حبيت اقولكم عن تجربتي عشان تستفيدون
اولا انا اموووووووت بالشعر الطويل ودايم ادور على شي يطول شعري
المهم وانا ادور لقيت الموضوع هذا ..طبعا بعد تجارب بائت بالفشل >>خخخ متعوب عليها
http://forum.hawaaworld.com/showthread.php?t=1542368
وكلامها دخل مزاجي وبقوووووووووة
المهم واروح العطار وابتدي باغراض الزيت واشريهن جيت لاغراض الحناء وااااوك غاليه وانا اساسا صرفت فلوسي على الزيوت ..
قلت الحناء لحالها زينه للشعر وبتكفي ان شاء الله
واطبق كل النصايح والكلام اللي قالته
الاستشوار خليته وقصيت اطراف شعري
بديت استعمل الزيوت قبل بس ريحتهم قوووووووية وخليتهن عشاني ادرس
جت العطلة ورجعت للزيوت واستعملتهم واستمريت عليهم والله العظيم ويشهد علي ربي شعري ماشاء الله لا اله الا الله اذكروا الله ياحبيلكم طول بشهر ونص تقريبا 3 سم او 2 ونص غير اللمعه والنعومه والكثافة
وطريقتي:
-اليوم استعمل الزيوت واخليها ساعتين >>قبل كنت اخليها اكثر بس ريحتهن قووويه انااشم ريحة دابر املا واخواني اذا كنت حاطته اذا دخلوا البيت قالوا ريحة البيت حلب خخخخخ ومااسلم من تعليقاتهم اذا عرفوا انه مني:icon28: بس اللي يبي الزين
الزيوت اخذ منهن اللي يكفين واحطه بحمام مائي عشان يصير دافي واحط اصابعي بالزيت واسوي مساج للفروة لمدة خمس دقايق او اقل اهم شي اسوي مساج لفروة الراس كلها ويابنات لاتستهينون بهالنقطة<<تتفتح المسام ويستفيد شعرك من الزيت اكثر وتحركين الدوره الدمويه
بعدها ازيت اطراف شعري
(ايه ولاتسالوني عن اسعار الزيوت لاني زمان شريتهم من بداية هالسنه يمكن ونسيت )
واغسله بشامبو جونسون او الشعلان الاصلي..و اغلب شي اغسله مرتين عشان الزيت ثقيييييل
وهذي صورة الزيوت:
-اليوم اللي بعده احط الحناء>>الحناء اللي عندي خالطة معه محلب مطحون >محلب موب حلب
ملعقتين حناء +ملعقتين سدر واعجنهم بماء
المقادير على حسب كثافة شعرك وطوله بس خلي مقدار الحناء مساوي لمقدار السدر
اخليه يتخمر>> مثلا اسويه الليل واحطه الصبح او الظهر
صورة حناي بعد ماتخمر
احطهم بشعري واذا نشف الحناء غسلته بالبلسم بنات جربوا تغسلون الحناء بالبلسم وشوفوا شلون يطلع الحناء من شعرك بس لايجي الجذور
ملاحظة:خليت الحناء بعد الزيت لان الزيت ثقيل واحس انه يبقى بشعري والحناء يزيل الدهون ..وبعد مااغسل الحناء مااحسه يجفف شعري حيل ..واحط بشعري كريم بعدين
-اللي بعده راحه
-زيت
-حناء
-راحه
-وكذا
اللي شفته بشعري خلال الشهر ونص :
ماشاء الله ولا قوة الا بالله اذكروا الله
1.طوووووول وشعري ترى مايطول بسرعه بطيء نموه خلال هالفترة طال 3سم او 2 ونص تقريبا ماشاء الله لا اله الا الله
2.كثافة حتى امي لاحظت تقولي شعرك صاير كثيف وانا لاحظت من عند الجبهه بدا ينبت شعر انا مابي جبهتي تنبت مع اني مااوصل الزيت لجبهتي ..لكن بالحناء والسدر اخذ راحتي ويجي على بداية الجبهه قلت يمكن من السدر لاني سمعت ان السدر ينبت
3.يابنات والله ان شعري صار يلمع
4.نعوووووووووومه ولما الف شعري والله العظيم كنه مستشور على السريع
مع العلم ان شعري باهت جااااف وينفش هو كذا خلقه من ربي
5.التساقط والله انه خف كثييييير
وحبيت انبه انه اهم شي الاستمرااااااااار ومن غير ماتستمرين ماراح تلقين نتيجة حتى صاحبة الموضوع الله يوفقها يارب ويجزاها كل خير قالت مايمر 4 او 5 ايام من دون مانزيت او نحني
واحس لازم الحناء لانه يطهر فروة الراس ويزيل الدهون الزايده من الشعر وفروة الراس ويقضي على الفطريات والبكتريا
وارجع اقول الاستمراااار بيعطيك اللي تبين
ترى كلنا نمل ونزهق بس عشان تستمرين سوي مثلي حطي في بالك الشعر اللي تحلمين به وتتمنينه وهذا بيحمسك تستمرين ان شاء الله
ايه ونسيت اقول بديت احاول احسن من اكلي واحاول قد مااقدر مااكل معلبات والقهوة بديت اخفف منها ليه ؟؟طبعا كلنا نعرف ان الشعر يتغذى ويعيش على الدم اذا كان اكلك اوكي ومفيد بيصير دمك اوكي وبعدين بيستفيد شعرك ويتغذى صح
اخيرا ماكتبت لكم هالموضوع وتعبت نفسي الا عشان تستفيدون واحس كثرت بالكلام بس يمكن قلت بالموضوع شي بسيط بس ماكنتم تعرفونه
وشسموه
ابي طلب صغييييييير ابي بس دعوه منكم
ان ربي يحقق اللي ببالي عاجلا غير اجل
واي سؤال انا حاضرة