اللهم صل و سلم على نبينا محمد و اله و صحبه اجمعين..
اخذت الابره التفجيريه في الوقت اللي حدده لي الدكتور و موعد عملية السحب بعدها ب 36 ساعه.. طبعا عملية سحب البويضات (8200ريال) ويعطونك قبلها ورقة ارشادات راح اصورها لكم .. وبما ان العمليه تخدير كامل 1- لازم تكونين صايمه 8 ساعات ( انا طبعا سويت كبسه يممي عاملته معاملة سحور قبل اصوم هههه خفت اجوع ام بطين 😂🫣 ) 2- والجماع تكون ممتنعين 3 ايام اذا تحليل زوجك سليم ——- 3-ماتستخدمين اي دش مهبلي او غسولات مهبليه (( انا للامانه مااستخدمها ولا احبها احس ضررها اكثر من نفعها هي ومناديل مسك الطهاره ومدري ايش )) 4- انتبهو انتبهو انتبهو من العطور يابنااااااات لانها تأثر على جودة البويضات وقت السحب (( وحده اعرفها تقوللي وهي مبسوطه ب نفسها انها قبل عملية السحب تروشت و بخرت شعرها تقول كل الممرضات يسالوني وش بخوري !!!! الصدمه انهم بعد ماسحبو منها بويضات دقو عليها قالو ماتت كا تلقحت بدون اسباب و قلتلها صدقيني بخورك السبب )) لاززم نفهم انه اجراء دقيق ومكلف ليش نضيع تعبنا ب شي تافه !!!! …. المهم ياحبيباتي تروشت و صليت الفجر و جلست ادعي واستغفر شوي و بعدها قمت اقول ل زوجي ضحكني 🙁 قال وشو ؟؟ قلت قول لي اي شي يضحكني ابي نفسيتي حلوه هههههههههههه .. بنات اعيد و اكرر للمره المليون نفسيتك اهم شي من كل شي في هذي التجربه كلها .. مع اني انسانه دمي حار و اشيل هم واعصب بسرعه😛بس قلت لا هالفتره انا لازم اتدلع و لازم اعبر عن مشاعري بكل شي ولازم قد ما اقدر اخلي زوجي يشاركني هالشي حتى لو ماكان عندهم المعرفه بهالامور مثلنا بس لاتسوين نفسك المرأه الحديديه وكل وحده تمر ب تجربتي وتقرا موضوعي بالله عليك اهتمي ب نفسيتك قبل كل شي .. المهم انا طبعا قبل عملية السحب كنت احس ب ثقل ب جهة المبيضين يمين و يسار .. و كانت تجيني نغزات وهذا الطبيعي بالتبويض بس كنت احس بانتفاخ و لو اشرب نقطة ماء الله يعزكم رحت للحمام يعني الاعراض الطبيعيه كنت احسها بس بزيااااده .. المهم رحنا للمستشفى طبعا لازم قبل موعد العمليه بساعه او ساعتين .. دفعنا حق عملية السحب و عطتنا الممرضه علبة عينة السائل المنوي و كانت فيه غرف مخصصه في الحبيب ماشاءالله كانها فندق 😅 بعدها سلّمنا العينه وانتظرنا ينادوني (( لان لازم يفحصون عينة الزوج اول لو ما تنفع ما يخلونك تسوين العمليه اساسا عشان كذا لازم الزوج من اول يسوي تحليل وتتطمنون على كل شي )) نادوني وكان شعوري كأنه مديرة مدرستي وانا ب اول ابتدائي تناديني ههههههه كنت متوتره وادعي انو ياررررب عندي بويضات كويسه لاني قلتلكم كنت خايفه ان التكيسات يصير لها تاثير او شي .. دخلت و عطوني اللبس و حطو ب يدي الاسواره وكل مريضه لها غرفه و دورة مياه ودخلت دوره المياه الله يعزكم وحطيت اغراضي بالدرج و علقت لي الممرضه المغذي وشوي خذوني لغرفة العمليات طبعا امشي على رجولي عادي بس علي الشرشف واتذكر ان كل الاذكار اللي حافظتها قلتها هههههه والسرير كان نفس سرير الولاده و