تجربتي مع شعري تعالو وجربو

بصراحه كان شعري يجنن بشهاده الجميع كان طويل وكثيف ويوم تخرجت من الثانوي لعبت فيه بالاسشوار والصبغات لين صار كانه وش >>> مادري وش اشبهه يفشل :icon33:

المهم قلت اقصه وارجع اهتم فيه مثل ماكانت امي الله يخليها لي تسوي والله ياصبايا ماتتخيلون رجع ياربي لك الحمد مثل اول واحسن حتى طول اكثر من اول

>>> قالت قصة حياتها ههههههههه

استخدمت الزيت اللي زمان كنت استخدمه رجعت له بعد ماتركته واهملت شوشتي

الزيت هو زيت النارجيل العلبه الخضرا
وزيت الخروع+زيت الكثيره

واخلطها سوا مع 3فصوص ثوم مدقوقه +كميه لاكثيره ولاقليله من النعناع واحطها مع الزيت ادري بتقولون وع وش ذا بس وربي هذي تجربتي مع هالخلطه حتى بنات عمي يستخدمونها رائعه رائعه



وغير كذا كمان كل يوم اثنين وخميس استخدم ماينيز مع عسل مع حبه بركه مطحونه مع بيضه اخلطها واحطها على شعري واغطيه بنايلون لمده ساعتين

والطريقه الثانيه لان شعري يتساقط بشكل مخيف :(


اخذ خمس فصوص ثوم مع كميه من الزيت اللي استخدمه اللي كتبته لكم فوق يعني الكميه على حسب طول الشوشه

وفي الخلاط لين يصير الخليط لونه زي الحليب وربي يابنات ان شعري مايتساقط من ثاني استخدام وغير كذا انه ينبت الشعر ويعيد بنائه والحمدالله شعري صاير يهبل يهبل اسم الله عليه



دعواتكم لي بالتوفيق والستر





تحياتي لكم والله الله بالردود :)