السلام عليكم
انا مسجله من زمان بعالم حواء ..بس للاسف بسبب الظروف ماتواصت معاكم ..
اليوم قررت انقل لكم تجربتي مع شعري..:27:
انا شعري خفيف وناعم جدا ... تعبت معاه ..بكل مناسبه اشيل همه .. اتمنى يكون كثير اجعده مثل البنات
بس للاسف مايساعد ..كنت اقصه دائما ..اقول على الاقل يبين كثير .. بس ماتظبط القصه علي ..
وطبعا زيوت وخلطات ولا جابت معاه اي نتيجه بالعكس يزيد تمردا ^ _ ^ ويتساقط ..:44:
وانا كل يوم اطامر من عطار لعطار ومن عياده لعياده دون نتيجه .. شوي واروح لشيخ يقراء عليه بس خفت يزعل ويطيح كله ^ _ ^:27:
الى ان دقت ساعه الحقيقه .. قلت انا ليش ما استخدم الثوم الي كل الناس تمدحه والريحه بالطقاق محد نافعني ههههههه
وقررت ان اعمل خلطه والله يابنات من راسي ..او تقدرون تقولون خلطه مجمعه ...
وهي الاتي ( خلطه السدر للشعر )
المقادير:
6 ملاعق ستر يمني مطحون
3 ملاعق محلب( فيه اسود وعادي الي يريحك كله مفيد
ملعتقين نواه التمر المطحونه والمحروقه ( خذوها جاهزه عند العطارين علبه كبير ورخيصه
ملعقه حبه البركه كبيره
ملعقه خميره صغيره
ملعقه خل صغيره ( انا قلت صغيره انتبهي تكثرين وافضل شي خل التفاح حق الرمحين
ربع ملعقه صغيره عويدي ( القرنفل
ملعقه صغيره بن ( قهوتنا العاديه
بصله كبيره ^ _ ^
راس ثوم ^ _ ^
الطريقه :
حطي كأس مويا على النار وقطعي البصله فيه وقطعي الثوم كمان وخليه يغلي الى ان تشوفينه بدا يقل الماءوصار لونه اصفر ..بعدين حطي الخميره والبن والعويديوطفيء النار
وجيبي بقيه المقادير واعجنيها فيه .. بيكون مثل الحنا .. وحطيه على شعرك ..وافركي فروه الراس بلطف
و
وحطي كيس لمده ساعه بس عشان يعرق ويدخل لكل شعرك بعدين شيلي الكيسه لانه اذا طولت تسبب
دخول الماء للراس وهذا خطير ..
المهم بعد ماتشيلين الكيس خلي الخلطه على شعرك مده لاتقل عن 5 ساعات ولا تزيد على 8 ساعات
واغسلي شعرك بشامبو مناسب لك ( الي متعوده عليه ..
***
نجي الحين لخلطه الزيت ( خلطتي الخاصه )
زيت دابر املا( الاخضر القديم
زيت السمسم ( الافضل الي عليه صوره جمل ^ _ ^
زيت خروع
زيت اللوز المر
ماسكه
السابله
ساق الحمام
نواه تمطر مطحون
محلب
الطريقه نخلط كميه متساويه من الزيوت .. ونحط عليه فنجال من الماسكه والسابله وساق الحمام والمحلب
ونرجها عدل ونحفظها بعلبه زجاج ..
*** الحين اقولكم ايش كنت اسوي : ^ _ ^
كنت احط على شعري خلطه السدر لمده 7 ساعات واغسل شعري عادي وارتاح يوم بعدين ازيت شعري
بالزيت وكنت احط كيس واحط الاستشوار على شعري عشان يعرق الشعر ويدخل الزيت بس كنت ماطول
عشان مايدخل الزيت لراسي ..
بعد ماشيل الكيس اترك الزيت 5 ساعات على شعري واحيانا 6 ساعات اهم شي لاينقص عن 5 ساعات ولا يزيد على 8
...
النتيجه :
استمريت شهرين على هذه الحاله .. والله تعبت بس قلت لازم اصبر والله يابنات نتيجه روعه شعري طال بطريقه عجيبه وبديت اشوف الفراغات اتعبت والله انه طلع شعرصغير بجبهتي من فوق...
والحين قررت اعملها بالاسبوع مرتين فقط ..
الي تسوي الخلطه لازم بالبدايه مثلي تتعب يوم السدر.. ويوم ترتاح ..ويوم الزيت ..وبعد شهرين كيفها عاد تقدر تكتفي بمرتين بالاسبوع ...
ادري ثرثرتي كثيره ومليتو تقرون بس والله حبيت اوضح كل شي لكم...:39:
ايه نسيت اقولكم وربي يابانات ريحتها عاديه .. ولا احد شم معي شي ..ازعجت اختي كل شوي شمي ههههههههههههههه
يمكن لاني استخدمت المحلب الاسود وهو ريحته مثل العطر يشبه ريحه الريحان وشكله قضى على الريحه .. بس انا كنت ابخر شعري واحط خمريات خاصه اذا كنت بطلع
من باب الاحطياط ..
*******
الحين عملت خلطه لبشرتي والنتيجه مشجعه اذا ظبطت نزلتها لكم .. لاني والله ماحب اقول لحد عن شي الا مجربته عشان محد يدعي علي ..
والحين وانا اكتب لكم هذه الخلطه بطني نااااااااار من خلطه للكرش وهذا اول يوم لي اذا جابت نتيجه
ابشرو فيها ..
:27: تكفون بنات لاتنسوني من دعاكم .. لايغركم الضحك ترى اخفي حزن لايعلمه الا الله ..ادعولي بالثبات
على ديني وبالزوج الصالح وان الله ينتقم لي من ظلموني .. بكل مره تحطون الخلطه تذكروني بدعوه ..:44:
سفن أم @sfn_am_1
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
الله يجزآكِ خير ويحقق مبتغآكِ وينصرك على من عآدآكِ ويرزقكِ بالزوج الصآلح ويرزقنآ وإيآكِ الثبآآآآآآآت في الحيآة الدنيآ وعند الممآت