الله يجزاهم خير الممرضات حريصين على ستر كل شي من جسمك وجا دكتور محمد مع دكتور التخدير و هنا الى اللقااااااء هههههه ماحسيت ب نفسي الحمدلله المخدر على طول بالابره اللي بالوريد .. طبعا الاجراء نفسه ماياخذ ربع ساعه بس تقريبا جلست حول 45 دقيقه عشان التخدير .. بعد اقل من ساعه حسيت بنفسي و صحيت بنفس الغرفه اللي كنت فيها قبل العمليه اللي هي غرفة الافاقه .. كنت احس ب الم زي الم الدوره وقالت الممرضه طبيعي بعد العمليه .. مع اني لازلت احس بالمخدر ب جسمي بس الالم كان نغزات و قلت عادي اكيد طبيعي فيه الم اول يوم ،،على طول قمت اسال كم سحبتو بويضات؟؟؟ وهنا كانت الصدمه والمفاجاه بنفس الوقت واللهم لك الحمد على كل حال عدد كبير فوق الطبيعي ..طبعا يا بنات زيادة عدد البويضات فوق الطبيعي يعتبر فرط تنشيط وما يهم عدد البويضات قد ما يهم جودة البويضات و ما اخفيكم خفت و شلت هم وخليت الممرضه تنادي الدكتور و قلت له حالتي كيف ؟؟ قال الحمدلله مافيه شي يخوف و طبعا زي اي دكتور ماراح يقوللك شي سلبي لان حتى هو ما يدري راح تتلقح او لا الباقي راح يكون في المختبر ف انا مضطره اني انتظر واعرف جودتهم .. بناااااات ااااااه كان اقوى الم احس فيه ب حياتي كله اللي هو بعد عملية سحب البويضات بسبب فرط التنشيط اللي صار وعدد البويضات صار فوق الطبيعي ف كان الالم ما ينوصف لان المبايض عندي وصل حجمها تقريبا 9ونص الى 10 سنتي ويوم سحبو كل البويضات صارت تقلصات عشان تتشافى و هي فاضيه من جوا فهمتو اللي اقصده !! والله بسم الله عليكم و جعل محد يذوق الالم اللي ذقته كأن احد مستأصل اعضاء فيني .. كان الالم غير محتمل و اكلم الدكتور يقول خذي بنادول حبتين كل 8 ساعات قلت ما نفع قال مغذي باراسيتامول او ابره فولتارين .. والله يابنات كنت اخذهم ب مستوصف ومايمديني ارجع البيت الا الالم راجع .. كان زوجي يشوفني اجلس و امشي و اركع وانسدح و اتكي عالجدار ابي اي وضعيه تريحني مافيه مااافيه كنت اقول ل زوجي هذا اقوى الم مر بحياتي و فعلا انا جربت ألم الكسر من قبل لكن ماكان شي مقارنه ب الالم اللي جاني .. بنات تدرون ليش اوصف لكم الالم ؟؟ لانه واقع يصير ل اي وحده ماتتابع مع الدكتور وقت التبويض .. مع اني تابعت وما فوت ولا موعد لكن المفروض اي وحده فيها تكيس مبايض طول وقت التنشيط بالكثير كل يومين تسوي اشعه والله نصيحه من اخت خليك انتي احرص على نفسك حتى من الدكتور .. لاتستهينون بهالشي كل يوم مع المنشط تكبر وتكثر البويضات لكن مع المتابعه تصير الدكتوره او الدكتور يشوفون الانسب و يقللون من الجرعه اذا كان تنشيطك واستجابتك سريعه .. الطبيعي ان اول يوم سحب يكون زي مغص الدوره ومن ثاني يوم خلاص يخف لكن انا استمر ثاني و ثالث و رابع ايام السحب .. طبعا بقوللكم ان من الاشيا اللي هونت علي الالم من ثاني يوم السحب دقو المستشفى ويعلموني بعدد البويضات اللي تلقحت و قلت الحمدلله على كل حال يارب يطرح فيها البركه وتستمر تنقسم الى يوم ارجاع الاحنه اللي هو اليوم الخامس..
