تجربتي مع زيت الزيتون .... لايفوووووووووووتكمـ

العناية بالبشرة

بسم الله الرحمن الرحيم
السلام عليكم ورحمة الله وبركاته
حيا الله بنات عالم حواء ... اخبار وعلوم << اخلصي عليهم يابنت
على فكره انا هذي او مشاركه لي بالمنتدى بكبره مو بس بالقسم
وحبيت اقول لكم تجربتي الرائعه مع صاحب السمو زيت زيتون وصاحبة السمو ليمونه وماننسى الملح الخادم الرمسي للموضوع
المهيمـ مالكم بالطويله .. انا الله يسلمكم كنت متعقده من جسمي كله آثآر حبوب وخاصه بصدري وظهري غير ان بشرتي جآآآآآآآآآفه ..
ومره كنت اسولف مع امي هي ما شاء الله تبارك الله بشرتها صافيه ودهنيه
فقلت يابنت ليه ماتجربني ترطبين بشرتك بأستمرار يمكن تزين
قررت استخدم زيت الزيتون ويمكن تسألون ليه هو بذات ليه مو فازلين او غيره ؟
السبب :
الاول :
أقسم الله تعالى في قرآنه العظيم بالزيتون فقال : ( والتين والزيتون . وطور سينين )
الثاني :
أوصى رسول الله صلى الله عليه وسلم باستعمال زيت الزيتون فقال : " كلوا الزيت وادهنوا به فإنه من شجرة مباركة "
غير فوائده اللي لاتعد ولا تحصى .. وهذا من فضل الله علينا
المهم اليكم الطريقه :
لازم تتبعينها بكل خطواتها لو بغيتي نتيجه مضمونه بأذن الله
اول شيء اختي الحبيبه بعد كل ترويشه سواء كنتي من النوع اللي يتروش (يتسبح) يومياً او ثلاث مرات بالأسبوع
كل ماطلعتي من الحمام وتروشتي (تسبحتي) وخلصتي
حطي عندك بالغرفه علبة زيت زيتون ودهني فيه كل جسمك لاتخلي مكان بجسمك الا تدهنينه وانتي تحطي حاول تفركي زين على شان تتشرب البشره الزيت وبعدين البسي ملابسك
بصراحه انا كنت اسكر علي باب الغرفه والبس لبس خفيف لمدة نص ساعه على شان مايمسك الزيت بالملابس ومايستفيد منه الجسم وبعدين البس لبسي العادي
المهم هذي المرحله الاول وانتهينا منها ..
المرحله الثانيه :
اذا بتتروشين مره ثانيه اذا دخلتي الحمام خذي لك ليمونتين او على حسب اللي يكفي جسمك واقسميها انصاف وحطي عليها ملح خشن او ناعم لو ماعندك مو مشكله
وافركي فيها كااااااااااااااااامل جسمك قبل الترويشه
وبعدين تروشي عادي نفس كل يوم
واول ماتطلعين من الحمام ارجعي حطي زيت زيتون بكاااااااامل جسمك ............. وهكذا
انا لي شهر والنتائج الحمد لله مرضيه جدآآآآآآآآآآآآآآآآآآ
الاثار اختفت بنسبة 70% ولله الحمد (ماشاء الله )
وبشرتي كثير زانت عن اول والله صرت واثقه من نفسي لما اشوف جسمي بالمرايه ( ما شاء الله )
بس المهم ((((( لاتحطي طبقات من زيت الزيتون فوق بعض بدون ماتفركيها باليمون لان الاوساخ راح تتراكم فوق بعض وبعدين ما تطلعين بنتيجه بالعكس ممكن تطلعين اخس من اول انتبهو يا بنات )))))

اي سؤال انا تحت امركم ..

ما ابي منك الا دعوه ان ربي يرزقني بالزوج الصالح والذريه الصالحه :)
على فكره ليست منقووووووووووله هي من تجربت اختكم ( بين ثلج ونآر)

(((( معلومه مهمه ))))
اذا فركتي باليمون افركي برفق على شان ما تأذي البشره :)
167
359K

يلزم عليك تسجيل الدخول أولًا لكتابة تعليق.

تسجيل دخول

أميرة المريخ
أميرة المريخ
يسلموووووووووووووووا حتى النخاع
مـنـى علي
مـنـى علي
فوز حياتي
فوز حياتي
مشكوره يالغلا
مجنونة علي
مجنونة علي
الله يرزقك الزوج الصاالح اللي يسعدك وبالذرية الصالحة
أمواج ذهبية
أمواج ذهبية
مشكورة على ذكر تجربتك وشجرة الزيتون شجرة مباركة وماتخفى فوائد زيتها