تجربتي مع شعر المنطقة الحساسة...لاتفوتكم..

مرحبا ياحلى بنوتات يشرفني اني اشارك في هذا المنتدى الرائع ويؤسفني اني انقل لكم تجربتي المريرة مع الشعر الزائد اللة لايبارك فية
المهم انا طول عمري اشيل شعر اليدين والاباط والرجول بالحلاوة لانها بصراحة مهما تطورنا وحتى لو وصلنا للمريخ رح تظل افضل وسيلة لان ماشاء اللة الشعرعندي سنة عن سنة يخف ويقل.......... ياربي انا ثرثارة......:21:
القضية هي المنطقة اياها...انا كنت اخاف اشيلها باالحلاوة.....ومن اول ظهور للشعر وانا هاتي ياكريمات وهاتي يا موس......< ياعني المنطأة بأت اخر حلاوة تأولي مزرعة او اسلاك شائكة>....هذا غير عن الحبوب والاحمرار والسواد......< وطبعا الشعر مش حتشتأيلو ابدا دنتي تشيلي في الليل تلأية منور عليكي الحتة ف الصبح....>
المهم في يوم قررت التحدي لاني بصراحة خلاص قرفت......طبعا بعد ماقريت كثير عن اساليب لتخفبف الالم واكتشفت ان مافية فايدة مثلاxylocain spray وهذا مخدر موضعي لكن مو للبشرة وتأثيرة عليها ضعيف جدا وقد يكون ليس لة تأثير اصلا هوا مخدر موضعي لل mucous membraneواللة ماعرف اترجمها بس زي الغشاء الي يغطي الفم من جوا يعني يستخدم للاسنان فقط
وقريت عن البندول تذوبية في موية وللامانة انا ماجربتة لاني ماقتنعت.... البندول يمتصو الجسمم عن طريق جدار المعدة ماتوقع ان البشرة تقدر.وبعدين ماهو مخدر.....
المهم نبدا واللة حاسة انو كان فيلم تراجيدي على كوميدي......انابقولكم ان الحل الوحيد هو الاصرار والتحدي
وطبعا تحمل الالم وتحطون قدام عيونكم هدف هو انكم رح تتمتعون بنظافة وشعر اخف واقل واحتسبوا الأجر لان النظافة من الايمان..
والسر هو المعادلة البسيطة كل ما صغرت قطعة الحلاوة كل ما خف الالم لكن كلما زاد الوقت يعني انتي وازني على حسب قدرتك.....اهم شي تحتاجين مسحة طبية تمسحي كل منطقة تشيلين منها الشعر عشا ن المسامات الي تفتحت ماتدخل فيها الجراثيم المسببة للحبوب...وبعد كذا ثلج يكون في كيس معقم من برا يعني كل شي معقم اعتبري نفسك في غرفة عمليات.... الثلج عشان يقلل الالم ويضيق الاوعية الدموية وبالتالي مايكون فية نزيف
انااستخدمت حلاوة شوي سائلة اخذ منها قطعة صغيرة وافردها وبعدين اجيب قطعة قماش قصيتها شرايط طويلة
واحطها على الحلاوة الين تلزق فيها واشد بقوة مع الحرص على ان الشد يكون عكس اتجاة الشعرويكو ن الجلد ثابت ولازم تراعون ان هذي المنطقة مش سهلة بسبب ان الشعر مو في اتجاة واحد وبعد المشكلة ان الجلد مش ثابت في كل الاماكن لانو يتحرك باتجاة الشد وماينتزع الشعر> يادي الكسوف< بقول وامري للة نزع الشعر عند منطقة الخط يكون بشكل موازي لة عشان الجلد مايتحرك:55:
حبيباتي التجربة خير برهان حتكتشفون وسائل وحقائق غير هذي >خخخخخخ بنصير علماء
مارح اكذب عليكم انا تألمت وقتها بس يروح الالم بسرعة هو بس وقت النزع لكن انا الحين مرتاحة نفسيا:21:
اسفة جدا انا عارفة اني طولت عليكم بس انا متأكدة انكم حبوبات وزي العسل
الي عندها أي وسيلة مفيدة لاتبخل علينا وحياكم اللة