نرجع للالم اللي احس فيه صح ان رابع ايام السحب خف لكن صرت الحين خايفه من ان التقلصات تأثر على ثبوت الاجنه ف رحت للدكتور ( قروشته الله يصبره علي ههههه ) قال وش جابك يابنتي و قلتله دكتور لازال المغص فيني وابي اسوي اشعه اتطمن و فعلا تطمنت ان المبايض بحالة استشفاء لانه صغر حجمها شوي وقلت للدكتور بالحرف الواحد :: اذا كان المغص والتقلصات راح يأثر على الاجنه انا راح أأجل عملية الارجاع و اجمد الاجنه..قال ماراح يضر ان شاءالله وتوكلي على الله وتعالي بكره عملية الارجاع اللي هو خامس يوم من السحب .. خذيت ب نصيحة الدكتور وتوكلت على الله .. طبعا ياحبيباتي من قبل الارجاع بيومين صرف لي جل كرينون المهبلي اللي هو هرمون البروجسترون و يعتبر مثبت ويحافظ على جدار الرحم وسماكته وتستمرين عليه 21 يوم( راح احط لكم صورته) و صرف لي 3 انبولات قال جيبي وحده معك يوم الارجاع وخلي الثنتين بالثلاجه ..رحت من بكره لموعد عملية الارجاع وقالولي كم بقى وكم عدد الاجنه من الدرجه الاولى و الثانيه و الثالثه ودفعت حق الارجاع (1575ريال) و سعر تجميد الباقي ( 1575ريال) .. طبعا قبل الاجراء تكون المثانه نص مليانه يعني تكونين شاربه كوبين او علبة ماء قبل الاجراء ب ساعه او نص ساعه وتمشين عشان الماء ينزل للمثانه .. دخلت غرفة العمليات و جت ممرضه من المختبر توقعني على ورقة ارجاع 2 من الاجنه و تجميد الباقي وقلتلها بنتظر الدكتور .. جا الدكتور وسألته ليش ماتشوي ارجاع ل 3 وكان ف بالي عشان لاسمح الله لو نزل واحد يبقى لي توأم واقنعني ب اجابته و قال : مستحيل ارجع لك 3 راح تكونين عرضه للنزيف و الاجهاض و ممكن تحملين ب 3 ووقتها تصيرين تبين تسوي اختزال ل واحد و عرضه للولاده المبكره وووووو فطبعا ايّدت كلام الدكتور لانه اعرف مني ولانه بكل حال ماراح يرجع الا اثنين وخير وبركه الحمدلله .. الاجراء بدون تخدير ولاتخافون مافيه الم .. تحسين ب شعور يضايق حق حديدة المهبل صح بس خذي نفسسس وحاولي تسترخين وبعدها يدخل الدكتور قسطره صغييييره للرحم و وتشوفين انتي وياه الشاشه .. طبعا كان الشعور الحلوووو وقتها واللي خلى دمعتي تنزل من الفرح يوم قال شوفي الشاشه وقولي بسم الله .. قلت بسم الله و شفت نقطتين بالاشعه مشت من القسطره ل داخل رحمي 😭😭😭😭 ااااه يابنات تكفووون ادعولي ربي يثبت اجنتي و يتمم فرحتي ياررررررررب .. طبعا ماكملنا ربع ساعه او عشر دقايق وقال الدكتور بعد اسبوعين التحليل .. قلت للمرضه ابي صوره الاشعه و ضحكت و قالت طيب ( لان فعلا مافيه الا نقطتين مو مبين شي بس انها تعني لي الكثيرررررر واكيد انتم حاسين فيني ) جابو سرير ثاني و سحبت نفسي بشويش ورجعتني لغرفتي ونقلت نفسي بشويش على السرير ورفعت السرير من عند رجولي