تجربتي مع شاهي بايوجي باربعه ايام

صباح الخير بنات
وربي اكتبلكم وانا ابكي ابي انام عجزت ارق مو طبيعي وراسي كانه مليان مويه تركيز مافيه ابد طول الوقت فيني نوم ومو قادره انام كله بسبت شاي بايوجي انصحكم يابنات مافيه احسن من الطبيعي
بس بنات هو فعلا سحري من جد والله اربع ايام وحسيت بطني لاصق في ظهري روعه روعه وسد نفسي مره ماعاد اكل بس اثاره الجانبيه لاتحتمل صرت حتى مااقدر اقوم للصلاة وربي يابنات مرهمره ضايق صدري وفيني اكتئاب مو طبيعي
اول ماشربته قلت يمكن اول يومين كذا وبعدين اخف لكن كل يوم يزيد الارق اكثر وقررت اتركه بصراحه الزم ماعلي راحتي وانا وزني مو مره كبير 67 بس وكل سمنتي في الارداف نفسي انزل خمسه كيلو بس لكن انا الاراده عندي ميح عادي امشي ماعندي مشكله انا ماشاءالله من النوع الي احب الحركه ولا كان من اكلي صرت كبر الباب بس كيف اخلي شهيتي تنسد من دون شاي ولا خرابيط والله يابنات يازين العافيه الوحده تجيب المرض لنفسها حتى عيالي ماعاد قدرت اذاكرلهم ولا شي مره مافيه تركيز كاني مخدره الله يارب ينحفني من غير شر ولا يحوجني لهخرابيط
بس بنات حبيت اشكر الاخت الي عطتني الشاي لانه ماقصرت صراحه وصلته لي للمكان الي ابيه وعطتني بعد كرتونه مستعمله مجانا الله يجزاها الف خير لكن من جد مااقدر اكمله
وبنات بسالكم انا عندي الشاهي الي يجي مبروم واذا حطيته بالمويه تنفتح ورقته هل هاذا زين وينحف ولا كيف وجزاكم الله الف خير وادعولي يابنات لو انوم ساعتين على الاقل براحه