السلام عليكم و رحمة الله و بركاته ..
الموضوع هذا اول مشاركه لي بالمنتدى و سجلت
بالمنتدى مخصوص عشان افيدكم و يشهد الله علي اني حبيتكم
كلكم و استفدت كثير منكم طبعا كنت خلف الكواليس زي ما يقولون
زائره اتابع المواضيع و استفدت كثير منكم ..
قررت اسجل عشان افيدكم زي ما استفدت منكم
و اطبق حديث الرسول - صلى الله عليه و سلم - :
حب لاخيك كما تحب لنفسك .
ما راح اطولها عليكم اول احب اقول لكم قصتي معي شعري
حتى توضح لكم الصوره و تعرفون وش اللي صار لي
انا من النوعيه اللي احب اغير بشعري كل فتره اصبغه
تهورت و صبغته 4 مرات بسنه وحده بس و الالوان اللي اخترتها
اعدمت شعري فوق ما تتصورون كان بني و خليته اشقر و رجعت خليته
اغمق درجات البني و صبغته بني اشقر و اخر شي خليته بني شوكولاته
طبعا ما اهتميت وش راح يصير بس بعد الصبغات والله ما اكذب
ان نفسيتي انعدمت منه مره صار متقصف و ملمسه كانه بلاستيك
مررته على النار و اذا غسلته و ما حطيت بلسم عليه هذا اسوء شي
بالدنيا يطلع مره ما يدخل فيه المشط و خشن شفت مواضيع لكم كثير
بالشعر و قلت خليني اجرب بشعري و اهتم فيه يمكن يتعدل
سويت زيت من نفسي جمعت من كل خلطه زيت شي و دمجتهم
قلت نشوف وش بيصير بنات استخدمته 4 مرات بس الى الان
والله والله ان شعري تعدل بنسبه 80٪ و الحمدلله صار طري
و فيه لمعه و بدا يطول و ما صرت استخدم التمليس بس استشوار
خفيف صرت بس اوقف قدام المرايه و اناظر فيه من الفرحه
و التساقط خف الحمدلله عن اول
اذكروا الله و قولوا ما شاء الله ما صدقت انه يوصل لكذا
حبيت اقول لكم تجربتي و يمكن تحل ازمة لوحده مثل حالتي
الزيت عباره عن :
زيت النارجيل اللي بالعلبه الخضراء
زيت السمسم
زيت عافيه
حلبه
حبة سوداء
محلب
الكميات على حسب اللي تبون بي اكثر شي زيت النارجيل
و الحلبه و المحلب و الحبة السوداء مقدار ملعقتين كبيره من كل واحده
اذا استخدمتي علبة زيت النارجيل كله
الطريقة :
اخلطوا كل المكونات مع بعض و خلوها بالشمس لمدة لا تقل عن اسبوع
بعدها صفوا الزيت و استخدموه لمدة 5 ساعات الى 7 و غسلوه
الزيت بتحسون ريحته مو حلوه بس مع الغسل و لو تحطون خمريات للشعر ما فيه اي ريحة
جربوه و ان شاء الله تستفيدون منه
كل اللي ابيه منكم دعوه ان ربي يحقق لي كل ما اتمناه و يوفقني بدراستي
و اتمنى القى ردود لاني تعبت و انا اسجل بالمنتدى
و مشكورين و اسفه ع الاطاله
SoSo.20 @soso20_4
عضوة جديدة
يلزم عليك تسجيل الدخول أولًا لكتابة تعليق.
فانيليا111
•
يعطيكي العافيه انا مستمره على استخدام زيت النارجين مع كيشور الهندي رووووووووعه مره
الصفحة الأخيرة