بقولكم اليوم تجربتي مع زيت النمل .. بما ان بنات وايد مو عارفين عنه او موعارفين اذا كان صج يقلل من نمو الشعر او لأ
بالبدايه قبل لا اشتريه ( تقريبا اول السنه اللي طافت ) كنت متردده لان في بنات كانو يقولون خربوطه و مايسوي شي و من هالكلام
انا قلت في نفسي شنو خسرانه خل اجربه بما اني احف ويهي بالشمع اساسا .. ( جسمي اشيله بموس )
المهم انا و وحده من عماتي جربناه و صج صج صج النتيجه كلش ماتوقعتها
الشعر بدا يخف تدريجيا يعني انا قبل كان يطلعلي الشعر كل اسبوع او اسبوعين تخيلو !
الحين كل شهرين يالله يطلع و صغيييييييييييييييييير كلش حتى اللي تحفلي تتحلطم تقولي صغير ماما ..
شقت ويهي بالخيط واهي تحاول تشيله .. ( هذا بعد شهرين يعني لو رايحتلها بشهر ؟ )
وحتى حواجبي خفو بس مو بشكل ملاحظ يعني بس اهون من قبل بوايد
بالبدايه انا استخدمته اول 3 ايام و 3 مرات باليوم بعد ما احف .. بس الحين استخدمه مره وحده و على طول بعد ما احف
وهم نفس النتيجه يعني احس ماله داعي 3 ايام كلش ..
الفرق اللي حسيته ان المده اللي انطر فيها عشان احف اتزيد شوي شوي يعني اول مره جم يوم .. ثاني مره أخرت اسبوع .. اسبوعين .. 3 .. شهر.. شهر وشي جذي ..
صج صج صج روعه يعني انا وعمتي استغربنه ليش مافي بنات وايد يستخدمونه ! تخيلو حتى مكان الزلف عندنا فيه كان وايد شعر الحين مااايطلع الا شوي !
وطبعا لاتقولولي ليزر ما ليزر صراحه هالزيت كفى ووفى يعني ريحني و سعره تقريبا 3 دنانير اذا ماخاب ظني ( من زمان شاريته فنسيت لوول )
والحين قربت العلبه تخلص يعني تقدرون اتقولون تمت العلبه سنه الا شوي
والليزر سعره خيالي فنصيحه جربو زيت النمل منتو خسرانين شي
وعلى فكره اهو مو زيت النمل النمل اهو زيت بيض النمل يعني بيض النمل عباره عن مركب اهو اللي يحولونه زيت
و مو بس يخفف الشعر .. يشد الوي و يخليه ينور من اول استعمال ( واللي مستعمل الزيت اعتقد بأيدني في هالشغله )
و اعتقد ان البنات اللي ما ضبط معاهم هالزيت ماستعملوه عدل او ما استعملوه اكثر من مره بعد الحف
وهذي صوره العلبه
و****لله اكون افدتكم
منقوووووووووول
ادعولي بالحمل المبارك وزوال الهم
اخيرا لقينا شي يفكنا من هالشعر