:26:بسم الله الرحمن الرحيم
كيفكم يامحبات العنايه بالشعر .. اكيد قرب الصيف وانواع الحوسه مع الصبغات والمشاغل
حبيت اطرح تجربتي مع صبغه لوريال الخاليه من الامونيا
انا استخدمت لونين الاشقر +والاشقر اللولؤي
شعري لحد نص ظهري نوعيته عادي مصبوغ وفيني شيب للاسف:06:
كبدايه فرغت الصبغه في علبه بلاستيكيه عندي على اساس يمتزج اللون كويس
استخدمت علبيتين من كل لون وكانت الكميه كافيه
لازم تهيئين الشعر للصبغ بانك تبلليه شوي مو تتروشين بس يكون فيه رطوبه
فرقي شعرك اجزاء وابدي اصبغي وركزي على الجذور اذا كان عندك شيب
واذا خلصتي حطي عليه بلاستيك على اساس يمسك اللون بالشعر
انا تركته لمدة ساعه واذا حابه افتح اتركيه اكثر
النتيجه : شعر لونه بني فاتح مائل للكستانئ غطى الشيب بشكل جيد وطبيعه الشعر لم تخشن او تتغير بالعكس احس انه قلل من الانتفاش اللي كان يحصل لي بعد الصبغه
ريحه الصبغه لطيفه وماتحسين فيها
سعر علبه الصبغه تقريبا 35
اخذتها من الدانوب واتوقع موجودة بكل مكان
حبيت انقل لكم تجربتي بشكل واضح واي استفسار انا حاضرة
لاتنسيني من دعواتكم بالهدايه والصلاح لي ولزوجي وعائلتي وجميع المسلمين
:26:
مدام جديدة @mdam_gdyd
عضوة فعالة
هذا الموضوع مغلق.
غاليه الاثمان66
•
مشكووره تتهني فيه رح اشتريها بس لون مختلف
الصفحة الأخيرة