تجربتي مع زيت جنين القمح

السلام عليكم ورحمة الله وبركاته

اخواتي انا سمعت وقريت كلام كتير عن زيت جنين القمح وإنه يفيد في علاج التشققات ...
المهم أختكم في الله ماصدقت خبر ورحت جري وأشتري أربع علب زيت جنين القمح من وادي النحل ، وأصبحت أدهن كل يوم مره قبل ما أنام ولمن أصحى أتحمم وأحياناً لمن ارجع من الدوام ادهن (بس ترا مو دايماً) المهم مااطول عليكم اللي حصل معاياإني لاحظت التشققات اللي في صدري سار لونها أحمر وسارت واضحه وهي أول لونها أبيض وباينه على خفيف ... أنا خفت ووقفت الزيت وراح اللون الاحمر ورجعت بيضاء تاني !!!!
السؤال اللذي يطرح نفسه طرحاً مبرحاً جاء على بالي أمس وأنا قاعده أفكر ؟؟؟ طيب ليش سار لونها أحمر ؟؟؟ ايش كان ممكن يحصل أسوأ من وجود التشققات نفسها ؟؟؟ وبعدين جات على بالي فكره ولو طلعت صحيحه رح أزعل من نفسي على غبائي !!!
كتير بنات يقولو التشققات لمن يكون لونها احمر تروح بسرعه وماتطول في العلاج ... هل معنى هذا إن التشققات اللي عندي ونتيجه لإستخدام الزيت لونها سار أحمر تمهيداً لإنها تختفي ؟؟؟ يعني لو كنت كملت كانت راحت ؟؟؟ على فكره بس اللي في صدري سار لونها أحمر ولا اللي في جوانبي وفخوذي قاعده بيضاء تلق لق زي ماهي ماعليها شر كخخخخخخخخخخخخخخخخخ

رجاء بنات أحد يفيدني ... طيب ارجع استخدمه تاني ولا لأ؟؟؟ على فكره لسه عندي علبتين زي ماهم مافكيتهم حرام تنكب ؟؟؟ أتوقع لو استخدمتها تاني رح ترجع حمراء وإن شاء الله تختفي ؟؟؟
أحد يشجعني تراني متحمسه بلييييييييييييييييييييييييز عن الكسفات يابنات حواء