سلاام بنات حبيت اقولكم تجربتي لزيت الزيتون لتطويل الرموش و الي صار لي بسببه
قبل سنتين كنت ابغى اطول رموشي .. أنا الحمد لله رموشي كثيفه وطويله شوي بس كنت طماعه وابغاهم يوصلو لين حواجبي بدون ماسكارا
المهم بحثت في النت وشفت ان زيت الزيتون يمدحوه وكذا
صرت اخذ فرشاه الماسكارا القديمه حقي واعقمها وبعدها احطها في الزيت و امشط رموشي بها
ظليت اسوي كذا اربعه شهور تقريبا .. رموشي طولت وصارت كثيفه لكن لما كنت امشط رموشي كانت عيوني تحرقني
تصير الرؤيه ضبابيه لما احطه ..بس قلت عادي لازم بيصير كذا
المهم بعد فترة عيني انتفخت بشكل مو طبيعي صارت حمراء وتعورر .. رحت للدكتور وقال انه كيس دهني نتبجه تجمع الدهون في الجفن ... وعطاني مرهم
والحمد لله بعد فترة راح .. قبل لا اكتب تجربتي بحثت في النت عن اضرار الزيت للعيون .. وماتوقعت ان في بنات كثير نفسي بعضهم زيت خروع وبعضهم زيت ورد
وبعضهم زيت لوز .. وبعض الحالات كانت تتطلب جراحه عشان تروح الاكياس الدهنيه
نصيحه بنات لا تحطو أي نوع من الزيوت على عيونك أبد عيونك غاليه وماتتعوض
أتمنى تجربتي افادتكم ❤️
يلزم عليك تسجيل الدخول أولًا لكتابة تعليق.
الصفحة الأخيرة
لان الرموش لها حد معين اذا طولتيها فوق الحد المعين يخلص عمرها وتتساقط هذا الي سمعته