تجربتي مع عيالي لمقاطعة المضادات الحيويه

اول ما ابدأ به كلامي بسم الله الرحمن الرحيم
الحمدلله الذي وهبنا واعطانا وتفضل علينا من نعمه التي لا تحصى
بحكيلكم قصتنا مع الزكام والتهابات الحلق بالإضافة للسخونة وروحتنا للمستوصفات الاهلية والحكوميه وانواع الادويه لدرجة ان بنتي بدا يجيها ضيق في التنفس وبدأنا في الأكسجين وموسعات الشعب الهوائية وهي عمرها ما تعدا السنتين .....تخيلوا في شهرين 4علب مضاد حيوي اداوم عليها لين 5 او 6 ايام ثم تتحسن اسبوع وترجع تزكم وتتعب وتسخن واكثر ما كان يقهرني الاكسجين اخاف تتعود عليه .....
آآآآه معاناة وخصوصا اني احسها بدات يضيق نفسها كل شوي وكل مرة تزيد حالتها وتحتاج اكسجين اكثر ثم قررت اني اتوقف عن ادوية المستشفى وابدا في العلاجات الطبيعية
اولا بدأت اشربها حلبة منقوعة في ماء مغلي واحطها في الرضاعة بدل المويه يعني مع الحليب لأني سمعت انها توسع الشعب الهوائيه وهكذا مايقارب الخمس ايام وهذا اذا حسيت انها بدأت في الزكام لأن الزكام هو اللي يضيق نفسها.......اما عن الالتهابات في الحلق والزكام ابشر نص فص ثوم صغير واخلطه مع ملعقة عسل واشربها بالغصب مرتين في اليوم وما انكر ان اول مرة ما استخدمت الدوا كانت سخونتها فضيعه لأن مناعتها صارت ضعيفه من كثر الأدوية وكل شوي اروشها وتحاميل وكمادات لمدة 3ايام بس يوم تحسنت انبسط زوجي من تجربتي وقال الحمدلله ما اضطرينا للأدويه وحسيت انها اخذت مناعة شويه لمدة شهر ونص ثم رجعت مرضت ونفس الشي عالجتها بالثوم والعسل وطبعا المشروبات الدافيه زي اليانسون والزعتر البري والشمر كل هذه مفيده لأمراض الصدر والحمد لله تحسنت مناعتها وبطلنا مستشفيات واكسجين اللهم لك الحمد حتى ترضى ولك الحمد اذا رضيت ولك الحمد بعد الرضى
فلذلك انصح الامهات من عدم الاكثار من الادويه والتركيز على الاكل الصحي الذي يقوي المناعة كالزبادي المضاف له الثوم وايضا البرتقال والحمضيات