تجربتي مع علاج ولدي 2

السلام عليكم ورحمة الله وبركاته 
انا بكتب هذا الموضوع ردا للي ارسلو لي عل الخاص يسألوني عن تطورات طفلي طفلي الان عمره اربع سنوات وقلت لكم اني اعلجه عند الدكتوره سهير بلخي وان من ضمن الفحوصات الي سويتها تخطيط مخ وطلع عنده كهربه زايده وكتب له الدكتوره 2ملم الصباح و2ملم المساء وفي المراجعه الثانيه زاد الجرعه 4ملم الصباح و4ملم المساء والدكتوره سهير بلخي كتبت له على ريتالين نصف حبه وهذا دوا لفرط الحركه وحولتني للدكتوره خاصه للجهاز الهضمي وسوت له تحاليل دم التحسس من الجلوتين والكازيين وقالت التحاليل بينت ان فيه تحسس من الجلوتين القمح  ومشتقاته يعني وقالت لازم نسوي له خزعه ونتأكد   وسوت له خزعه من الأمعاء بعد ما خدروه وطلع سليم ما عنده تحسس  لا من القمح ولا الحليب الحمدلله بس قالت لازم تبدأون حميه التوحد  حتى لو ما عنده تحسس لأنها فادت اطفال وحولتنا لدكتورة تغذيه وحاليا بدأت حمية خاليه من الجلوتين القمح ومشتقاته منرمضان وما زلت مستمره وفي المراجعه الثانيه  بنبدأ مع دكتورة التغذيه بحميه خاليه من الكازييين يعني من الحليب ومشتقاته   ما قد شفت نتايج لحد الا مع ان قد لي اكثر من شهر على الحميه بس املي في الله كبير وكمان حولني دكتور الأعصاب على رنين مغناطيسي عشان يعرف اذا كان فيه سبب للكهرباء وسويناه بعد ما خدروه وطلع الدماغ سليم  ولله الحمد مافي بؤر صرعيه ولا اثار طيحات ولا  ضمور وطبيعي يعني الي فيه كهرباء بدون سبب وقال الدكتور استمروا علي العلاج ديباكين لشهر 3ونسوي له تخطيط ونشوف اذا راحت او نزيد له علاج  طبعا لازم احكي لكم من الناحيه السلوكيه الرفرفه خفت بنسبة 99% والصراخ خف بنسبة 70% من قبل الحميه بعد ما استخدمت ريتالين حتى لما يروح مفعول العلاج الضحك بدون سبب صار نادرا يحاول يبوسنا دايم وكل شوي ويحضنا صار اذا عصب او ما نفذنا له الي يبي يضرب براسه بدون توقف والحين خف الضرب براسه لأنه لما يضرب براسه احاول الهيه بأي شي من ناحية الأطفال ما زال لا يلعب معهم بس يغار على ابوه اذا شافه يحمل  اي طفل ويضرب ابوه والطفل حتى ينزله والكلام ما زال لا ينطق الا حرووف بس  وغالبا لا يفهم الأوامر يضحك وينبسط اذا جاء ابوه ويزعل  ويبكي اذا راح مكان وما اخذه.. حاليا فتحت في المنطقه عندنا روضه فيها فصل للأحتياجات الخاصه بألفين شهريا وافكر اسجله فيها بس لازم اروح واشوفها واقرر اتمنى الاقي كتب عن حالته او اي احد يعلمني كيف اتعامل معه واعلمه لأني ماني قادره اوصل له لأنه يمل بسرعه فاللي تعرف كتب او اي شي فييه طريقة تأهيله وتعليمه تقولي  ما زال يلبس بامبرز ونفسي  اعلمه الحمام بس مو قادره مع انه يعرف  يجلس على .... ويبول الله يكرمكم  بس ما يعرف يطلبني اذا بغى الحمام   ادري طولت عليكم بس قلت لازم احكي لكم بالتفصيل وانتو بعد كل وحده تقول وش سوت مع طفلها والي عندها افاده تفيدنا  واي استفسار انا حاضره واسأل الله الشفاء لطفلي وأطفالكم