون لنا تجاربهم ..
أخيراً حابة أقول لك شي .. البشرة الجافة صعبة .. أشوف أختي بشرتها جافة وتتعب كثير المسكينة ماتلقى شي يناسبها ..
و بالتوفيق ..