تجربتي مع طفل الانبوب

السلام عليكم ورحمة الله وبركاته
اللهم صل على سيدنا محمد وعلى اله وصحبه وسلم
اخواتي حابة احكي قصتي مع تأخر الحمل صرلي فترة اربع سنين متزوجة وماصار حمل بديت بالعلاج بعد سنة من الزواج ابر تفجير وحبوب ومنشطات ومافي فايدة وطلبو مني الدكاترة صورة ظليلية للرحم ساويتا كانت الصورة كويسة ومافي اي انسداد بس ربي ماكتبلي الحمل مشيت بكل خطط العلاج مانفع اخر شي مليت وصرت فكر بطفل الانبوب وستخرت رب العالمين وكنت متفائلة احلامي قبل بشهر من العملية كانت حلوة عكس احلامي قبل ورحت لدكتورة عطتني فيتامينات لشهرين فيتامينات وطلبت تحاليل هرمونات وبعدهاقالتلي انت جاهزة للعملية ورحت لعندا تالت يوم دورة وبلشت معي بابر التنشيط كانت ابر بالعضل بودرة مع مي +ابرة تحت الجلد ستمريت بالتنشيط اكتر من اسبوع كان في بويضات بس كان نموها بطيأ استمريت بالتنشيط لحد ماوصلو للحجم المطلوب بس طبعا بطني رح ينفجر من التنشيط وقفت الدكتورة التنشيط كان يوم اربعاء الخميس اعطتني ابرة تفجيرية الجمعة كان يوم استراحة من الادوية والسبت كانت عملية السحب رحت ال٨الصبح جهزوني للعملية ودخلت خدروني وماحسيت العملية بسبطة صحيت مافي الم الحمدالله سحبولي ١٢بويضة سالتهم عن جودتن قالولي ماببين لبعد ٣ايام كلمو المركز رحت البيت بس بعد العملية بيوم صار عندي الم وانتفاخ صراحة خفت بس قلت عادي هديت نفسي وبعد ٣ايام كلمت المركز قالو ٩بويضات تلقحو ويوم الخميس الارجاع اختارو اليوم الخامس بعد السحب طبعا تاني يوم زاد الالم والانتفاخ رحت الدكتورة قالت عادي في شوية سوائل بالبطن طلبت مني اشرب مي واكل الياف واتمشى والحمدلله قبل الارجاع بيوم رتحت وخف الالم رحت للمشفى وكنت خايفة كتير من الترجيع لان بدون تخدير دخلت الدكتورة وجهزتني حطت حديدة بيستخدموها لتوسيع ماكان في الم ابدا متل الفحص للنسائي وبعدها دخل المخبري وسالني عن اسمي وخبرني رح نرجعلك اربع اجنة من الدرجة التانية للاسف ماكان عندي ولا جنين درجة اولى وحكالي قولي يارب قلت يارب وبلشت بالدعاء ورجعولي الاجنة وعطتني الدكتورة التعليمات وتركوني ساعة مكاني على سرير قرأت سورة ياسين ودعيت الله يثبتلي الاجنةبعدها قمت مشيت ودخلت الحمام وطلعوني ع غرفة تانية ضليت كمان ساعة وبعدين طلعت عالبيت اسفة طولت عليكن بس حبيت فيدكن بتجربتي انا اليوم السابع انتظار طبعا اصعب ايام هي اسبوعين الانتظار دعولي الله يثبت اجنتي ويرزقني بالزرية الصالحة وانا وكل محروم يارب وعطوني نصايحكن لان كتير متوترة ويلي عملو طفل انبوب شو الاعراض يلي حسيتوها بعد الارجاع