ونزلته من عند راسي لمدة تقريبا 20-25 دقيقه .. وخذت مني الانبوله اللي جبتها معي من البيت و عطتني اياها بيدي مثبت طبعا وقالت الابره الثانيه بعد ثلاث ايام والثالثه بعدها ب ثلاث ايام .. وصرف لي الدكتور دوفاستون كل 12 ساعه حبتين لمدة 21 يوم وبعدها نشوف استمر عليه او لا و اسبرين .. ونسيت اقوللكم قبل الارجاع صرف لي حبوب اسمها بروجينوفا(71ريال) لمدة 21 يوم بصورلكم اياها .. طبعا لبست و طلبت من الممرضه تجيب لي كرسي وكانت حركتي ب هداوه وبشويش وحتى بالسياره كانت السرعه ماتتعدى 40 الين وصلت البيت .. حتى شنطة يدي ما اشيلها وامشي ب شويش ..للامانه انا ضد اني ابقى منسدحه كل الوقت والناس يختلفون عن بعض بس بنفس الوقت ماكنت اجهد نفسي يعني كان جدولي : انسدح - اجلس اغلب الوقت - ما اطلع الدرج - ما اشيل شي - امشي كل ساعه بالصاله عادي - اشرب مويه كثيرررررر - اكلي اكل بيت - مااشرب غازيات مع اني كنت اعشقها وكافئت نفسي بعلبه بس قبل كم يوم مع الاكل 🥹😅- احب القهوه العربيه مررره ف صرت اشرب 3 فناجيل فقط لان لازم الكافيين ماتتعدين 200 مل واحسن اصلا انك تقطعينه بس انا انقل لكم تجربتي - طبعا جهزت لي مسلسلات اتابعها وكنت مشتريه لي كراسة تلوين اللي تجيك فيها رسومات وتلونينها من جرير هههههههه كنت ابي اشغل وقتي عشان ما اطفش - طبعا ماطلعت من البيت وامتنعت عن السواقه وماركبت سياره مع احد اصلا عشان الشوارع اصلا ماشاءالله بكل شارع عشرين مطب وخمسين حفره - عندي عصفور حب و قالولي كثير بعديه عنك يأثر مع اني انذكر بس القطاوه اللي تأثر عالحامل بس حرصا مني صرت مخليته بالقفص وبزاوية الصاله و صار بينا سلام حواجب ههههه واللي عندها معلومه عن هالشي تفيدني - من ناحية الممنوعات في الاكل كانت اجتهاد شخصي وبحاول اكتب موضوع عنها - كل ملابسي مريحه ومافيه شي يشد من منطقة البطن - الصلاة اول يوم من الارجاع بس صليت وانا جالسه والباقي صليت طبيعي بس بشويش - ممتنعه عن الجماع لين اشوف التحليل ونصايح الدكتور بعدها- اليوم صارلي 10 ايام من الارجاع و باقي 4 ايام و احلل دعووووواتكم يابنات ان ربي يفرحني بالتوأم السليم التام المعافى يارب العالمين انا وكل من تتمنى الاطفال .. دعواتكم حتى ياللي تقرون من برا المنتدى والله يجعل ما كتبته ب موازين حسناتي و منفعه ل غيري لاني حاسه ومجربه و بحثت كثير و استفدت كثير من تجاري غيري الله يجزاهم الجنه .. نصيحه اخيره لوجه الله يابنات لاتعلمون احد واقضو حوائجكم بالكتمان خلي ربي يبارك لك ويتم حملك عالاقل شهر وبعدين بشريهم عسى ربي يفرحنا بالبشاره كلنا ياررررررب وكلن وما يتمنى
يارب اني كفيت ووفيت و اي سؤال ابشرووو—-
وياليت اللي جربو السحب يفيدوننا بتجاربهم تحت الموضوع
